תהילים 148

1 הללו-יה הללו את-יהוה מן-השמים הללוהו במרומים

Yahweh Pakai chu thangvah'un! Vanhoa kon'in Yahweh Pakai chu thangvah'un! Vanthamjol-a kon'in Amachu thangvah'un!

2 הללוהו כל-מלאכיו הללוהו כל-צבאו

Avantilte jousen thangvah'un! Van sepaite jousen thangvah'un!

3 הללוהו שמש וירח הללוהו כל-כוכבי אור

Nisa le lha-in amachu thangvah'un! Aphelhet lhet ahsi hon Amachu thangvah'un!

4 הללוהו שמי השמים והמים אשר מעל השמים

Achungsang lam'a um vantham jol'in thangvah'un! Meilom chung sangpeh'a um meitwi hon Amachu thangvah'un!

5 יהללו את-שם יהוה כי הוא צוה ונבראו

Thilsemho jousen Yahweh Pakai chu thangvahna peuvin, ajeh chu Aman thu apen ahileh amaho chu ahung kisemdoh jengun ahi.

6 ויעמידם לעד לעולם חק-נתן ולא יעבור

Aman tonsot geija dinga anagontohsoh ahitai. Ama Dan semchu itih hijongleh ki khokhel louding ahi.

7 הללו את-יהוה מן-הארץ-- תנינים וכל-תהמות

Leisetna konnin thangvah'un, twikhanglen lailunga thilsemhon thangvah'un,

8 אש וברד שלג וקיטור רוח סערה עשה דברו

meileh gel hon, buhbang leh meilom hon thangvah'un, huileh adap asatnin Ama thu chu ngaijun.

9 ההרים וכל-גבעות עץ פרי וכל-ארזים

Mol leh lhangho, aga nei thingphung ho le Cedar thinghon,

10 החיה וכל-בהמה רמש וצפור כנף

gamsa ho le ganhingho jousen, ganhing neochacha ho le vachahon,

11 מלכי-ארץ וכל-לאמים שרים וכל-שפטי ארץ

leiset chunga lengho le mipite jousen, leiset chunga vaihom hole thutanho jousen,

12 בחורים וגם-בתולות זקנים עם-נערים

pasal khangthah ho le numei khangthah hon, tehse hole chapanghon,

13 יהללו את-שם יהוה-- כי-נשגב שמו לבדו הודו על-ארץ ושמים

abonchauvin Yahweh Pakai min thangvah'u hen! Ajeh chu Aminhi aloupi lheh jenge, hiche Amin loupina hi leiset le vanho jouse sanga sangjo ahi.

14 וירם קרן לעמו תהלה לכל-חסידיו-- לבני ישראל עם קרבו הללו-יה

Aman amite chu ki khat atundohpeh tan ahi, amadinga kitahna neijouse Aman angailut Israel mipite chu jana apetan ahi. Yahweh Pakai chu thangvah'in umhen!