תהילים 145
| תהלה לדוד ארוממך אלוהי המלך ואברכה שמך לעולם ועד | 1 |
Saamu ìyìn. Ti Dafidi. Èmi yóò gbé ọ ga, Ọlọ́run ọba mi; èmi yóò yin orúkọ rẹ̀ láé àti láéláé.
| בכל-יום אברכך ואהללה שמך לעולם ועד | 2 |
Ní ojoojúmọ́ èmi yóò yìn ọ́ èmi yóò sì pòkìkí orúkọ rẹ láé àti láéláé.
| גדול יהוה ומהלל מאד ולגדלתו אין חקר | 3 |
Títóbi ni Olúwa. Òun sì ni ó yẹ láti fi ìyìn fún púpọ̀púpọ̀: kò sí ẹni tí ó lè wọn títóbi rẹ̀.
| דור לדור ישבח מעשיך וגבורתיך יגידו | 4 |
Ìran kan yóò máa yin iṣẹ́ rẹ dé ìran mìíràn; wọn yóò máa sọ iṣẹ́ agbára rẹ.
| הדר כבוד הודך-- ודברי נפלאתיך אשיחה | 5 |
Wọn yóò máa sọ ìyìn ọláńlá rẹ tí ó lógo, èmi yóò máa ṣe àṣàrò nínú iṣẹ́ ìyanu rẹ.
| ועזוז נוראתיך יאמרו וגדלותיך (וגדלתך) אספרנה | 6 |
Wọn yóò sọ iṣẹ́ agbára rẹ tí ó ní ẹ̀rù èmi yóò kéde iṣẹ́ ńlá rẹ̀.
| זכר רב-טובך יביעו וצדקתך ירננו | 7 |
Wọn yóò ṣe ìrántí ọ̀pọ̀lọpọ̀ ìwà rere rẹ àti orin ayọ̀ òdodo rẹ.
| חנון ורחום יהוה ארך אפים וגדל-חסד | 8 |
Olóore-ọ̀fẹ́ ni Olúwa àti aláàánú ó lọ́ra láti bínú ó sì ní ìfẹ́ púpọ̀.
| טוב-יהוה לכל ורחמיו על-כל-מעשיו | 9 |
Olúwa dára sí ẹni gbogbo; ó ní àánú lórí ohun gbogbo tí ó dá.
| יודוך יהוה כל-מעשיך וחסידיך יברכוכה | 10 |
Gbogbo ohun tí ìwọ ti dá ni yóò máa yìn ọ́ Olúwa; àwọn ẹni mímọ́ yóò máa pòkìkí rẹ.
| כבוד מלכותך יאמרו וגבורתך ידברו | 11 |
Wọn yóò sọ ògo ìjọba rẹ wọn yóò sì sọ̀rọ̀ agbára rẹ,
| להודיע לבני האדם--גבורתיו וכבוד הדר מלכותו | 12 |
kí gbogbo ènìyàn le mọ iṣẹ́ agbára rẹ̀ àti ọláńlá ìjọba rẹ tí ó lógo.
| מלכותך מלכות כל-עלמים וממשלתך בכל-דור ודר | 13 |
Ìjọba rẹ ìjọba ayérayé ni, àti ìjọba rẹ wà ní gbogbo ìrandíran.
| סומך יהוה לכל-הנפלים וזוקף לכל-הכפופים | 14 |
Olúwa mú gbogbo àwọn tí ó ṣubú ró ó sì gbé gbogbo àwọn tí ó tẹríba dìde.
| עיני-כל אליך ישברו ואתה נותן-להם את-אכלם בעתו | 15 |
Ojú gbogbo ènìyàn ń wò ọ́, ó sì fún wọn ní oúnjẹ wọn ní àkókò tí ó yẹ.
| פותח את-ידך ומשביע לכל-חי רצון | 16 |
Ìwọ ṣí ọwọ́ rẹ ìwọ sì tẹ́ ìfẹ́ gbogbo ohun alààyè lọ́rùn.
| צדיק יהוה בכל-דרכיו וחסיד בכל-מעשיו | 17 |
Olúwa jẹ́ olódodo ní gbogbo ọ̀nà rẹ̀ àti ìfẹ́ rẹ̀ sí gbogbo ohun tí o dá.
| קרוב יהוה לכל-קראיו-- לכל אשר יקראהו באמת | 18 |
Olúwa wà ní tòsí gbogbo àwọn tí ń ké pè é, sí gbogbo ẹni tí ń ké pè é ní òtítọ́.
| רצון-יראיו יעשה ואת-שועתם ישמע ויושיעם | 19 |
Ó mú ìfẹ́ àwọn tí ó bẹ̀rù rẹ̀ ṣẹ; ó gbọ́ igbe wọn, ó sì gbà wọ́n.
| שומר יהוה את-כל-אהביו ואת כל-הרשעים ישמיד | 20 |
Olúwa dá gbogbo àwọn tí ó ní ìfẹ́ sẹ sí ṣùgbọ́n gbogbo àwọn ẹni búburú ní yóò parun.
| תהלת יהוה ידבר-פי ויברך כל-בשר שם קדשו--לעולם ועד | 21 |
Ẹnu mi yóò sọ̀rọ̀ ìyìn Olúwa. Jẹ́ kí gbogbo ẹ̀dá yín orúkọ rẹ̀ mímọ́ láé àti láéláé.
