תהילים 145
| תהלה לדוד ארוממך אלוהי המלך ואברכה שמך לעולם ועד | 1 |
Pagadayegon ko ikaw, Dios ko, Oh Hari; Ug pagadayegon ko ang imong ngalan hangtud sa mga katuigan nga walay katapusan.
| בכל-יום אברכך ואהללה שמך לעולם ועד | 2 |
Sa matag-adlaw pagadayegon ko ikaw; Ug magadayeg ako sa imong ngalan hangtud sa mga katuigan nga walay katapusan.
| גדול יהוה ומהלל מאד ולגדלתו אין חקר | 3 |
Daku man si Jehova, ug takus gayud nga pagadayegon; Ug ang iyang pagkadaku dili gayud matukib.
| דור לדור ישבח מעשיך וגבורתיך יגידו | 4 |
Ang imong mga buhat igasugid nga may pagdayeg sa mga kaliwatan ngadto sa mga kaliwatan, Ug magamantala sa imong mga gamhanang buhat.
| הדר כבוד הודך-- ודברי נפלאתיך אשיחה | 5 |
Mahitungod sa katahum sa himaya sa imong pagkahalangdon, Ug sa imong mga buhat nga kahibulongan, magapalandong ako.
| ועזוז נוראתיך יאמרו וגדלותיך (וגדלתך) אספרנה | 6 |
Ug ang kagahum sa imong makalilisang nga mga buhat pagasultihan sa mga tawo; Ug igapahayag ko ang imong pagkagamhanan.
| זכר רב-טובך יביעו וצדקתך ירננו | 7 |
Ilang pagahisgutan ang handumanan sa imong dakung kaayohan, Ug manag-awit sa imong pagkamatarung.
| חנון ורחום יהוה ארך אפים וגדל-חסד | 8 |
Puno sa gracia ug maloloy-on si Jehova; Mahinay sa pagkasuko, ug daku sa mahigugmaong-kalolot.
| טוב-יהוה לכל ורחמיו על-כל-מעשיו | 9 |
Si Jehova maayo sa ngatanan; Ug ang iyang mga malomong kalooy anaa sa ibabaw sa tanan niyang mga buhat.
| יודוך יהוה כל-מעשיך וחסידיך יברכוכה | 10 |
Ang tanan mong mga buhat managpasalamat kanimo, Oh Jehova; Ug ang imong mga balaan managdayeg kanimo.
| כבוד מלכותך יאמרו וגבורתך ידברו | 11 |
(Sila) managsulti mahitungod sa himaya sa imong gingharian, Ug managhisgut mahitungod sa imong gahum;
| להודיע לבני האדם--גבורתיו וכבוד הדר מלכותו | 12 |
Aron nga ang imong mga buhat nga gamhanan igapadayag ngadto sa mga anak sa mga tawo, Ug ang himaya sa pagkahalangdon sa iyang gingharian.
| מלכותך מלכות כל-עלמים וממשלתך בכל-דור ודר | 13 |
Ang imong gingharian maoy gingharian nga walay katapusan, Ug ang imong ginsakpan magapadayon ngadto sa tanang mga kaliwatan.
| סומך יהוה לכל-הנפלים וזוקף לכל-הכפופים | 14 |
Si Jehova magasapnay niadtong tanang mga nangapukan, Ug magabangon niadtong tanang mga nanghiumod.
| עיני-כל אליך ישברו ואתה נותן-להם את-אכלם בעתו | 15 |
Ang mga mata sa ngatanan nagahulat kanimo; Ug ginahatagan mo (sila) sa ilang makaon sa matag-panahon.
| פותח את-ידך ומשביע לכל-חי רצון | 16 |
Imong ginabuklad ang imong kamot, Ug ginatagbaw mo ang tinguha sa tagsatagsa ka butang nga buhi.
| צדיק יהוה בכל-דרכיו וחסיד בכל-מעשיו | 17 |
Si Jehova maoy matarung sa tanan niyang mga paagi, Ug puno sa gracia sa tanan niyang mga buhat.
| קרוב יהוה לכל-קראיו-- לכל אשר יקראהו באמת | 18 |
Si Jehova haduol kanilang tanan nga nanagsangpit kaniya, Sa tanan nga nanagsangpit kaniya sa kamatuoran.
| רצון-יראיו יעשה ואת-שועתם ישמע ויושיעם | 19 |
Pagatumanon niya ang tinguha niadtong mga may kahadlok kaniya; Pagapatalinghugan niya usab ang ilang pagtu-aw ug (sila) pagaluwason niya.
| שומר יהוה את-כל-אהביו ואת כל-הרשעים ישמיד | 20 |
Pagabantayan ni Jehova ang tanan kanila nga nahagugma kaniya; Apan ang tanang mga dautan iyang pagalaglagon.
| תהלת יהוה ידבר-פי ויברך כל-בשר שם קדשו--לעולם ועד | 21 |
Ang akong baba magasulti sa pagdayeg kang Jehova; Ug ipapagdayeg sa tanan nga unod ang iyang balaan nga ngalan hangtud sa mga katuigan nga walay katapusan.
