תהילים 122

1 שיר המעלות לדוד שמחתי באמרים לי-- בית יהוה נלך

Thaburi ya Daudi Nĩndakenire hamwe na arĩa maanjĩĩrire atĩrĩ, “Nĩtũthiĩ nyũmba ya Jehova.”

2 עמדות היו רגלינו-- בשעריך ירושלם

Magũrũ maitũ marũgamĩte ihingo-inĩ ciaku, wee Jerusalemu.

3 ירושלם הבנויה-- כעיר שחברה-לה יחדו

Jerusalemu rĩakĩtwo ta itũũra inene rĩnyitithanĩtio wega.

4 ששם עלו שבטים שבטי-יה--עדות לישראל להדות לשם יהוה

Kũu nĩkuo mĩhĩrĩga yambataga, o yo mĩhĩrĩga ya Jehova, ĩgathiĩ kũgooca rĩĩtwa rĩa Jehova kũringana na mawatho marĩa aheete Isiraeli.

5 כי שמה ישבו כסאות למשפט כסאות לבית דוד

Kũu nĩkuo kũigĩtwo itĩ cia ũnene cia atuanĩri ciira, o cio itĩ cia ũnene cia nyũmba ya Daudi.

6 שאלו שלום ירושלם ישליו אהביך

Hoerai Jerusalemu thayũ: “Arĩa makwendete marotũũra na thayũ.

7 יהי-שלום בחילך שלוה בארמנותיך

Kũrĩa thingo ciaku ciirigĩire kũrogĩa na thayũ, naguo ũgitĩri ũgĩe ciikaro-inĩ ciaku cia ũthamaki.”

8 למען אחי ורעי-- אדברה-נא שלום בך

Nĩ ũndũ wa ariũ a baba na arata, nguuga atĩrĩ, “Thayũ ũrogĩa thĩinĩ waku.”

9 למען בית-יהוה אלהינו-- אבקשה טוב לך

Nĩ ũndũ wa nyũmba ya Jehova Ngai witũ, caragia ũgaacĩru waku.