תהילים 18
| למנצח לעבד יהוה--לדוד אשר דבר ליהוה את-דברי השירה הזאת-- ביום הציל-יהוה אותו מכף כל-איביו ומיד שאול ב ויאמר-- ארחמך יהוה חזקי | 1 |
Keiman nangma kangailui Yahweh Pakai; Nangma hi kathahatna nahi.
| יהוה סלעי ומצודתי-- ומפלטי אלי צורי אחסה-בו מגני וקרן-ישעי משגבי | 2 |
Yahweh Pakai hi kasongpi, kakulpi, chuleh eihuhhingpu ahin, Elohim ka Pathen hi kasongpi ahin eiveng tup jing ahi. Amahi kalumdal, eihuhhinga thahat chu ahin, chuleh kahoidohna munpi chu ahi.
| מהלל אקרא יהוה ומן-איבי אושע | 3 |
Keiman thangvah dinga lomtah Yahweh Pakai chu kakouvin, aman kamelmatea konnin eihuhdoh'in ahi.
| אפפוני חבלי-מות ונחלי בליעל יבעתוני | 4 |
Thina khoisatna chun eiumkimvel tan, manthahna twipi chun eichup tan ahi.
| חבלי שאול סבבוני קדמוני מוקשי מות (Sheol h7585) | 5 |
Damun lungkhamna chun eiumkimvelin, kalampi a thinan thang akam e. (Sheol h7585)
| בצר-לי אקרא יהוה-- ואל-אלהי אשוע ישמע מהיכלו קולי ושועתי לפניו תבוא באזניו | 6 |
Ka lungkham val phatnin Yahweh Pakai chu kakouvin, Elohim ka Pathen komma chun panpi ngaichan kataovin Aman ahouin thenga konnin kataona asangin ahi.
| ותגעש ותרעש הארץ-- ומוסדי הרים ירגזו ויתגעשו כי-חרה לו | 7 |
Hi jouchun leiset akilingin akihot e. Molbul ho jeng jong kihot e ajeh chu Elohim Pathen lunghang a ahi.
| עלה עשן באפו-- ואש-מפיו תאכל גחלים בערו ממנו | 8 |
Yahweh Pakai nah hom a meikhu ahung potdoh in, meikou gimneitah akam a konnin ahungkou doh'in chuleh Mei-am al lenglung Ama-a konnin ahung koudoh'in ahi.
| ויט שמים וירד וערפל תחת רגליו | 9 |
Aman vanho chu ahongdoh'in meilom thimletlut chu ahin chotphan ahung kumsuh in,
| וירכב על-כרוב ויעף וידא על-כנפי-רוח | 10 |
Yahweh Pakai chu vantil pipui khat chunga atouvin, huipi chu alhavingin amangin alengin ahi.
| ישת חשך סתרו-- סביבותיו סכתו חשכת-מים עבי שחקים | 11 |
Yahweh Pakai chu muthim in ahung kitom in, meilom twi jingletlut pumin ahung lhungin ahi.
| מנגה נגדו עביו עברו--ברד וגחלי-אש | 12 |
Yahweh Pakai vah'in ahintom chu meilom satah'in ahinkhu khum in gelchang le mei-am chu gojuh'in ahung julhan ahi.
| וירעם בשמים יהוה--ועליון יתן קלו ברד וגחלי-אש | 13 |
Yahweh Pakai chu vanna konnin ahung kisen in hatchungnung ogin chu gelchang leh mei-am koulah achun akithongin ahi.
| וישלח חציו ויפיצם וברקים רב ויהמם | 14 |
Aman athalpi ahin kapmin agalmiho chu athe cheh'in, avah em lahlah chun amaho chu asuboi gamtan ahi.
| ויראו אפיקי מים ויגלו מוסדות תבל מגערתך יהוה-- מנשמת רוח אפך | 15 |
O Yahweh Pakai nangin nagalmi ho napho a lunghangtah a nakisen chun twikhanglen ato geijin akikangin, leiset bulpi jouse jong akeuvin aumjie.
| ישלח ממרום יקחני ימשני ממים רבים | 16 |
Aman vanna konnin akhut ahin lhangin eihin kaidoh'in, twipi thuh lah'a kon in jong eikaidoh'in ahi.
| יצילני מאיבי עז ומשנאי כי-אמצו ממני | 17 |
Aman kagalmi hattah tah ho a konin eihuh doh in, kasang a hatjo ka dougal hoa kon in eihuhdoh'in ahi.
| יקדמוני ביום-אידי ויהי-יהוה למשען לי | 18 |
Hahsatna kato pettah'in amahon eihin delkhum un ahinlah Yahweh Pakai in eipanpin ahi.
| ויוציאני למרחב יחלצני כי חפץ בי | 19 |
Aman kahoidohna mun nah eipuilut in eihuhdoh tai ajeh chu ama kipana kahi.
| יגמלני יהוה כצדקי כבר ידי ישיב לי | 20 |
Yahweh Pakai in thildih kaboljeh in kipaman eipen mona kaneilou jeh'in eikiledohsah tai.
| כי-שמרתי דרכי יהוה ולא-רשעתי מאלהי | 21 |
Keiman Yahweh Pakai lampi kajui in, thilse lam jon'in Elohim Pathen'a kon'in kakiheimang poi.
| כי כל-משפטיו לנגדי וחקתיו לא-אסיר מני | 22 |
Keiman Yahweh Pakai chonphatna lampi kajui jingin, a Dan thupeh ho kapaidoh khapoi.
| ואהי תמים עמו ואשתמר מעוני | 23 |
Elohim Pathen masangah nolnabei kahin, chonsetna kon'in kaki kangse jing e.
| וישב-יהוה לי כצדקי כבר ידי לנגד עיניו | 24 |
Yahweh Pakai in thildih kaboljeh in Aman kipaman eipejin ahi. Aman themmonabei kahi amui.
| עם-חסיד תתחסד עם-גבר תמים תתמם | 25 |
Mikitah kom'ah nangmatah jong nakitah'in, monabei ho kom'ah monabei nahi.
| עם-נבר תתברר ועם-עקש תתפתל | 26 |
Milungtheng ho kom'ah nalungtheng in ahinlah miphalouho kom'ah nakhohjin ahi.
| כי-אתה עם-עני תושיע ועינים רמות תשפיל | 27 |
Nangin mikineosah ho nahuhdohjin ahinla mikiletsah ho nasujumjin ahi.
| כי-אתה תאיר נרי יהוה אלהי יגיה חשכי | 28 |
Nangin thaomei neidetpeh'in, Yahweh Pakai, Elohim ka Pathen'in kamuthim jong neisalvah peh e.
| כי-בך ארץ גדוד ובאלהי אדלג-שור | 29 |
Nangma hatna chun kagalmi hi neisuhchip peh'in Elohim ka Pathen toh kapankhom poupou leh itobang bang sang hijongleh kakal ngapchan ahi.
| האל תמים דרכו אמרת-יהוה צרופה מגן הוא לכל החסים בו | 30 |
Elohim Pathen lampi chu nolnabei ahi! Yahweh Pakai kitepna jouse alolhing jinge. Amahi ahuhdoh ding ngaicha jouse dinga lum le pho ahi.
| כי מי אלוה מבלעדי יהוה ומי צור זולתי אלהינו | 31 |
Yahweh Pakai tailou pathen dang um'am? Elohim Pathen tailou songpi det dang um'am?
| האל המאזרני חיל ויתן תמים דרכי | 32 |
Hiche Elohim Pathen hin eihatdoh sah'in kalampi jong hoibitnapen ahisah ahi.
| משוה רגלי כאילות ועל במתי יעמידני | 33 |
Aman molsang hahsa chung dunga kadindet theina din kakeng jong sakhi keng bang'in atah sah e.
| מלמד ידי למלחמה ונחתה קשת-נחושה זרועתי | 34 |
Aman kakhut teni jong galsatna a manthei dingin agongin, kabanjang jong sum-eng thalpi loithei dingin ahatsah'in ahi.
| ותתן-לי מגן ישעך וימינך תסעדני וענותך תרבני | 35 |
Nangman nagaljona lum chu neipetan nabanjetnin neipanhun ahi. Neikithopina hin eithupi sah'in ahi.
| תרחיב צעדי תחתי ולא מעדו קרסלי | 36 |
Nang man kakeng phang tenin alhonal louna dingin kalampi neikehlet peh'in ahi.
| ארדוף אויבי ואשיגם ולא-אשוב עד-כלותם | 37 |
Keiman kagalmite kadel'in kaman'in ahi; amahohi kajo kahsen katangpon ahi.
| אמחצם ולא-יכלו קום יפלו תחת רגלי | 38 |
Amahohi ahung ki thodoh jou louna diuvin kasat lhun kakeng noijah akijammun ahi.
| ותאזרני חיל למלחמה תכריע קמי תחתי | 39 |
Nangin kagalsatna dingin thahatnan neivon in; Nangman kagalmite chu kakengphang noi a neikoipeh e.
| ואיבי נתתה לי ערף ומשנאי אצמיתם | 40 |
Nangin angongchang'u neichotpha sah'in eivetda ho jouse chu kasumang sohtan ahi.
| ישועו ואין-מושיע על-יהוה ולא ענם | 41 |
Amahon panpi athummun koiman ahung huhdoh pouve. Amahon Yahweh Pakai akouvun ahinla Aman adonbut pon ahi.
| ואשחקם כעפר על-פני-רוח כטיט חוצות אריקם | 42 |
Keiman amaho chu huilah a vutvai kithethang bangin tol ah kagoibong sel'in, bonlhoh lah'a kasunat gamatai.
| תפלטני מריבי-עם תשימני לראש גוים עם לא-ידעתי יעבדוני | 43 |
Nangin eihouse jing ho chungah galjona neipetan ahi. Nangin namtin vaipi chungah vaihom'in neipansah tan ahi. Kanahet phahlou miho jeng jong kalhachan ahungpang tauvin ahi.
| לשמע אזן ישמעו לי בני-נכר יכחשו-לי | 44 |
Kamin ajah jah'un kanoijah alut un gamchommi hojeng jong ka-anga akisunem gamtauvin ahi.
| בני-נכר יבלו ויחרגו ממסגרותיהם | 45 |
Hansanna aneijou tapouvin kithing pumpum'in ka-ang ahinbel tauvin ahi.
| חי-יהוה וברוך צורי וירום אלוהי ישעי | 46 |
Yahweh Pakai ahing jinge, kasongpia apanjeh'in kathangvah e! Ka sochatna Elohim ka Pathen chu loupi jing tahen!
| האל--הנותן נקמות לי וידבר עמים תחתי | 47 |
Amahi eibolse ho lethuh jinga Elohim ka Pathen chu ahin, aman namtin vaipi hi eisuhnem peh'in kanoijah eikoipeh tai.
| מפלטי מאיבי אף מן-קמי תרוממני מאיש חמס תצילני | 48 |
Chuleh kagalmitea konnin eihuhdoh'in nangman kagalmiten aphah joulouna munnah neikoijin, eidouva mi-engse hoa konnin neihoidohsah tan ahi.
| על-כן אודך בגוים יהוה ולשמך אזמרה | 49 |
Hichejeh hin O Yahweh Pakai namtin vaipi lah'a nathangvah ingkate, na min vahchoinan la sang nge.
| מגדל ישועות מלכו ועשה חסד למשיחו--לדוד ולזרעו עד-עולם | 50 |
Nangin leng a natun pa din goljona loupitah chu napetai; Chuleh nathaonupa David leh achilhahte chunga nalungset longlou namusah e.
