תהילים 22

1 למנצח על-אילת השחר מזמור לדוד ב אלי אלי למה עזבתני רחוק מישועתי דברי שאגתי

Wuta na buku ya mokambi ya bayembi. Nzembo ya Davidi, ya koyemba lokola nzembo na kombo « Mboloko ya tongo. » Nzambe na ngai, Nzambe na ngai, mpo na nini osundoli ngai? Mpo na nini otelemi mosika? Mpo na nini ozali kobikisa ngai te? Mpo na nini ozali koyoka te koganga na ngai?

2 אלהי--אקרא יומם ולא תענה ולילה ולא-דמיה לי

Nzambe na ngai, na moyi, nabeleli Yo, kasi oyanoli ngai te; na butu, nabeleli lisusu, mpe natikali kovanda nye te.

3 ואתה קדוש-- יושב תהלות ישראל

Nzokande, ozali Mosantu, ovandaka na Kiti na Yo ya Bokonzi, kati na masanzoli ya Isalaele.

4 בך בטחו אבתינו בטחו ותפלטמו

Batata na biso batiaki elikya na bango kati na Yo, bamipesaki epai na Yo, mpe okangolaki bango.

5 אליך זעקו ונמלטו בך בטחו ולא-בושו

Bagangaki epai na Yo, mpe Yo okangolaki bango; batiaki elikya na bango kati na Yo mpe bayokisamaki soni te.

6 ואנכי תולעת ולא-איש חרפת אדם ובזוי עם

Nazali lisusu moto te, kasi mutsopi; bato nyonso bazali kofinga mpe kotiola ngai.

7 כל-ראי ילעגו לי יפטירו בשפה יניעו ראש

Bato nyonso oyo bazali komona ngai bazali koseka ngai, bazali kokamwa, koningisa mito mpe koloba:

8 גל אל-יהוה יפלטהו יצילהו כי חפץ בו

« Atiaka motema na ye epai na Yawe; tika ete Yawe abikisa ye! Tika ete Yawe akangola ye, pamba te asepelaka na Ye! »

9 כי-אתה גחי מבטן מבטיחי על-שדי אמי

Solo, Yawe, obimisaki ngai na libumu ya mama na ngai, obatelaki ngai na kimia na tolo na ye.

10 עליך השלכתי מרחם מבטן אמי אלי אתה

Wuta mbotama na ngai, batikaki ngai na maboko na Yo; wuta libumu ya mama na ngai, ozali Nzambe na ngai.

11 אל-תרחק ממני כי-צרה קרובה כי-אין עוזר

Kozala mosika na ngai te, pamba te pasi ekomi pene mpe nazangi moto oyo akosunga ngai.

12 סבבוני פרים רבים אבירי בשן כתרוני

Banguna na ngai bazingeli ngai lokola lisanga ya bangombe ya mibali, bazingeli ngai lokola banyama mabe oyo ezalaka na Bashani;

13 פצו עלי פיהם אריה טרף ושאג

mpe bafungoleli ngai makasi minoko na bango lokola nkosi oyo etomboki mpe ezali kolia nyama.

14 כמים נשפכתי-- והתפרדו כל-עצמותי היה לבי כדונג נמס בתוך מעי

Nakomi lokola mayi oyo ezali kosopana, mpe mikuwa na ngai nyonso ekabwani; motema na ngai ekomi lokola mafuta oyo ezali konyangwama kati na ngai.

15 יבש כחרש כחי ולשוני מדבק מלקוחי ולעפר-מות תשפתני

Makasi na ngai ekawuki lokola potopoto, mpe nazali kokoka lisusu koloba te; otie ngai pembeni ya lilita.

16 כי סבבוני כלבים עדת מרעים הקיפוני כארי ידי ורגלי

Bambwa ezingeli ngai, ngulupa ya bato mabe bayei kobundisa ngai, bazali kotambola zingazinga na ngai; bakangi maboko mpe makolo na ngai na basinga.

17 אספר כל-עצמותי המה יביטו יראו-בי

Nakoki sik’oyo kotanga ata mikuwa na ngai nyonso; kasi bato bazali kotala mpe koseka ngai,

18 יחלקו בגדי להם ועל-לבושי יפילו גורל

bazali kokabola bilamba na ngai mpe kobeta zeke mpo na nzambala na ngai.

19 ואתה יהוה אל-תרחק אילותי לעזרתי חושה

Kasi Yo, Yawe, kozala mosika te! Ozali makasi na ngai; yaka noki kosunga ngai.

20 הצילה מחרב נפשי מיד-כלב יחידתי

Bikisa bomoi na ngai liboso ya mopanga, mpe kangola yango wuta na manzaka ya bambwa.

21 הושיעני מפי אריה ומקרני רמים עניתני

Bikisa ngai wuta na monoko ya nkosi mpe na maseke ya mpakasa.

22 אספרה שמך לאחי בתוך קהל אהללך

Nakotatola Kombo na Yo epai ya bandeko na ngai, mpe nakokumisa Yo kati na mayangani.

23 יראי יהוה הללוהו-- כל-זרע יעקב כבדוהו וגורו ממנו כל-זרע ישראל

Bino bato oyo botosaka Yawe, bosanzola Ye! Bino nyonso bana ya Jakobi, bopesa Ye lokumu! Bino nyonso bana ya Isalaele, botosa Ye!

24 כי לא-בזה ולא שקץ ענות עני-- ולא-הסתיר פניו ממנו ובשועו אליו שמע

Pamba te Yawe atiolaki te mpe abwakaki te mobola; apesaka ye mokongo te mpe ayokaka ye tango asengaka lisungi.

25 מאתך תהלתי בקהל רב--נדרי אשלם נגד יראיו

Na ngolu na Yo, nakumisaka Yo kati na mayangani, nakokisaka bandayi na ngai na miso ya bato oyo batosaka Yo.

26 יאכלו ענוים וישבעו-- יהללו יהוה דרשיו יחי לבבכם לעד

Babola bakolia mpe bakotonda; bato oyo balukaka Yawe bakosanzola Ye. Tika ete bozala na bomoi libela na libela.

27 יזכרו וישבו אל-יהוה-- כל-אפסי-ארץ וישתחוו לפניך כל-משפחות גוים

Mokili mobimba ekokanisa Yawe, ekomipesa epai na Ye; mpe bituka nyonso ya bikolo ekogumbama liboso na Ye.

28 כי ליהוה המלוכה ומשל בגוים

Pamba te Yawe azali Mokonzi, azali kokonza bikolo.

29 אכלו וישתחוו כל-דשני-ארץ-- לפניו יכרעו כל-יורדי עפר ונפשו לא חיה

Bazwi nyonso ya mokili bakolia mpe bakogumbamela Ye; bato nyonso oyo bazali kokende na kunda, ba-oyo bakoki te komibatela na bomoi, bakogumbama liboso na Ye.

30 זרע יעבדנו יספר לאדני לדור

Bakitani na bango bakosalela Yawe mpe bakopanza sango na Ye epai ya ekeke oyo ekoya na sima;

31 יבאו ויגידו צדקתו לעם נולד כי עשה

bakosakola misala ya bosembo na Ye, epai ya bato oyo bakobotama.