תהילים 146

1 הללו-יה הללי נפשי את-יהוה

Dumisani iNkosi! Dumisa iNkosi, mphefumulo wami.

2 אהללה יהוה בחיי אזמרה לאלהי בעודי

Ngizayidumisa iNkosi ngisaphila; ngizahlabelela indumiso kuNkulunkulu wami ngisesekhona.

3 אל-תבטחו בנדיבים-- בבן-אדם שאין לו תשועה

Lingabeki ithemba lenu eziphathamandleni, endodaneni yomuntu okungekho kuyo usindiso.

4 תצא רוחו ישב לאדמתו ביום ההוא אבדו עשתנתיו

Umoya wakhe uyaphuma, uyabuyela emhlabathini wakhe; ngalolosuku amacebo akhe ayaphela.

5 אשרי--שאל יעקב בעזרו שברו על-יהוה אלהיו

Ubusisiwe yena oloNkulunkulu kaJakobe ukuthi abe lusizo lwakhe, othemba lakhe liseNkosini uNkulunkulu wakhe,

6 עשה שמים וארץ-- את-הים ואת-כל-אשר-בם השמר אמת לעולם

owenza amazulu, lomhlaba, ulwandle, lakho konke okukukho, ogcina iqiniso kuze kube nininini,

7 עשה משפט לעשוקים--נתן לחם לרעבים יהוה מתיר אסורים

owenzela abacindezelweyo isahlulelo, obaphayo ukudla abalambileyo. INkosi iyakhulula izibotshwa,

8 יהוה פקח עורים--יהוה זקף כפופים יהוה אהב צדיקים

INkosi iyavula amehlo eziphofu; iNkosi iyabalulamisa abakhothemeyo; iNkosi iyabathanda abalungileyo.

9 יהוה שמר את-גרים--יתום ואלמנה יעודד ודרך רשעים יעות

INkosi ilondoloza abemzini, isekele intandane lomfelokazi; kodwa indlela yababi iyayigenqula.

10 ימלך יהוה לעולם-- אלהיך ציון לדר ודר הללו-יה

INkosi izabusa kuze kube nininini, uNkulunkulu wakho, Ziyoni, kuze kube sesizukulwaneni ngesizukulwana. Dumisani iNkosi!