תהילים 119
| אשרי תמימי-דרך-- ההלכים בתורת יהוה | 1 |
(Alǝf) Yolda mukǝmmǝl bolƣanlar, Pǝrwǝrdigar Tǝwrat-ⱪanunida mangidiƣanlar bǝhtliktur!
| אשרי נצרי עדתיו בכל-לב ידרשוהו | 2 |
Uning agaⱨ-guwaⱨlirini tutⱪanlar, Uni qin ⱪǝlbi bilǝn izdigǝnlǝr,
| אף לא-פעלו עולה בדרכיו הלכו | 3 |
Ⱨeqbir ⱨǝⱪsizliⱪni ⱪilmiƣanlar bǝhtliktur! Ular uning yollirida mangidu.
| אתה צויתה פקדיך-- לשמר מאד | 4 |
Kɵrsǝtmiliringgǝ ǝstayidil ǝmǝl ⱪiliximiz üqün, Ɵzüng ularni bekitkǝnsǝn.
| אחלי יכנו דרכי-- לשמר חקיך | 5 |
Aⱨ, yollirimning yɵnilixi bǝlgilimiliringgǝ ǝmǝl ⱪilixⱪa bekitilgǝy!
| אז לא-אבוש-- בהביטי אל-כל-מצותיך | 6 |
Xuning bilǝn barliⱪ ǝmr-pǝrmanliringni ǝtiwarlisam, Mǝn yǝrgǝ ⱪarap ⱪalmaymǝn.
| אודך בישר לבב-- בלמדי משפטי צדקך | 7 |
Sening ⱨǝⱪⱪaniy ⱨɵkümliringni ɵginip, Durus kɵngüldin Sanga tǝxǝkkür eytimǝn.
| את-חקיך אשמר אל-תעזבני עד-מאד | 8 |
Mǝn bǝlgilimiliringni qoⱪum tutimǝn; Meni pütünlǝy taxliwǝtmigǝysǝn!
| במה יזכה-נער את-ארחו-- לשמר כדברך | 9 |
(Bǝt) Yax bir yigit ⱪandaⱪ ⱪilip ɵz yolini pak tutalaydu? Sening sɵz-kalamingni anglap ǝmǝl ⱪilix bilǝnla.
| בכל-לבי דרשתיך אל-תשגני ממצותיך | 10 |
Pütün ⱪǝlbim bilǝn mǝn Seni izdidim; Meni ǝmrliringdin adaxturmiƣaysǝn;
| בלבי צפנתי אמרתך-- למען לא אחטא-לך | 11 |
Gunaⱨ ⱪilip Sanga ⱪarxi qiⱪmasliⱪim üqün, Sɵzüngni kɵnglümgǝ mǝⱨkǝm püküwaldim.
| ברוך אתה יהוה-- למדני חקיך | 12 |
Mubarǝkdursǝn Pǝrwǝrdigar, Manga Ɵz bǝlgilimiliringni ɵgǝtkǝysǝn.
| בשפתי ספרתי-- כל משפטי-פיך | 13 |
Lǝwlirim bilǝn mǝn bayan ⱪilimǝn, Aƣzingdiki barliⱪ ⱨɵkümliringni.
| בדרך עדותיך ששתי-- כעל כל-הון | 14 |
Türlük bayliⱪlardin xadlanƣandǝk, Agaⱨ-guwaⱨliⱪliringƣa ǝgǝxkǝn yolda xadlandim.
| בפקודיך אשיחה ואביטה ארחתיך | 15 |
Mǝn kɵrsǝtmiliring üstidǝ seƣinip oylinimǝn; Izliringƣa ⱪarap oylinimǝn.
| בחקתיך אשתעשע לא אשכח דברך | 16 |
Bǝlgilimiliringni hursǝnlik dǝp bilimǝn; Sɵz-kalamingni untumaymǝn.
| גמל על-עבדך אחיה ואשמרה דברך | 17 |
(Gimǝl) Ⱪulungƣa meⱨribanliⱪni kɵrsǝtkǝysǝn, xuning bilǝn mǝn yaxaymǝn, Kalamingƣa boysunimǝn.
| גל-עיני ואביטה-- נפלאות מתורתך | 18 |
Tǝwrat-ⱪanunungdin karamǝt sirlarni kɵrüxüm üqün, Kɵzlirimni aqⱪaysǝn!
| גר אנכי בארץ אל-תסתר ממני מצותיך | 19 |
Mǝn bu dunyada musapirmǝn; Əmrliringni mǝndin yoxurmiƣaysǝn.
| גרסה נפשי לתאבה-- אל-משפטיך בכל-עת | 20 |
Ⱨɵkümliringgǝ ⱨǝrⱪaqan intizar bolup, Yürikim ezilip ketǝy dǝp ⱪaldi.
| גערת זדים ארורים-- השגים ממצותיך | 21 |
Sǝn lǝnǝtkǝ buyrulƣan tǝkǝbburlarƣa tǝnbiⱨ berisǝn, Ular ǝmrliringdin adixip ketidu.
| גל מעלי חרפה ובוז כי עדתיך נצרתי | 22 |
Mǝndin aⱨanǝt ⱨǝm mǝshirini yiraⱪⱪa kǝtküzgǝysǝn; Qünki agaⱨ-guwaⱨliⱪliringni tutimǝn.
| גם ישבו שרים בי נדברו-- עבדך ישיח בחקיך | 23 |
Əmirlǝr olturup yaman gepimni ⱪilixmaⱪta; Sening ⱪulung bolsa bǝlgilimiliring üstidǝ seƣinip oylaydu.
| גם-עדתיך שעשעי-- אנשי עצתי | 24 |
Sening agaⱨ-guwaⱨliⱪliring mening hursǝnlikim, Mening mǝsliⱨǝtqilirimdur.
| דבקה לעפר נפשי חיני כדברך | 25 |
(Dalǝt) Mening jenim tupraⱪⱪa yepixⱪan; Sɵz-kalaming boyiqǝ meni yengilandurƣaysǝn.
| דרכי ספרתי ותענני למדני חקיך | 26 |
Ɵz yollirimni aldingda oquⱪ bayan ⱪildim, Sǝn manga jawab bǝrding; Manga bǝlgilimiliringni ɵgǝtkǝysǝn.
| דרך-פקודיך הבינני ואשיחה בנפלאותיך | 27 |
Meni kɵrsǝtmiliringning yolini qüxinidiƣan ⱪilƣaysǝn, Andin mǝn karamǝtliring üstidǝ seƣinip oylinimǝn.
| דלפה נפשי מתוגה קימני כדברך | 28 |
Jenim ⱪayƣu bilǝn erip ketidu; Sɵz-kalaming boyiqǝ meni küqlǝndürgǝysǝn.
| דרך-שקר הסר ממני ותורתך חנני | 29 |
Mǝndin aldamqi yolni neri ⱪilƣaysǝn; Xǝpⱪǝt ⱪilip manga Tǝwrat-ⱪanunungni beƣixliƣaysǝn;
| דרך-אמונה בחרתי משפטיך שויתי | 30 |
Mǝn ⱨǝⱪiⱪǝt-sadaⱪǝt yolini talliwaldim; Ⱨɵkümliringni aldimda ⱪoydum.
| דבקתי בעדותיך יהוה אל-תבישני | 31 |
Agaⱨ-guwaⱨliringni qing tutimǝn; Pǝrwǝrdigar, meni uyatⱪa ⱪaldurmiƣaysǝn.
| דרך-מצותיך ארוץ כי תרחיב לבי | 32 |
Sǝn mening ⱪǝlbimni kǝng-azadǝ ⱪilixing bilǝn, Əmrliring yoliƣa ǝgixip yügürimǝn.
| הורני יהוה דרך חקיך ואצרנה עקב | 33 |
(He) I Pǝrwǝrdigar, bǝlgilimiliringning yolini manga ayan ⱪilƣaysǝn; Mǝn uni ahirƣiqǝ tutimǝn.
| הבינני ואצרה תורתך ואשמרנה בכל-לב | 34 |
Meni yorutⱪaysǝn, mǝn Tǝwrat-ⱪanunungni tutimǝn, Xundaⱪla pütün ⱪǝlbim bilǝn uningƣa ǝmǝl ⱪilimǝn.
| הדריכני בנתיב מצותיך כי-בו חפצתי | 35 |
Meni ǝmrliringning yolida mangidiƣan ⱪilƣaysǝn; Qünki ularni hursǝnlik dǝp bilimǝn.
| הט-לבי אל-עדותיך ואל אל-בצע | 36 |
Mening ⱪǝlbimni xǝhsiy mǝnpǝǝtkǝ ǝmǝs, Bǝlki agaⱨ-guwaⱨliⱪliringƣa mayil ⱪilƣaysǝn.
| העבר עיני מראות שוא בדרכך חיני | 37 |
Kɵzlirimni sahtini kɵrüxtin yandurƣaysǝn; Meni yolungda janlandurƣaysǝn;
| הקם לעבדך אמרתך-- אשר ליראתך | 38 |
Sǝn ⱪulungƣa bolƣan wǝdǝngni ǝmǝlgǝ axurƣaysǝn; Xuning bilǝn hǝⱪlǝr Sǝndin ǝyminidu.
| העבר חרפתי אשר יגרתי כי משפטיך טובים | 39 |
Mǝn ⱪorⱪⱪan xǝrmǝndilikni neri kǝtküzgǝysǝn; Qünki Sening ⱨɵkümliring ǝladur.
| הנה תאבתי לפקדיך בצדקתך חיני | 40 |
Mana, mǝn kɵrsǝtmiliringgǝ tǝxna bolup kǝldim; Ɵz ⱨǝⱪⱪaniyitingdǝ meni janlandurƣaysǝn;
| ויבאני חסדך יהוה תשועתך כאמרתך | 41 |
: (Waw) Wǝ meⱨir-muⱨǝbbǝtliring yenimƣa kǝlsun, i Pǝrwǝrdigar; Wǝdǝng boyiqǝ nijatliⱪing yenimƣa kǝlsun;
| ואענה חרפי דבר כי-בטחתי בדברך | 42 |
Xunda mǝndǝ meni mǝshirǝ ⱪilƣuqiƣa bǝrgüdǝk jawab bolidu; Qünki sɵzünggǝ tayinimǝn.
| ואל-תצל מפי דבר-אמת עד-מאד כי למשפטך יחלתי | 43 |
Wǝ aƣzimdin ⱨǝⱪiⱪǝtning sɵzini elip taxlimiƣaysǝn; Qünki ⱨɵkümliringgǝ ümid baƣlidim;
| ואשמרה תורתך תמיד-- לעולם ועד | 44 |
Xunda mǝn Sening Tǝwrat-ⱪanunungni ⱨǝr ⱪaqan tutimǝn, Bǝrⱨǝⱪ, ǝbǝdil’ǝbǝdgiqǝ tutimǝn;
| ואתהלכה ברחבה כי פקדיך דרשתי | 45 |
Xunda mǝn azadiliktǝ mangimǝn; Qünki kɵrsǝtmiliringni izdidim.
| ואדברה בעדתיך נגד מלכים ולא אבוש | 46 |
Xunda mǝn padixaⱨlar aldida agaⱨ-guwaⱨliⱪliring toƣruluⱪ sɵzlǝymǝn, Bu ixlarda mǝn yǝrgǝ ⱪarap ⱪalmaymǝn.
| ואשתעשע במצותיך אשר אהבתי | 47 |
Wǝ ǝmrliringni hursǝnlik dǝp bilimǝn, Qünki ularni sɵyüp kǝldim;
| ואשא-כפי--אל-מצותיך אשר אהבתי ואשיחה בחקיך | 48 |
Mǝn sɵyüp kǝlgǝn ǝmrliringgǝ ⱪollirimni sozup intilimǝn, Wǝ bǝlgilimiliring üstidǝ seƣinip oylinimǝn.
| זכר-דבר לעבדך-- על אשר יחלתני | 49 |
(Zain) Sǝn ⱪulungƣa bǝrgǝn sɵzüngni, Yǝni manga ümid beƣixliƣan kalamingni ǝsligǝysǝn.
| זאת נחמתי בעניי כי אמרתך חיתני | 50 |
U bolsa dǝrdimgǝ bolƣan tǝsǝllidur; Qünki sɵz-wǝdǝng meni janlandurdi.
| זדים הליצני עד-מאד מתורתך לא נטיתי | 51 |
Tǝkǝbburlar ǝxǝddiy ⱨaⱪarǝtligini bilǝn, Lekin Tǝwrat-ⱪanunungdin ⱨeq qǝtnimidim.
| זכרתי משפטיך מעולם יהוה ואתנחם | 52 |
Ⱪǝdimdǝ bekitilgǝn ⱨɵkümliringni yadimƣa kǝltürdüm, i Pǝrwǝrdigar, Xundaⱪ ⱪilip ɵzümgǝ tǝsǝlli bǝrdim.
| זלעפה אחזתני מרשעים-- עזבי תורתך | 53 |
Tǝwrat-ⱪanunungni taxliwǝtkǝn rǝzillǝr wǝjidin, Otluⱪ ƣǝzǝp mǝndǝ ⱪaynap taxti.
| זמרות היו-לי חקיך-- בבית מגורי | 54 |
Musapir bolup turƣan jayimda, Kɵrsǝtmiliring mening nahxilirim boldi.
| זכרתי בלילה שמך יהוה ואשמרה תורתך | 55 |
Keqidǝ, i Pǝrwǝrdigar, namingni ǝslǝp yürdum, Tǝwrat-ⱪanunungni tutup kǝldim.
| זאת היתה-לי כי פקדיך נצרתי | 56 |
Mǝn buningƣa nesip boldum, Qünki mǝn kɵrsǝtmiliringkǝ itaǝt ⱪilip kǝldim.
| חלקי יהוה אמרתי-- לשמר דבריך | 57 |
(Hǝt) Ɵzüng mening nesiwǝmdursǝn, i Pǝrwǝrdigar; «Sening sɵz-kalamingni tutay» — dedim.
| חליתי פניך בכל-לב חנני כאמרתך | 58 |
Mǝn pütün ⱪǝlbim bilǝn didaringƣa intilip yelindim; Wǝdǝng boyiqǝ manga xapaǝt kɵrsǝtkǝysǝn.
| חשבתי דרכי ואשיבה רגלי אל-עדתיך | 59 |
Mǝn yolliring üstidǝ oylandim, Ayaƣlirimni agaⱨ-guwaⱨliⱪliringƣa ⱪaritip buridim.
| חשתי ולא התמהמהתי-- לשמר מצותיך | 60 |
Mǝn aldiridim, ⱨeq keqikmidim, Sening ǝmrliringgǝ ǝmǝl ⱪilixⱪa.
| חבלי רשעים עודני תורתך לא שכחתי | 61 |
Rǝzillǝrning asarǝtliri meni qirmiwalƣini bilǝn, Mǝn Tǝwrat-ⱪanunungni ⱨeq untumidim.
| חצות-לילה--אקום להודות לך על משפטי צדקך | 62 |
Ⱨǝⱪⱪaniy ⱨɵkümliring üqün, Tün keqidǝ tǝxǝkkür eytⱪili ⱪopimǝn.
| חבר אני לכל-אשר יראוך ולשמרי פקודיך | 63 |
Mǝn Sǝndin ⱪorⱪidiƣanlarning, Kɵrsǝtmiliringgǝ ǝgǝxkǝnlǝrning ⱨǝmmisining ülpitidurmǝn.
| חסדך יהוה מלאה הארץ חקיך למדני | 64 |
Jaⱨan, i Pǝrwǝrdigar, Sening ɵzgǝrmǝs muⱨǝbbiting bilǝn toldi; Manga bǝlgilimiliringni ɵgǝtkǝysǝn.
| טוב עשית עם-עבדך-- יהוה כדברך | 65 |
(Tǝt) Sɵz-kalaming boyiqǝ, i Pǝrwǝrdigar, Ɵz ⱪulungƣa meⱨribanliⱪni kɵrsitip kǝlgǝnsǝn.
| טוב טעם ודעת למדני כי במצותיך האמנתי | 66 |
Manga obdan pǝrⱪ etixni wǝ bilimni ɵgǝtkǝysǝn; Qünki mǝn ǝmrliringgǝ ixǝndim.
| טרם אענה אני שגג ועתה אמרתך שמרתי | 67 |
Mǝn azabⱪa uqraxtin burun yoldin azƣan, Biraⱪ ⱨazir sɵzüngni tutimǝn.
| טוב-אתה ומטיב למדני חקיך | 68 |
Sǝn meⱨribandursǝn, meⱨribanliⱪ ⱪilisǝn, Manga bǝlgilimiliringni ɵgǝtkǝysǝn.
| טפלו עלי שקר זדים אני בכל-לב אצר פקודיך | 69 |
Tǝkǝbburlar manga ⱪara qaplaxti; Biraⱪ kɵrsǝtmiliringgǝ pütün ⱪǝlbim bilǝn itaǝt ⱪilimǝn.
| טפש כחלב לבם אני תורתך שעשעתי | 70 |
Ularning ⱪǝlbi tuymas bolup kǝtti; Biraⱪ mǝn bolsam Tǝwrat-ⱪanunungni hursǝnlik dǝp bilimǝn.
| טוב-לי כי-עניתי-- למען אלמד חקיך | 71 |
Azabⱪa uqriƣinim yahxi boldi, Xuning bilǝn bǝlgilimiliringni ɵgǝndim.
| טוב-לי תורת-פיך-- מאלפי זהב וכסף | 72 |
Mǝn üqün aƣzingdiki ⱪanun-tǝlim, Mingliƣan altun-kümüx tǝnggidin ǝwzǝldur.
| ידיך עשוני ויכוננוני הבינני ואלמדה מצותיך | 73 |
(Yod) Sening ⱪolliring meni yasiƣan, meni mustǝⱨkǝmlidi; Meni yorutⱪaysǝn, ǝmrliringni ɵginimǝn.
| יראיך יראוני וישמחו כי לדברך יחלתי | 74 |
Sǝndin ǝyminidiƣanlar meni kɵrüp xadlinidu; Qünki mǝn sɵz-kalamingƣa ümid baƣlap kǝldim.
| ידעתי יהוה כי-צדק משפטיך ואמונה עניתני | 75 |
I Pǝrwǝrdigar, Sening ⱨɵkümliringning ⱨǝⱪⱪaniy ikǝnlikini, Wapadarliⱪingdin meni azabⱪa salƣiningni bilimǝn.
| יהי-נא חסדך לנחמני-- כאמרתך לעבדך | 76 |
Aⱨ, ⱪulungƣa bǝrgǝn wǝdǝng boyiqǝ, Ɵzgǝrmǝs muⱨǝbbiting tǝsǝlliyim bolsun.
| יבאוני רחמיך ואחיה כי-תורתך שעשעי | 77 |
Mening yaxixim üqün, Rǝⱨimdilliⱪliring yenimƣa kǝlsun; Qünki Tǝwrat-ⱪanunung mening hursǝnlikimdur.
| יבשו זדים כי-שקר עותוני אני אשיח בפקודיך | 78 |
Tǝkǝbburlar hijalǝttǝ ⱪalsun; Qünki ular manga yalƣanqiliⱪ bilǝn tǝtürlük ⱪilƣan; Mǝn bolsam, kɵrsǝtmiliring üstidǝ seƣinip oylinimǝn.
| ישובו לי יראיך וידעו (וידעי) עדתיך | 79 |
Sǝndin ǝyminidiƣanlar mǝn tǝrǝpkǝ burulup kǝlsun; Agaⱨ-guwaⱨliⱪliringni bilgǝnlǝrmu xundaⱪ bolsun.
| יהי-לבי תמים בחקיך-- למען לא אבוש | 80 |
Kɵnglüm bǝlgilimiliringdǝ mukǝmmǝl bolsun; Xuning bilǝn yǝrgǝ ⱪarap ⱪalmaymǝn.
| כלתה לתשועתך נפשי לדברך יחלתי | 81 |
(Kaf) Jenim nijatliⱪingƣa tǝlmürüp ⱨalidin ketǝy dǝwatidu; Mǝn sɵz-kalamingƣa ümid baƣlidim.
| כלו עיני לאמרתך-- לאמר מתי תנחמני | 82 |
Kɵzüm sɵz-wǝdǝnggǝ tǝlmürüp tügixǝy dedi, «Sǝn ⱪaqanmu manga tǝsǝlli berǝrsǝn» — dǝp.
| כי-הייתי כנאד בקיטור-- חקיך לא שכחתי | 83 |
Qünki mǝn islinip ⱪurup kǝtkǝn tulumdǝk boldum, Biraⱪ bǝlgilimiliringni untumaymǝn.
| כמה ימי-עבדך מתי תעשה ברדפי משפט | 84 |
Ⱪulungning künliri ⱪanqǝ bolidu? Manga ziyankǝxlik ⱪilƣanlarni ⱪaqan jazalaysǝn?
| כרו-לי זדים שיחות-- אשר לא כתורתך | 85 |
Tǝkǝbburlar manga orilarni koliƣan; Bu ixlar Tǝwratingƣa muhaliptur;
| כל-מצותיך אמונה שקר רדפוני עזרני | 86 |
Sening barliⱪ ǝmrliring ixǝnqliktur; Ular yolsizliⱪ bilǝn meni ⱪistimaⱪta; Manga yardǝm ⱪilƣaysǝn!
| כמעט כלוני בארץ ואני לא-עזבתי פקדיך | 87 |
Ular meni yǝr yüzidin yoⱪatⱪili ⱪil ⱪaldi; Biraⱪ mǝn bolsam, kɵrsǝtmiliringdin waz kǝqmidim.
| כחסדך חיני ואשמרה עדות פיך | 88 |
Ɵzgǝrmǝs muⱨǝbbiting boyiqǝ meni janlandurƣaysǝn, Wǝ aƣzingdiki agaⱨ-guwaⱨliⱪliringni tutimǝn.
| לעולם יהוה-- דברך נצב בשמים | 89 |
(Lamǝd) Mǝnggügǝ, i Pǝrwǝrdigar, Sɵz-kalaming ǝrxlǝrdǝ bekitilgǝndur.
| לדר ודר אמונתך כוננת ארץ ותעמד | 90 |
Sening sadaⱪiting dǝwrdin-dǝwrgiqidur; Sǝn yǝr-zeminni muⱪim bekitkǝnsǝn, u mǝwjut bolup turidu.
| למשפטיך עמדו היום כי הכל עבדיך | 91 |
Sening ⱨɵküm-ⱪanuniyǝtliring bilǝn bular bügünki kündimu turidu; Qünki barliⱪ mǝwjudatlar Sening hizmitingdidur.
| לולי תורתך שעשעי-- אז אבדתי בעניי | 92 |
Sening Tǝwrat-ⱪanunung hursǝnlikim bolmiƣan bolsa, Azabimda yoⱪap ketǝr idim.
| לעולם לא-אשכח פקודיך כי בם חייתני | 93 |
Mǝn Sening kɵrsǝtmiliringni ⱨǝrgiz untumaymǝn; Qünki muxular arⱪiliⱪ manga ⱨayatliⱪ bǝrding;
| לך-אני הושיעני כי פקודיך דרשתי | 94 |
Mǝn Seningkidurmǝn, meni ⱪutⱪuzƣaysǝn; Qünki mǝn kɵrsǝtmiliringni izdǝp kǝldim.
| לי קוו רשעים לאבדני עדתיך אתבונן | 95 |
Rǝzillǝr meni ⱨalak ⱪilixni kütmǝktǝ; Biraⱪ mǝn agaⱨ-guwaⱨliringni kɵnglümdǝ tutup oylaymǝn.
| לכל-תכלה ראיתי קץ רחבה מצותך מאד | 96 |
Mǝn ⱨǝmmǝ mukǝmmǝllikning qeki bar dǝp bilip yǝttim; Biraⱪ Sening ǝmr-kalaming qǝksiz kǝngdur!
| מה-אהבתי תורתך כל-היום היא שיחתי | 97 |
(Mǝm) Aⱨ, mening Tǝwrat-ⱪanunungƣa bolƣan muⱨǝbbitim nǝⱪǝdǝr qongⱪurdur! Kün boyi u mening seƣinip oylaydiƣinimdur.
| מאיבי תחכמני מצותך כי לעולם היא-לי | 98 |
Əmrliring ⱨǝrdaim mǝn bilǝn billǝ turƣaqⱪa, Meni düxmǝnlirimdin dana ⱪilidu;
| מכל-מלמדי השכלתי כי עדותיך שיחה לי | 99 |
Barliⱪ ustazlirimdin kɵp yorutulƣanmǝn, Qünki agaⱨ-guwaⱨliring seƣiniximdur.
| מזקנים אתבונן כי פקודיך נצרתי | 100 |
Mǝn ⱪerilardin kɵprǝk qüxinimǝn, Qünki kɵrsǝtmiliringgǝ itaǝt ⱪilip kǝldim.
| מכל-ארח רע כלאתי רגלי-- למען אשמר דברך | 101 |
Sɵz-kalamingƣa ǝmǝl ⱪilixim üqün, Ayaƣlirimni ⱨǝmmǝ yaman yoldin tarttim.
| ממשפטיך לא-סרתי כי-אתה הורתני | 102 |
Ⱨɵkümliringdin ⱨeq qiⱪmidim; Qünki manga ɵgǝtkǝn Sǝn ɵzüngdursǝn.
| מה-נמלצו לחכי אמרתך-- מדבש לפי | 103 |
Sɵzliring tilimƣa xunqǝ xerin tetiydu! Aƣzimda ⱨǝsǝldin tatliⱪtur!
| מפקודיך אתבונן על כן שנאתי כל-ארח שקר | 104 |
Kɵrsǝtmiliringdin mǝn yorutuldum; Xunga barliⱪ sahta yolni ɵq kɵrimǝn.
| נר-לרגלי דברך ואור לנתיבתי | 105 |
(Nun) Sɵz-kalaming ayiƣim aldidiki qiraƣ, Yolumƣa nurdur.
| נשבעתי ואקימה-- לשמר משפטי צדקך | 106 |
Ⱪǝsǝm iqtim, ǝmǝl ⱪilimǝnki, Mǝn ⱨǝⱪⱪaniy ⱨɵkümliringni tutimǝn.
| נעניתי עד-מאד יהוה חיני כדברך | 107 |
Zor azab-oⱪubǝtlǝrni qǝktim, i Pǝrwǝrdigar; Sɵz-kalaming boyiqǝ meni janlandurƣaysǝn.
| נדבות פי רצה-נא יהוה ומשפטיך למדני | 108 |
Ⱪobul ⱪilƣaysǝn, i Pǝrwǝrdigar, aƣzimdiki halis ⱪurbanliⱪlarni, Manga ⱨɵkümliringni ɵgǝtkǝysǝn.
| נפשי בכפי תמיד ותורתך לא שכחתי | 109 |
Jenimni aliⱪinimda daim elip yürimǝn, Biraⱪ Tǝwrat-ⱪanunungni pǝⱪǝt untumaymǝn.
| נתנו רשעים פח לי ומפקודיך לא תעיתי | 110 |
Rǝzillǝr mǝn üqün ⱪiltaⱪ ⱪurdi; Biraⱪ kɵrsǝtmiliringdin adaxmidim.
| נחלתי עדותיך לעולם כי-ששון לבי המה | 111 |
Agaⱨ-guwaⱨliⱪliringni miras ⱪilip mǝnggügǝ ⱪobul ⱪildim; Qünki ular kɵnglümning xadliⱪidur.
| נטיתי לבי לעשות חקיך-- לעולם עקב | 112 |
Mǝn kɵnglümni bǝlgilimiliringgǝ mǝnggügǝ [ǝmǝl ⱪilixⱪa], Yǝni ahirƣiqǝ ǝmǝl ⱪilixⱪa mayil ⱪildim.
| סעפים שנאתי ותורתך אהבתי | 113 |
(Samǝⱪ) Ala kɵngüllǝrni ɵq kɵrüp kǝldim; Sɵyginim bolsa, Tǝwrat-ⱪanunungdur.
| סתרי ומגני אתה לדברך יחלתי | 114 |
Sǝn mening dalda jayim, mening ⱪalⱪanimdursǝn; Sɵz-kalamingƣa ümid baƣlidim.
| סורו-ממני מרעים ואצרה מצות אלהי | 115 |
Mǝn Hudayimning ǝmrlirigǝ ǝmǝl ⱪilixim üqün, Mǝndin neri bolunglar, i rǝzillik ⱪilƣuqilar!
| סמכני כאמרתך ואחיה ואל-תבישני משברי | 116 |
Yaxixim üqün, Wǝdǝng boyiqǝ meni yɵligǝysǝn; Ümidimning aldida meni yǝrgǝ ⱪaratmiƣaysǝn.
| סעדני ואושעה ואשעה בחקיך תמיד | 117 |
Meni ⱪollap ⱪuwwǝtligǝysǝn, xunda mǝn aman-esǝn yürimǝn; Wǝ bǝlgilimiliringni ⱨǝrdaim ⱪǝdirlǝymǝn.
| סלית כל-שוגים מחקיך כי-שקר תרמיתם | 118 |
Bǝlgilimiliringdin azƣanlarning ⱨǝmmisini nǝziringdin saⱪit ⱪilding; Qünki ularning aldamqiliⱪi ⱪuruⱪtur.
| סגים--השבת כל-רשעי-ארץ לכן אהבתי עדתיך | 119 |
Sǝn yǝr yüzidiki barliⱪ rǝzillǝrni daxⱪaldǝk xallap tazilaysǝn; Xunga mǝn agaⱨ-guwaⱨliⱪliringni sɵyimǝn.
| סמר מפחדך בשרי וממשפטיך יראתי | 120 |
Ətlirim Seningdin bolƣan ǝyminixtin titrǝydu; Ⱨɵkümliringdin ⱪorⱪup yürimǝn.
| עשיתי משפט וצדק בל-תניחני לעשקי | 121 |
(Ayin) Mǝn durus ⱨɵkümlǝrni wǝ adalǝtni yürgüzdum; Meni ǝzgüqilǝrgǝ taxlap ⱪoymiƣaysǝn;
| ערב עבדך לטוב אל-יעשקני זדים | 122 |
Ɵz ⱪulung üqün yahxiliⱪⱪa kapalǝt bolƣaysǝn; Tǝkǝbburlarƣa meni ǝzgüzmigǝysǝn.
| עיני כלו לישועתך ולאמרת צדקך | 123 |
Kɵzüm nijatliⱪingƣa tǝxna bolup, Ⱨǝm ⱨǝⱪⱪaniyiting toƣruluⱪ wǝdǝnggǝ tǝlmürüp tügixǝy dǝp ⱪaldi;
| עשה עם-עבדך כחסדך וחקיך למדני | 124 |
Ɵzgǝrmǝs muⱨǝbbiting bilǝn ⱪulungƣa muamilǝ ⱪilƣaysǝn; Bǝlgilimiliringni manga ɵgǝtkǝysǝn.
| עבדך-אני הבינני ואדעה עדתיך | 125 |
Mǝn Sening ⱪulungdurmǝn; Agaⱨ-guwaⱨliⱪliringni bilip yetixim üqün meni yorutⱪaysǝn.
| עת לעשות ליהוה-- הפרו תורתך | 126 |
Pǝrwǝrdigar ⱨǝrikǝtkǝ kelix waⱪti kǝldi! Qünki ular Tǝwrat-ⱪanunungni bikar ⱪiliwetidu.
| על-כן אהבתי מצותיך-- מזהב ומפז | 127 |
Xu sǝwǝbtin ǝmrliringni altundin artuⱪ sɵyimǝn, Sap altundin artuⱪ sɵyimǝn;
| על-כן כל-פקודי כל ישרתי כל-ארח שקר שנאתי | 128 |
Xunga ⱨǝmmǝ ixlarni baxⱪuridiƣan barliⱪ kɵrsǝtmiliringni toƣra dǝp bilimǝn; Barliⱪ sahta yolni ɵq kɵrimǝn.
| פלאות עדותיך על-כן נצרתם נפשי | 129 |
(Pe) Agaⱨ-guwaⱨliⱪliring karamǝttur; Xunga jenim ularƣa ǝgixidu.
| פתח דבריך יאיר מבין פתיים | 130 |
Sɵzliringning yeximi nur elip kelidu; Nadanlarnimu yorutidu.
| פי-פערתי ואשאפה כי למצותיך יאבתי | 131 |
Aƣzimni eqip ⱨasirap kǝttim, Qünki ǝmrliringgǝ tǝxna bolup kǝldim.
| פנה-אלי וחנני-- כמשפט לאהבי שמך | 132 |
Namingni sɵygǝnlǝrgǝ bolƣan aditing boyiqǝ, Jamalingni mǝn tǝrǝpkǝ ⱪaritip xǝpⱪǝt kɵrsǝtkǝysǝn.
| פעמי הכן באמרתך ואל-תשלט-בי כל-און | 133 |
Ⱪǝdǝmlirimni sɵzüng bilǝn toƣriliƣaysǝn; Üstümgǝ ⱨeq ⱪǝbiⱨlikni ⱨɵküm sürgüzmigǝysǝn.
| פדני מעשק אדם ואשמרה פקודיך | 134 |
Meni insanning zulumidin ⱪutuldurƣaysǝn, Xuning bilǝn Sening kɵrsǝtmiliringgǝ itaǝt ⱪilimǝn.
| פניך האר בעבדך ולמדני את-חקיך | 135 |
Jamalingning nurini ⱪulungning üstigǝ qaqturƣaysǝn; Manga bǝlgilimiliringni ɵgǝtkǝysǝn.
| פלגי-מים ירדו עיני-- על לא-שמרו תורתך | 136 |
Kɵzlirimdin yax eriⱪliri aⱪidu, Qünki insanlar Tǝwrat-ⱪanunungƣa boysunmaydu.
| צדיק אתה יהוה וישר משפטיך | 137 |
(Tsadǝ) Ⱨǝⱪⱪaniydursǝn, i Pǝrwǝrdigar; Ⱨɵkümliring toƣridur.
| צוית צדק עדתיך ואמונה מאד | 138 |
Sǝn agaⱨ-guwaⱨliⱪliringni ⱨǝⱪⱪaniyliⱪta buyruƣan; Ular tolimu ixǝnqliktur!
| צמתתני קנאתי כי-שכחו דבריך צרי | 139 |
Otluⱪ muⱨǝbbitim ɵzümni yoⱪitidu, Qünki meni har ⱪilƣuqilar sɵzliringgǝ pisǝnt ⱪilmaydu.
| צרופה אמרתך מאד ועבדך אהבה | 140 |
Sɵzüng toluⱪ sinap ispatlanƣandur; Xunga ⱪulung uni sɵyidu.
| צעיר אנכי ונבזה פקדיך לא שכחתי | 141 |
Mǝn teriⱪtǝkturmǝn, kǝmsitilgǝnmǝn, Biraⱪ kɵrsǝtmiliringni untumaymǝn.
| צדקתך צדק לעולם ותורתך אמת | 142 |
Sening ⱨǝⱪⱪaniyiting ǝbǝdiy bir ⱨǝⱪⱪaniyǝttur, Tǝwrat-ⱪanunung ⱨǝⱪiⱪǝttur.
| צר-ומצוק מצאוני מצותיך שעשעי | 143 |
Pexkǝllik wǝ azab manga qirmixiwaldi; Biraⱪ ǝmrliring mening hursǝnliklirimdur.
| צדק עדותיך לעולם הבינני ואחיה | 144 |
Sening agaⱨ-guwaⱨliⱪliringning ⱨǝⱪⱪaniyliⱪi ǝbǝdiydur; Yaxiƣin dǝp, meni yorutⱪaysǝn.
| קראתי בכל-לב ענני יהוה חקיך אצרה | 145 |
(Kof) Mǝn pütün ⱪǝlbim bilǝn Sanga nida ⱪildim, i Pǝrwǝrdigar; Manga jawab bǝrgǝysǝn; Mǝn bǝlgilimiliringni tutimǝn.
| קראתיך הושיעני ואשמרה עדתיך | 146 |
Mǝn Sanga nida ⱪilimǝn; Meni ⱪutⱪuzƣaysǝn; agaⱨ-guwaⱨliⱪliringƣa ǝgiximǝn.
| קדמתי בנשף ואשועה לדבריך (לדברך) יחלתי | 147 |
Mǝn tang atmay ornumdin turup pǝryad kɵtürimǝn; Sɵz-kalamingƣa ümid baƣlidim.
| קדמו עיני אשמרות-- לשיח באמרתך | 148 |
Wǝdiliring üstidǝ seƣinip oylinix üqün, Tündiki jesǝklǝr almaxmay turup kɵzüm eqilidu.
| קולי שמעה כחסדך יהוה כמשפטך חיני | 149 |
Ɵzgǝrmǝs muⱨǝbbiting boyiqǝ awazimni angliƣaysǝn; I Pǝrwǝrdigar, ⱨɵkümliring boyiqǝ meni janlandurƣaysǝn.
| קרבו רדפי זמה מתורתך רחקו | 150 |
Ⱪǝbiⱨ niyǝtkǝ ǝgǝxkǝnlǝr manga yeⱪinlaxti, Ular Tǝwrat-ⱪanunungdin yiraⱪtur.
| קרוב אתה יהוה וכל-מצותיך אמת | 151 |
I Pǝrwǝrdigar, Sǝn manga yeⱪin turisǝn; Barliⱪ ǝmrliring ⱨǝⱪiⱪǝttur.
| קדם ידעתי מעדתיך כי לעולם יסדתם | 152 |
Uzundin beri agaⱨ-guwaⱨliⱪliringdin ɵgǝndimki, Ularni mǝnggügǝ inawǝtlik ⱪilƣansǝn.
| ראה-עניי וחלצני כי-תורתך לא שכחתי | 153 |
(Rǝx) Mening har bolƣinimni kɵrgǝysǝn, meni ⱪutuldurƣaysǝn; Qünki Tǝwrat-ⱪanunungni untumidim.
| ריבה ריבי וגאלני לאמרתך חיני | 154 |
Mening dǝwayimni soriƣaysǝn, ⱨǝmjǝmǝt bolup meni ⱪutⱪuzƣaysǝn; Wǝdǝng boyiqǝ meni janlandurƣaysǝn.
| רחוק מרשעים ישועה כי חקיך לא דרשו | 155 |
Nijatliⱪ rǝzillǝrdin yiraⱪtur; Qünki ular bǝlgilimiliringni izdimǝydu.
| רחמיך רבים יהוה כמשפטיך חיני | 156 |
Rǝⱨimdilliⱪliring kɵptur, i Pǝrwǝrdigar; Ⱨɵkümliring boyiqǝ meni janlandurƣaysǝn.
| רבים רדפי וצרי מעדותיך לא נטיתי | 157 |
Manga ziyankǝxlik ⱪilƣuqilar ⱨǝm meni har ⱪilƣuqilar kɵptur; Biraⱪ agaⱨ-guwaⱨliⱪliringdin ⱨeq qǝtnimidim.
| ראיתי בגדים ואתקוטטה-- אשר אמרתך לא שמרו | 158 |
Mǝn asiyliⱪ ⱪilƣuqilarƣa ⱪarap yirgǝndim, Qünki ular sɵzüngni tutmaydu.
| ראה כי-פקודיך אהבתי יהוה כחסדך חיני | 159 |
Sening kɵrsǝtmiliringni xunqǝ sɵygǝnlikimni kɵrgǝysǝn; Ɵzgǝrmǝs muⱨǝbbiting boyiqǝ meni janlandurƣaysǝn, i Pǝrwǝrdigar.
| ראש-דברך אמת ולעולם כל-משפט צדקך | 160 |
Sɵz-kalamingni mujǝssǝmligǝndǝ andin ⱨǝⱪiⱪǝt bolur; Sening ⱨǝrbir adil ⱨɵkümüng ǝbǝdiydur.
| שרים רדפוני חנם ומדבריך (ומדברך) פחד לבי | 161 |
(Xiyn) Əmirlǝr bikardin-bikar manga ziyankǝxlik ⱪilidu; Biraⱪ yürikim kalaming aldidila titrǝydu.
| שש אנכי על-אמרתך-- כמוצא שלל רב | 162 |
Birsi zor olja tapⱪandǝk, Wǝdǝngdin huxallinimǝn.
| שקר שנאתי ואתעבה תורתך אהבתי | 163 |
Sahtiliⱪtin nǝprǝtlinip yirginimǝn; Sɵyginim Tǝwrat-ⱪanunungdur.
| שבע ביום הללתיך-- על משפטי צדקך | 164 |
Ⱨǝⱪⱪaniy ⱨɵkümliring tüpǝylidin, Kündǝ yǝttǝ ⱪetim Seni mǝdⱨiyilǝymǝn.
| שלום רב לאהבי תורתך ואין-למו מכשול | 165 |
Tǝwratingni sɵygǝnlǝrning zor hatirjǝmliki bar; Ⱨeq nǝrsǝ ularni putliyalmas.
| שברתי לישועתך יהוה ומצותיך עשיתי | 166 |
Mǝn nijatliⱪingƣa ümid baƣlap küttüm, i Pǝrwǝrdigar, Əmrliringgǝ ǝmǝl ⱪilip.
| שמרה נפשי עדתיך ואהבם מאד | 167 |
Jenim agaⱨ-guwaⱨliⱪliringƣa ǝgixidu, Ularni intayin sɵyimǝn.
| שמרתי פקודיך ועדתיך כי כל-דרכי נגדך | 168 |
Barliⱪ yollirim aldingda bolƣaq, Kɵrsǝtmiliring ⱨǝm agaⱨ-guwaⱨliⱪliringƣa ǝgiximǝn.
| תקרב רנתי לפניך יהוה כדברך הבינני | 169 |
(Taw) Mening pǝryadim aldingƣa yeⱪin kǝlsun, i Pǝrwǝrdigar; Kalaming boyiqǝ meni yorutⱪaysǝn.
| תבוא תחנתי לפניך כאמרתך הצילני | 170 |
Yelinixim aldingƣa kǝlsun; Wǝdǝng boyiqǝ meni ⱪutuldurƣaysǝn.
| תבענה שפתי תהלה כי תלמדני חקיך | 171 |
Manga bǝlgilimiliringni ɵgitixing üqün, Lǝwlirimdin mǝdⱨiyilǝr urƣup qiⱪidu.
| תען לשוני אמרתך כי כל-מצותיך צדק | 172 |
Tilim sɵzüngni küylǝp nahxa eytidu, Qünki ǝmrliringning ⱨǝmmisi ⱨǝⱪⱪaniydur.
| תהי-ידך לעזרני כי פקודיך בחרתי | 173 |
Ⱪolung manga yardǝmgǝ tǝyyar bolsun; Qünki mǝn kɵrsǝtmiliringni talliwaldim.
| תאבתי לישועתך יהוה ותורתך שעשעי | 174 |
Mǝn nijatliⱪingƣa tǝlmürüp tǝxna bolup kǝldim, i Pǝrwǝrdigar; Sening Tǝwrating mening hursǝnlikimdur.
| תחי-נפשי ותהללך ומשפטך יעזרני | 175 |
Jenim yaxisun, u Seni mǝdⱨiyilǝydu, Sening ⱨɵkümliring manga yardǝm ⱪilsun.
| תעיתי-- כשה אבד בקש עבדך כי מצותיך לא שכחתי | 176 |
Mǝn yoldin adaxⱪan ⱪoydǝk tǝmtirǝp ⱪaldim; Ⱪulungni izdigǝysǝn; Qünki ǝmrliringni untup ⱪalƣinim yoⱪ.
