תהילים 145
| תהלה לדוד ארוממך אלוהי המלך ואברכה שמך לעולם ועד | 1 |
Anumzamoka nagri kini mani'nanku hu'na Kagrira husga hugantegahue. Ana nehu'na maka zupa, Kagri kagia ahentesga huvava hugahue.
| בכל-יום אברכך ואהללה שמך לעולם ועד | 2 |
Maka kna Kagrira husga hunegante'na, kagia erisga hu vava hugahue.
| גדול יהוה ומהלל מאד ולגדלתו אין חקר | 3 |
Ra Anumzamo'a agrake'za tusi'a Anumza mani'neankino, agrake'za ra agia erigara hu'ne. Ana hu'neankino agrake'za tusi'a Anumzana mani'neankita Agrira rezaganeta kegara osu'none.
| דור לדור ישבח מעשיך וגבורתיך יגידו | 4 |
Vahe'ma fore hu anante anante'ma hu'za vanafina, Kagrama hankave eri'zama erifore'ma hu'nana zamofo agenkea zamasami anante anante hu'za nevu'za, kagri hankavegura huama hu'za vahera zmasamigahaze.
| הדר כבוד הודך-- ודברי נפלאתיך אשיחה | 5 |
Kagri hihamu hankavegu'ene, knare'nare eri'zama eri'nana zankura, nagesa antahintahi hugahue.
| ועזוז נוראתיך יאמרו וגדלותיך (וגדלתך) אספרנה | 6 |
Kagrama hankave eri'zama eri'nana eri'zamofo agenkea vahe'mo'za hugantu hugama hu'za nentahinage'na, tusi'a Anumza mani'nane hu'na vahera huama hu'na zamasamigahue.
| זכר רב-טובך יביעו וצדקתך ירננו | 7 |
Rama'a knare'nare kavukvama hu'nana zankura maka vahe'mo'za huge antahige nehu'za, fatgo kavukva zankura zagamera nehu'za musenkase hugahaze.
| חנון ורחום יהוה ארך אפים וגדל-חסד | 8 |
Ra Anumzamo'a knare avu'ava huneranteno asunku hunerantea Anumzankino, ame huno arimpa oheno, vagaore mevava avesi zanteti avesinerantea Anumza mani'ne.
| טוב-יהוה לכל ורחמיו על-כל-מעשיו | 9 |
Ra Anumzamo'a maka vahera knare avu'avaza hunezamanteno, maka zama tro'ma hunte'nea zantamina asunku hunezamantea Anumza mani'ne.
| יודוך יהוה כל-מעשיך וחסידיך יברכוכה | 10 |
Ra Anumzamoka maka zama tro'ma hunte'nana zantamimo'a Kagrira humuse hunegantesage'za, kamage'ma nentaza vahe'mo'za Kagri kagi'a husga hugahaze.
| כבוד מלכותך יאמרו וגבורתך ידברו | 11 |
Ana nehu'za kagrama maka mopama kegava hunana hihamu masa zanka'agura nanekea nehu'za, hanaveka'agura huama hu'za vahera zamasamigahaze.
| להודיע לבני האדם--גבורתיו וכבוד הדר מלכותו | 12 |
Kagrama hankave eri'zama eri'nana zamofone, Kagrama kegavama hunana hihamu hankavea maka vahe'mo'za ke'za antahi'za hugahaze.
| מלכותך מלכות כל-עלמים וממשלתך בכל-דור ודר | 13 |
Kagrama kini maninka kegavama hunana kuma'mo'a vagaore mevava huno vugahie. Mika knafima forehu anante anante'ma hu'za vanaza vahe'enena kegava huzmantenka vugahane.
| סומך יהוה לכל-הנפלים וזוקף לכל-הכפופים | 14 |
Tanafa'ma hu'za masaza vahera Ra Anumzamo'a zamaza nehuno, knazamo'ma rentrakoma nehia vahera zamazeri sga nehie.
| עיני-כל אליך ישברו ואתה נותן-להם את-אכלם בעתו | 15 |
Maka zagamo'za kagrite zamavua antete'za amuhara nehu'za mani'nazagenka, kna fatgore ne'zana zaminke'za nenaze.
| פותח את-ידך ומשביע לכל-חי רצון | 16 |
Maka zagagafamo'za ne'zama nesaza zanku'ma nehazagenka, Kagra kazana rutarenka ne'zana zaminke'za nezamu nehaze.
| צדיק יהוה בכל-דרכיו וחסיד בכל-מעשיו | 17 |
Maka zama hifina Ra Anumzamo'a fatgo avu'ava zanke nehuno, asunku huranteno ana maka zana hunerante.
| קרוב יהוה לכל-קראיו-- לכל אשר יקראהו באמת | 18 |
Tamage zamagu zamagesa regati'ma Ra Anumzamofonku'ma kezamatiza vahetera, Agra erava'o nehie.
| רצון-יראיו יעשה ואת-שועתם ישמע ויושיעם | 19 |
Agri'ma koro'ma hunte'za amage'ma nentaza vahe'mo'zama nazankuro atupa'ma nehaza zana nezamino, zavi krafama nehazana nentahino, zamaza huno zamagu nevazie.
| שומר יהוה את-כל-אהביו ואת כל-הרשעים ישמיד | 20 |
Ra Anumzamofoma avesinentaza vahera, Agra kegava hunezamante. Hianagi havi zamavu zamava'ma nehaza vahera, zamazeri havizantfa hugahie.
| תהלת יהוה ידבר-פי ויברך כל-בשר שם קדשו--לעולם ועד | 21 |
Nagra Ra Anumzamofo agi'a ahentesga hugahuanki, maka zantamima agra azampinti'ma tro'ma higeta ama mopafima mani'naza zantamimota, ruotage'ma hu'nea agi'a ahentesga huvava huta vugahaze.
