תהילים 15

1 מזמור לדוד יהוה מי-יגור באהלך מי-ישכן בהר קדשך

Nzembo ya Davidi. Yawe, nani akoki kovanda kati na Ndako na Yo ya bule? Nani akoki kowumela na ngomba na Yo ya bule?

2 הולך תמים ופעל צדק ודבר אמת בלבבו

Ezali moto oyo azangi pamela, oyo asalaka makambo ya sembo mpe alobaka solo ndenge ezali kati na motema na ye;

3 לא-רגל על-לשנו--לא-עשה לרעהו רעה וחרפה לא-נשא על-קרבו

oyo akoselaka moninga makambo te, asalaka ye mabe te, mpe ayokisaka ye pasi te;

4 נבזה בעיניו נמאס-- ואת-יראי יהוה יכבד נשבע להרע ולא ימר

asanganaka te na moto oyo asalaka mabe, kasi apesaka lokumu na moto oyo atosaka Yawe; akokisaka ndayi na ye atako ekopesa ye pasi, mpe abongolaka mokano na ye te;

5 כספו לא-נתן בנשך-- ושחד על-נקי לא לקח עשה-אלה-- לא ימוט לעולם

asengaka mileki te soki adefisi mbongo, andimaka kanyaka te mpo na kokweyisa moto oyo asali mabe te. Moto nyonso oyo atambolaka bongo akotikala kopengwa te.