תהילים 147

1 הללו-יה כי-טוב זמרה אלהינו-- כי-נעים נאוה תהלה

Mou fakamālō kia Sihova: he ʻoku lelei ke hiva fakamālō ki hotau ʻOtua; he ʻoku mālie ia; pea ʻoku ngali ʻae fakamālō.

2 בונה ירושלם יהוה נדחי ישראל יכנס

‌ʻOku langa hake ʻe Sihova ʻa Selūsalema: ʻoku ne tānaki fakataha ʻae kau ʻIsileli naʻe fakahēʻi

3 הרפא לשבורי לב ומחבש לעצבותם

‌ʻOku ne fakamoʻui ʻakinautolu ʻoku loto mafesi, ʻo ne nonoʻo honau ngaahi lavea.

4 מונה מספר לכוכבים לכלם שמות יקרא

‌ʻOku ne tala hono lau ʻoe ngaahi fetuʻu; ʻoku ne ui ʻakinautolu kotoa pē ʻi honau ngaahi hingoa.

5 גדול אדונינו ורב-כח לתבונתו אין מספר

Ko hotau ʻEiki ʻoku lahi ia, pea lahi hono mālohi: ko ʻene ʻilo ʻoku taʻengata.

6 מעודד ענוים יהוה משפיל רשעים עדי-ארץ

‌ʻOku hiki hake ʻe Sihova ʻae angamalū: ʻoku lī ʻe ia ʻae angahala ki he kelekele.

7 ענו ליהוה בתודה זמרו לאלהינו בכנור

Hiva kia Sihova ʻaki ʻae fakafetaʻi; hiva fakamālō ʻi he haʻape ki hotau ʻOtua:

8 המכסה שמים בעבים-- המכין לארץ מטר המצמיח הרים חציר

‌ʻAia ʻoku ne ʻufiʻufi ʻaki ʻae langi ʻae ngaahi ʻao, ʻoku ne teuteu ʻae ʻuha ki he kelekele, mo ne fakatupu ʻae mohuku ʻi he ngaahi moʻunga.

9 נותן לבהמה לחמה לבני ערב אשר יקראו

‌ʻOku ne foaki ki he manu ʻene meʻakai, pea ki he fanga leveni iiki ʻaia ʻoku tangi.

10 לא בגבורת הסוס יחפץ לא-בשוקי האיש ירצה

‌ʻOku ʻikai fiefia ia ʻi he mālohi ʻoe hoosi: ʻoku ʻikai fiefia ia ʻi he kau vaʻe ʻoe tangata.

11 רוצה יהוה את-יראיו-- את-המיחלים לחסדו

‌ʻOku fiefia ʻa Sihova ʻiate kinautolu ʻoku nau manavahē kiate ia, ʻiate kinautolu ʻoku nau ʻamanaki ki heʻene ʻaloʻofa.

12 שבחי ירושלם את-יהוה הללי אלהיך ציון

Fakamālō kia Sihova, ʻE Selūsalema; fakamālō ki ho ʻOtua, ʻE Saione.

13 כי-חזק בריחי שעריך ברך בניך בקרבך

He kuo ne fakamālohi ʻae ngaahi songo ʻo ho ngaahi matapā; kuo ne tāpuakiʻi hoʻo fānau ʻi loto ʻiate koe.

14 השם-גבולך שלום חלב חטים ישביעך

‌ʻOku fakatupu ʻe ia ʻae melino ʻi ho ngaahi potu, pea ʻoku ne fakamahu ʻaki koe ʻae uite ʻoku fungani lelei.

15 השלח אמרתו ארץ עד-מהרה ירוץ דברו

‌ʻOku ne tuku atu ʻene fekau ki māmani: ʻoku vave ʻaupito ʻae lele atu ʻo ʻene folofola,

16 הנתן שלג כצמר כפור כאפר יפזר

‌ʻOku ne foaki ʻae ʻuha hinehina ʻo hangē ko e fulufuluʻi sipi: ʻoku ne tūtuuʻi ʻae hahau kuo fefeka ʻo hangē ko e efuefu.

17 משליך קרחו כפתים לפני קרתו מי יעמד

‌ʻOku ne laku atu ʻae ʻuha maka ʻo hangē ko e ngaahi momoʻi meʻa siʻi: ko hai ʻe faʻa kātaki hono momoko?

18 ישלח דברו וימסם ישב רוחו יזלו-מים

‌ʻOku ne fekau atu ʻene folofola, pea ʻoku vai ai ia: ʻoku ne pule ke angi ʻene matangi, pea ʻoku tafe atu ʻae ngaahi vai.

19 מגיד דברו ליעקב חקיו ומשפטיו לישראל

‌ʻOku ne fakahā ʻene folofola kia Sēkope, ʻa ʻene ngaahi tuʻutuʻuni mo ʻene ngaahi fakamaau ki ʻIsileli.

20 לא עשה כן לכל-גוי-- ומשפטים בל-ידעום הללו-יה

Naʻe ʻikai te ne fai pehē ki ha puleʻanga ʻe taha: pea ko ʻene ngaahi fakamaau, naʻe ʻikai tenau ʻilo ki ai. Mou fakamālō kia Sihova.