תהילים 145

1 תהלה לדוד ארוממך אלוהי המלך ואברכה שמך לעולם ועד

Ko e Saame ʻoe fakamālō ʻa Tevita. Te u fakahikihiki koe, ko hoku ʻOtua, ko e tuʻi; pea te u fakafetaʻi ki ho huafa ʻo lauikuonga pea taʻengata.

2 בכל-יום אברכך ואהללה שמך לעולם ועד

Te u fakafetaʻi kiate koe ʻi he ʻaho kotoa pē; pea te u fakamālō ki ho huafa ʻo lauikuonga pea taʻengata.

3 גדול יהוה ומהלל מאד ולגדלתו אין חקר

‌ʻOku lahi ʻa Sihova, pea ʻoku ngali ke faʻa fakamālō kiate ia; pea ko hono lahi ʻoku taʻefaʻaʻiloʻi.

4 דור לדור ישבח מעשיך וגבורתיך יגידו

‌ʻE fakamālō ʻae toʻutangata ʻe taha ki hoʻo ngaahi ngāue ʻo aʻu ki he taha, pea tenau fakahā hoʻo ngaahi ngāue lahi.

5 הדר כבוד הודך-- ודברי נפלאתיך אשיחה

Te u lea ki hono ongoongolelei lahi ʻo hoʻo ʻafio, pea mo hoʻo ngaahi ngāue fakaofo.

6 ועזוז נוראתיך יאמרו וגדלותיך (וגדלתך) אספרנה

Pea ʻe lea [ʻae ]kakai ki hono mālohi ʻo hoʻo ngaahi ngāue fakailifia: pea te u fakahā hoʻo māfimafi.

7 זכר רב-טובך יביעו וצדקתך ירננו

Tenau faʻa fakahā ʻae fakamanatu ʻo hoʻo ʻulungāanga lelei lahi, pea tenau hiva ʻaki hoʻo māʻoniʻoni.

8 חנון ורחום יהוה ארך אפים וגדל-חסד

‌ʻOku angalelei ʻa Sihova, pea fonu ʻi he manavaʻofa; ʻoku tōʻohi hono houhau, pea ʻoku lahi ʻa ʻene ʻaloʻofa.

9 טוב-יהוה לכל ורחמיו על-כל-מעשיו

‌ʻOku angalelei ʻa Sihova ki he kakai kotoa pē: pea ʻoku kāpui ʻene ngāue kotoa pē ʻe heʻene ngaahi ʻaloʻofa ongongofua.

10 יודוך יהוה כל-מעשיך וחסידיך יברכוכה

‌ʻE Sihova, ʻe fakamālō kiate koe ʻa hoʻo ngaahi ngāue kotoa pē; pea ʻe fakafetaʻi kiate koe ʻa hoʻo kakai māʻoniʻoni.

11 כבוד מלכותך יאמרו וגבורתך ידברו

Tenau lea ki he nāunau ʻo ho puleʻanga, pea talanoa ki hoʻo māfimafi;

12 להודיע לבני האדם--גבורתיו וכבוד הדר מלכותו

Ke fakaʻilo ki he ngaahi foha ʻoe tangata ʻene ngaahi ngāue lahi, pea mo e ongoongolelei lahi ʻo hono puleʻanga.

13 מלכותך מלכות כל-עלמים וממשלתך בכל-דור ודר

Ko ho puleʻanga ko e puleʻanga taʻengata, pea ko hoʻo pule ʻoku tolonga ia ʻi he ngaahi toʻutangata kotoa pē.

14 סומך יהוה לכל-הנפלים וזוקף לכל-הכפופים

‌ʻOku poupou hake ʻe Sihova ʻakinautolu kotoa pē kuo hinga, pea ʻoku ne fokotuʻu ʻakinautolu kotoa pē kuo mapelu ki lalo.

15 עיני-כל אליך ישברו ואתה נותן-להם את-אכלם בעתו

‌ʻOku hanga ʻae ngaahi mata kotoa pē kiate koe; pea ʻoku ke foaki ʻenau meʻakai ʻi he feituʻulaʻā totonu.

16 פותח את-ידך ומשביע לכל-חי רצון

‌ʻOku ke mafola ho nima, mo fakamākona ʻae holi ʻae meʻa moʻui kotoa pē.

17 צדיק יהוה בכל-דרכיו וחסיד בכל-מעשיו

‌ʻOku angatonu ʻa Sihova ʻi hono hala kotoa pē, pea māʻoniʻoni ʻi heʻene ngaahi ngāue kotoa pē.

18 קרוב יהוה לכל-קראיו-- לכל אשר יקראהו באמת

‌ʻOku ofi ʻa Sihova kiate kinautolu kotoa pē kuo ui ki heʻene ʻafio, kiate kinautolu kotoa pē ʻoku nau ui kiate ia ʻi he moʻoni.

19 רצון-יראיו יעשה ואת-שועתם ישמע ויושיעם

Te ne fai ki he holi ʻanautolu ʻoku manavahē kiate ia: ʻe fanongo foki ia ki heʻenau tangi, pea te ne fakamoʻui ʻakinautolu.

20 שומר יהוה את-כל-אהביו ואת כל-הרשעים ישמיד

‌ʻOku fakamoʻui ʻe Sihova ʻakinautolu kotoa pē ʻoku nau ʻofa kiate ia: ka ko e angakovi kotoa pē te ne fakaʻauha.

21 תהלת יהוה ידבר-פי ויברך כל-בשר שם קדשו--לעולם ועד

‌ʻE lea ʻaki ʻe hoku ngutu ʻae fakamālō kia Sihova: pea tuku ke fakafetaʻi ʻae kakano kotoa pē ki hono huafa māʻoniʻoni ʻo lauikuonga pea taʻengata.