תהילים 24

1 לדוד מזמור ליהוה הארץ ומלואה תבל וישבי בה

Abụ Ọma Devid. Ụwa na ihe niile dị nʼime ya bụ nke Onyenwe anyị; ụwa na ndị niile bi nʼime ya.

2 כי-הוא על-ימים יסדה ועל-נהרות יכוננה

Ọ tọrọ ntọala ya nʼime oke osimiri niile, o mekwara ka o guzosie ike.

3 מי-יעלה בהר-יהוה ומי-יקום במקום קדשו

Onye bụ onye ahụ nwere ike irigo nʼelu ugwu Onyenwe anyị? Onye nwere ike ịbata guzo nʼime ụlọnsọ ya?

4 נקי כפים ובר-לבב אשר לא-נשא לשוא נפשי ולא נשבע למרמה

Ọ bụ onye aka ya emeghị ihe ọjọọ, obi ya dịkwa ọcha, onye na-adịghị atụkwasị obi na chi arụsị, maọbụ ṅụọ iyi aghụghọ.

5 ישא ברכה מאת יהוה וצדקה מאלהי ישעו

Ha ga-anata ngọzị site nʼaka Onyenwe anyị, natakwa mkpepụta site nʼaka Chineke Onye nzọpụta ha.

6 זה דור דרשו מבקשי פניך יעקב סלה

Otu a ka ọ ga-adịrị ọgbọ ndị ya, bụ ndị na-achọ ihu gị, Chineke nke Jekọb. (Sela)

7 שאו שערים ראשיכם והנשאו פתחי עולם ויבוא מלך הכבוד

Welitenụ isi unu, unu ọnụ ụzọ ama, meenụ ka isi unu bụrụ ihe e welitere, unu ọnụ ụzọ ama ochie, ka eze ebube nwee ike ịbata.

8 מי זה מלך הכבוד יהוה עזוז וגבור יהוה גבור מלחמה

Onye bụ eze ebube a? Ọ bụ Onyenwe anyị, onye bụ dimkpa na dike. Ọ bụ Onyenwe anyị, onye bụ dike nʼagha.

9 שאו שערים ראשיכם ושאו פתחי עולם ויבא מלך הכבוד

Welitenụ isi unu, unu ọnụ ụzọ ama, buliekwanụ ha elu, unu ọnụ ụzọ ama ochie, ka Eze ebube nwee ike ịbatakwa.

10 מי הוא זה מלך הכבוד יהוה צבאות-- הוא מלך הכבוד סלה

Onye bụ eze ebube a? Ọ bụ Onyenwe anyị, Onye pụrụ ime ihe niile, ọ bụ ya bụ Eze ebube! (Sela)