תהילים 24

1 לדוד מזמור ליהוה הארץ ומלואה תבל וישבי בה

Iya ni Jehova ang yuta ug ang pagkapuno niana; Ang kalibutan, ug (sila) nga mga nanagpuyo niini;

2 כי-הוא על-ימים יסדה ועל-נהרות יכוננה

Kay siya ang nagtukod niana sa ibabaw sa kadagatan, Ug gipalig-on niya sa ibabaw sa katubigan.

3 מי-יעלה בהר-יהוה ומי-יקום במקום קדשו

Kinsa ang mosaka ngadto sa bungtod ni Jehova? Ug kinsa ba ang motindog sa iyang dapit nga balaan?

4 נקי כפים ובר-לבב אשר לא-נשא לשוא נפשי ולא נשבע למרמה

Siya nga malinis ug mga kamot ug may usa ka putli nga kasingkasing; Siya nga wala magbayaw sa iyang kalag ngadto sa kabakakan, Ug wala makapanumpa sa malimbongon.

5 ישא ברכה מאת יהוה וצדקה מאלהי ישעו

Siya magadawat ug panalangin gikan kang Jehova, Ug pagkamatarung gikan sa Dios sa iyang kaluwasan.

6 זה דור דרשו מבקשי פניך יעקב סלה

Kini mao ang kaliwatan kanila nga nanagpangita kaniya, Nga nagapangita sa imong nawong, bisan si Jacob. (Selah)

7 שאו שערים ראשיכם והנשאו פתחי עולם ויבוא מלך הכבוד

Sakwata ninyo, Oh mga ganghaan, ang inyong mga ulo; Ug sakwata ninyo ang inyong kaugalingon, mga pultahan nga walay katapusan: Ug ang Hari sa himaya mosulod.

8 מי זה מלך הכבוד יהוה עזוז וגבור יהוה גבור מלחמה

Kinsa ba kining Hari sa himaya? Si Jehova ang kusgan ug makagagahum, Si Jehova ang makagagahum sa panggubatan.

9 שאו שערים ראשיכם ושאו פתחי עולם ויבא מלך הכבוד

Sakwata ninyo, Oh mga ganghaan, ang inyong mga ulo; Oo, sakwata ninyo (sila) kamong mga pultahan nga walay katapusan: Ug ang Hari sa himaya mosulod.

10 מי הוא זה מלך הכבוד יהוה צבאות-- הוא מלך הכבוד סלה

Kinsa ba kining Hari sa himaya? Si Jehova sa mga panon, Siya mao ang Hari sa himaya (Selah)