תהילים 119
| אשרי תמימי-דרך-- ההלכים בתורת יהוה | 1 |
Alleluia. Blessid ben men with out wem in the weie; that gon in the lawe of the Lord.
| אשרי נצרי עדתיו בכל-לב ידרשוהו | 2 |
Blessid ben thei, that seken hise witnessingis; seken him in al the herte.
| אף לא-פעלו עולה בדרכיו הלכו | 3 |
For thei that worchen wickidnesse; yeden not in hise weies.
| אתה צויתה פקדיך-- לשמר מאד | 4 |
Thou hast comaundid; that thin heestis be kept greetly.
| אחלי יכנו דרכי-- לשמר חקיך | 5 |
I wolde that my weies be dressid; to kepe thi iustifiyngis.
| אז לא-אבוש-- בהביטי אל-כל-מצותיך | 6 |
Thanne Y schal not be schent; whanne Y schal biholde perfitli in alle thin heestis.
| אודך בישר לבב-- בלמדי משפטי צדקך | 7 |
I schal knouleche to thee in the dressing of herte; in that that Y lernyde the domes of thi riytfulnesse.
| את-חקיך אשמר אל-תעזבני עד-מאד | 8 |
I schal kepe thi iustifiyngis; forsake thou not me on ech side.
| במה יזכה-נער את-ארחו-- לשמר כדברך | 9 |
In what thing amendith a yong waxinge man his weie? in keping thi wordis.
| בכל-לבי דרשתיך אל-תשגני ממצותיך | 10 |
In al myn herte Y souyte thee; putte thou me not awei fro thin heestis.
| בלבי צפנתי אמרתך-- למען לא אחטא-לך | 11 |
In myn herte Y hidde thi spechis; that Y do not synne ayens thee.
| ברוך אתה יהוה-- למדני חקיך | 12 |
Lord, thou art blessid; teche thou me thi iustifiyngis.
| בשפתי ספרתי-- כל משפטי-פיך | 13 |
In my lippis Y haue pronounsid; alle the domes of thi mouth.
| בדרך עדותיך ששתי-- כעל כל-הון | 14 |
I delitide in the weie of thi witnessingis; as in alle richessis.
| בפקודיך אשיחה ואביטה ארחתיך | 15 |
I schal be ocupied in thin heestis; and Y schal biholde thi weies.
| בחקתיך אשתעשע לא אשכח דברך | 16 |
I schal bithenke in thi iustifiyngis; Y schal not foryete thi wordis.
| גמל על-עבדך אחיה ואשמרה דברך | 17 |
Yelde to thi seruaunt; quiken thou me, and Y schal kepe thi wordis.
| גל-עיני ואביטה-- נפלאות מתורתך | 18 |
Liytne thou myn iyen; and Y schal biholde the merueils of thi lawe.
| גר אנכי בארץ אל-תסתר ממני מצותיך | 19 |
I am a comeling in erthe; hide thou not thin heestis fro me.
| גרסה נפשי לתאבה-- אל-משפטיך בכל-עת | 20 |
Mi soule coueitide to desire thi iustifiyngis; in al tyme.
| גערת זדים ארורים-- השגים ממצותיך | 21 |
Thou blamedist the proude; thei ben cursid, that bowen awei fro thin heestis.
| גל מעלי חרפה ובוז כי עדתיך נצרתי | 22 |
Do thou awei `fro me schenschipe and dispising; for Y souyte thi witnessingis.
| גם ישבו שרים בי נדברו-- עבדך ישיח בחקיך | 23 |
For whi princis saten, and spaken ayens me; but thi seruaunt was exercisid in thi iustifiyngis.
| גם-עדתיך שעשעי-- אנשי עצתי | 24 |
For whi and thi witnessyngis is my thenkyng; and my counsel is thi iustifiyngis.
| דבקה לעפר נפשי חיני כדברך | 25 |
Mi soule cleuede to the pawment; quykine thou me bi thi word.
| דרכי ספרתי ותענני למדני חקיך | 26 |
I telde out my weies, and thou herdist me; teche thou me thi iustifiyngis.
| דרך-פקודיך הבינני ואשיחה בנפלאותיך | 27 |
Lerne thou me the weie of thi iustifiyngis; and Y schal be exercisid in thi merueils.
| דלפה נפשי מתוגה קימני כדברך | 28 |
Mi soule nappide for anoye; conferme thou me in thi wordis.
| דרך-שקר הסר ממני ותורתך חנני | 29 |
Remoue thou fro me the weie of wickidnesse; and in thi lawe haue thou merci on me.
| דרך-אמונה בחרתי משפטיך שויתי | 30 |
I chees the weie of treuthe; Y foryat not thi domes.
| דבקתי בעדותיך יהוה אל-תבישני | 31 |
Lord, Y cleuede to thi witnessyngis; nyle thou schende me.
| דרך-מצותיך ארוץ כי תרחיב לבי | 32 |
I ran the weie of thi comaundementis; whanne thou alargidist myn herte.
| הורני יהוה דרך חקיך ואצרנה עקב | 33 |
Lord, sette thou to me a lawe, the weie of thi iustifiyngis; and Y schal seke it euere.
| הבינני ואצרה תורתך ואשמרנה בכל-לב | 34 |
Yyue thou vndurstonding to me, and Y schal seke thi lawe; and Y schal kepe it in al myn herte.
| הדריכני בנתיב מצותיך כי-בו חפצתי | 35 |
Lede me forth in the path of thin heestis; for Y wolde it.
| הט-לבי אל-עדותיך ואל אל-בצע | 36 |
`Bowe thou myn herte in to thi witnessingus; and not in to aueryce.
| העבר עיני מראות שוא בדרכך חיני | 37 |
Turne thou awei myn iyen, that `tho seen not vanyte; quykene thou me in thi weie.
| הקם לעבדך אמרתך-- אשר ליראתך | 38 |
Ordeyne thi speche to thi seruaunt; in thi drede.
| העבר חרפתי אשר יגרתי כי משפטיך טובים | 39 |
Kitte awey my schenschip, which Y supposide; for thi domes ben myrie.
| הנה תאבתי לפקדיך בצדקתך חיני | 40 |
Lo! Y coueitide thi comaundementis; quikene thou me in thin equite.
| ויבאני חסדך יהוה תשועתך כאמרתך | 41 |
And, Lord, thi merci come on me; thin heelthe come bi thi speche.
| ואענה חרפי דבר כי-בטחתי בדברך | 42 |
And Y schal answere a word to men seiynge schenschipe to me; for Y hopide in thi wordis.
| ואל-תצל מפי דבר-אמת עד-מאד כי למשפטך יחלתי | 43 |
And take thou not awei fro my mouth the word of treuthe outerli; for Y hopide aboue in thi domes.
| ואשמרה תורתך תמיד-- לעולם ועד | 44 |
And Y schal kepe thi lawe euere; in to the world, and in to the world of world.
| ואתהלכה ברחבה כי פקדיך דרשתי | 45 |
And Y yede in largenesse; for Y souyte thi comaundementis.
| ואדברה בעדתיך נגד מלכים ולא אבוש | 46 |
And Y spak of thi witnessyngis in the siyt of kingis; and Y was not schent.
| ואשתעשע במצותיך אשר אהבתי | 47 |
And Y bithouyte in thin heestis; whiche Y louede.
| ואשא-כפי--אל-מצותיך אשר אהבתי ואשיחה בחקיך | 48 |
And Y reiside myn hondis to thi comaundementis, whiche Y louede; and Y schal be excercisid in thi iustifiyngis.
| זכר-דבר לעבדך-- על אשר יחלתני | 49 |
Lord, haue thou mynde on thi word to thi seruaunt; in which word thou hast youe hope to me.
| זאת נחמתי בעניי כי אמרתך חיתני | 50 |
This coumfortide me in my lownesse; for thi word quikenede me.
| זדים הליצני עד-מאד מתורתך לא נטיתי | 51 |
Proude men diden wickidli bi alle thingis; but Y bowide not awei fro thi lawe.
| זכרתי משפטיך מעולם יהוה ואתנחם | 52 |
Lord, Y was myndeful on thi domes fro the world; and Y was coumfortid.
| זלעפה אחזתני מרשעים-- עזבי תורתך | 53 |
Failing helde me; for synneris forsakinge thi lawe.
| זמרות היו-לי חקיך-- בבית מגורי | 54 |
Thi iustifiyngis weren delitable to me to be sungun; in the place of my pilgrimage.
| זכרתי בלילה שמך יהוה ואשמרה תורתך | 55 |
Lord, Y hadde mynde of thi name bi niyt; and Y kepte thi lawe.
| זאת היתה-לי כי פקדיך נצרתי | 56 |
This thing was maad to me; for Y souyte thi iustifiyngis.
| חלקי יהוה אמרתי-- לשמר דבריך | 57 |
Lord, my part; Y seide to kepe thi lawe.
| חליתי פניך בכל-לב חנני כאמרתך | 58 |
I bisouyte thi face in al myn herte; haue thou merci on me bi thi speche.
| חשבתי דרכי ואשיבה רגלי אל-עדתיך | 59 |
I bithouyte my weies; and Y turnede my feet in to thi witnessyngis.
| חשתי ולא התמהמהתי-- לשמר מצותיך | 60 |
I am redi, and Y am not disturblid; to kepe thi comaundementis.
| חבלי רשעים עודני תורתך לא שכחתי | 61 |
The coordis of synneris han biclippid me; and Y haue not foryete thi lawe.
| חצות-לילה--אקום להודות לך על משפטי צדקך | 62 |
At mydnyyt Y roos to knouleche to thee; on the domes of thi iustifiyngis.
| חבר אני לכל-אשר יראוך ולשמרי פקודיך | 63 |
I am parcener of alle that dreden thee; and kepen thin heestis.
| חסדך יהוה מלאה הארץ חקיך למדני | 64 |
Lord, the erthe is ful of thi merci; teche thou me thi iustifiyngis.
| טוב עשית עם-עבדך-- יהוה כדברך | 65 |
Lord, thou hast do goodnesse with thi seruaunt; bi thi word.
| טוב טעם ודעת למדני כי במצותיך האמנתי | 66 |
Teche thou me goodnesse, and loore, and kunnyng; for Y bileuede to thin heestis.
| טרם אענה אני שגג ועתה אמרתך שמרתי | 67 |
Bifor that Y was maad meke, Y trespasside; therfor Y kepte thi speche.
| טוב-אתה ומטיב למדני חקיך | 68 |
Thou art good; and in thi goodnesse teche thou me thi iustifiyngis.
| טפלו עלי שקר זדים אני בכל-לב אצר פקודיך | 69 |
The wickidnesse of hem that ben proude, is multiplied on me; but in al myn herte Y schal seke thin heestis.
| טפש כחלב לבם אני תורתך שעשעתי | 70 |
The herte of hem is cruddid as mylk; but Y bithouyte thi lawe.
| טוב-לי כי-עניתי-- למען אלמד חקיך | 71 |
It is good to me, that thou hast maad me meke; that Y lerne thi iustifiyngis.
| טוב-לי תורת-פיך-- מאלפי זהב וכסף | 72 |
The lawe of thi mouth is betere to me; than thousyndis of gold and of siluer.
| ידיך עשוני ויכוננוני הבינני ואלמדה מצותיך | 73 |
Thin hondis maden me, and fourmeden me; yyue thou vndurstondyng to me, that Y lerne thin heestis.
| יראיך יראוני וישמחו כי לדברך יחלתי | 74 |
Thei that dreden thee schulen se me, and schulen be glad; for Y hopide more on thi wordis.
| ידעתי יהוה כי-צדק משפטיך ואמונה עניתני | 75 |
Lord, Y knewe, that thi domes ben equite; and in thi treuth thou hast maad me meke.
| יהי-נא חסדך לנחמני-- כאמרתך לעבדך | 76 |
Thi merci be maad, that it coumforte me; bi thi speche to thi seruaunt.
| יבאוני רחמיך ואחיה כי-תורתך שעשעי | 77 |
Thi merciful doyngis come to me, and Y schal lyue; for thi lawe is my thenkyng.
| יבשו זדים כי-שקר עותוני אני אשיח בפקודיך | 78 |
Thei that ben proude be schent, for vniustli thei diden wickidnesse ayens me; but Y schal be exercisid in thin heestis.
| ישובו לי יראיך וידעו (וידעי) עדתיך | 79 |
Thei that dreden thee be turned to me; and thei that knowen thi witnessyngis.
| יהי-לבי תמים בחקיך-- למען לא אבוש | 80 |
Myn herte be maad vnwemmed in thi iustifiyngis; that Y be not schent.
| כלתה לתשועתך נפשי לדברך יחלתי | 81 |
Mi soule failide in to thin helthe; and Y hopide more on thi word.
| כלו עיני לאמרתך-- לאמר מתי תנחמני | 82 |
Myn iyen failiden in to thi speche; seiynge, Whanne schalt thou coumforte me?
| כי-הייתי כנאד בקיטור-- חקיך לא שכחתי | 83 |
For Y am maad as a bowge in frost; Y haue not foryete thi iustifiyngis.
| כמה ימי-עבדך מתי תעשה ברדפי משפט | 84 |
Hou many ben the daies of thi seruaunt; whanne thou schalt make doom of hem that pursuen me?
| כרו-לי זדים שיחות-- אשר לא כתורתך | 85 |
Wickid men telden to me ianglyngis; but not as thi lawe.
| כל-מצותיך אמונה שקר רדפוני עזרני | 86 |
Alle thi comaundementis ben treuthe; wickid men han pursued me, helpe thou me.
| כמעט כלוני בארץ ואני לא-עזבתי פקדיך | 87 |
Almeest thei endiden me in erthe; but I forsook not thi comaundementis.
| כחסדך חיני ואשמרה עדות פיך | 88 |
Bi thi mersi quikene thou me; and Y schal kepe the witnessingis of thi mouth.
| לעולם יהוה-- דברך נצב בשמים | 89 |
Lord, thi word dwellith in heuene; with outen ende.
| לדר ודר אמונתך כוננת ארץ ותעמד | 90 |
Thi treuthe dwellith in generacioun, and in to generacioun; thou hast foundid the erthe, and it dwellith.
| למשפטיך עמדו היום כי הכל עבדיך | 91 |
The dai lastith contynueli bi thi ordynaunce; for alle thingis seruen to thee.
| לולי תורתך שעשעי-- אז אבדתי בעניי | 92 |
No but that thi lawe was my thenking; thanne perauenture Y hadde perischid in my lownesse.
| לעולם לא-אשכח פקודיך כי בם חייתני | 93 |
With outen ende Y schal not foryete thi iustifiyngis; for in tho thou hast quikened me.
| לך-אני הושיעני כי פקודיך דרשתי | 94 |
I am thin, make thou me saaf; for Y haue souyt thi iustifiyngis.
| לי קוו רשעים לאבדני עדתיך אתבונן | 95 |
Synneris aboden me, for to leese me; Y vndurstood thi witnessingis.
| לכל-תכלה ראיתי קץ רחבה מצותך מאד | 96 |
I siy the ende of al ende; thi comaundement is ful large.
| מה-אהבתי תורתך כל-היום היא שיחתי | 97 |
Lord, hou louede Y thi lawe; al dai it is my thenking.
| מאיבי תחכמני מצותך כי לעולם היא-לי | 98 |
Aboue myn enemyes thou madist me prudent bi thi comaundement; for it is to me with outen ende.
| מכל-מלמדי השכלתי כי עדותיך שיחה לי | 99 |
I vndurstood aboue alle men techinge me; for thi witnessingis is my thenking.
| מזקנים אתבונן כי פקודיך נצרתי | 100 |
I vndirstood aboue eelde men; for Y souyte thi comaundementis.
| מכל-ארח רע כלאתי רגלי-- למען אשמר דברך | 101 |
I forbeed my feet fro al euel weie; that Y kepe thi wordis.
| ממשפטיך לא-סרתי כי-אתה הורתני | 102 |
I bowide not fro thi domes; for thou hast set lawe to me.
| מה-נמלצו לחכי אמרתך-- מדבש לפי | 103 |
Thi spechis ben ful swete to my cheekis; aboue hony to my mouth.
| מפקודיך אתבונן על כן שנאתי כל-ארח שקר | 104 |
I vnderstood of thin heestis; therfor Y hatide al the weie of wickidnesse.
| נר-לרגלי דברך ואור לנתיבתי | 105 |
Thi word is a lanterne to my feet; and liyt to my pathis.
| נשבעתי ואקימה-- לשמר משפטי צדקך | 106 |
I swoor, and purposide stidefastli; to kepe the domes of thi riytfulnesse.
| נעניתי עד-מאד יהוה חיני כדברך | 107 |
I am maad low bi alle thingis; Lord, quykene thou me bi thi word.
| נדבות פי רצה-נא יהוה ומשפטיך למדני | 108 |
Lord, make thou wel plesinge the wilful thingis of my mouth; and teche thou me thi domes.
| נפשי בכפי תמיד ותורתך לא שכחתי | 109 |
Mi soule is euere in myn hondis; and Y foryat not thi lawe.
| נתנו רשעים פח לי ומפקודיך לא תעיתי | 110 |
Synneris settiden a snare to me; and Y erride not fro thi comaundementis.
| נחלתי עדותיך לעולם כי-ששון לבי המה | 111 |
I purchasside thi witnessyngis bi eritage with outen ende; for tho ben the ful ioiyng of myn herte.
| נטיתי לבי לעשות חקיך-- לעולם עקב | 112 |
I bowide myn herte to do thi iustifiyngis with outen ende; for reward.
| סעפים שנאתי ותורתך אהבתי | 113 |
I hatide wickid men; and Y louede thi lawe.
| סתרי ומגני אתה לדברך יחלתי | 114 |
Thou art myn helpere, and my `taker vp; and Y hopide more on thi word.
| סורו-ממני מרעים ואצרה מצות אלהי | 115 |
Ye wickide men, bowe awei fro me; and Y schal seke the comaundementis of my God.
| סמכני כאמרתך ואחיה ואל-תבישני משברי | 116 |
Vp take thou me bi thi word, and Y schal lyue; and schende thou not me fro myn abydyng.
| סעדני ואושעה ואשעה בחקיך תמיד | 117 |
Helpe thou me, and Y schal be saaf; and Y schal bithenke euere in thi iustifiyngis.
| סלית כל-שוגים מחקיך כי-שקר תרמיתם | 118 |
Thou hast forsake alle men goynge awey fro thi domes; for the thouyt of hem is vniust.
| סגים--השבת כל-רשעי-ארץ לכן אהבתי עדתיך | 119 |
I arettide alle the synneris of erthe brekeris of the lawe; therfor Y louede thi witnessyngis.
| סמר מפחדך בשרי וממשפטיך יראתי | 120 |
Naile thou my fleischis with thi drede; for Y dredde of thi domes.
| עשיתי משפט וצדק בל-תניחני לעשקי | 121 |
I dide doom and riytwisnesse; bitake thou not me to hem that falsli chalengen me.
| ערב עבדך לטוב אל-יעשקני זדים | 122 |
Take vp thi seruaunt in to goodnesse; thei that ben proude chalenge not me.
| עיני כלו לישועתך ולאמרת צדקך | 123 |
Myn iyen failiden in to thin helthe; and in to the speche of thi riytfulnesse.
| עשה עם-עבדך כחסדך וחקיך למדני | 124 |
Do thou with thi seruaunt bi thi merci; and teche thou me thi iustifiyngis.
| עבדך-אני הבינני ואדעה עדתיך | 125 |
I am thi seruaunt, yyue thou vndurstondyng to me; that Y kunne thi witnessingis.
| עת לעשות ליהוה-- הפרו תורתך | 126 |
Lord, it is tyme to do; thei han distried thi lawe.
| על-כן אהבתי מצותיך-- מזהב ומפז | 127 |
Therfor Y louede thi comaundementis; more than gold and topazion.
| על-כן כל-פקודי כל ישרתי כל-ארח שקר שנאתי | 128 |
Therfor Y was dressid to alle thin heestis; Y hatide al wickid weie.
| פלאות עדותיך על-כן נצרתם נפשי | 129 |
Lord, thi witnessingis ben wondirful; therfor my soule souyte tho.
| פתח דבריך יאיר מבין פתיים | 130 |
Declaring of thi wordis liytneth; and yyueth vnderstonding to meke men.
| פי-פערתי ואשאפה כי למצותיך יאבתי | 131 |
I openede my mouth, and drouy the spirit; for Y desiride thi comaundementis.
| פנה-אלי וחנני-- כמשפט לאהבי שמך | 132 |
Biholde thou on me, and haue merci on me; bi the dom of hem that louen thi name.
| פעמי הכן באמרתך ואל-תשלט-בי כל-און | 133 |
Dresse thou my goyingis bi thi speche; that al vnriytfulnesse haue not lordschip on me.
| פדני מעשק אדם ואשמרה פקודיך | 134 |
Ayeyn bie thou me fro the false chalengis of men; that Y kepe thin heestis.
| פניך האר בעבדך ולמדני את-חקיך | 135 |
Liytne thi face on thi seruaunt; and teche thou me thi iustifiyngis.
| פלגי-מים ירדו עיני-- על לא-שמרו תורתך | 136 |
Myn iyen ledden forth the outgoynges of watris; for thei kepten not thi lawe.
| צדיק אתה יהוה וישר משפטיך | 137 |
Lord, thou art iust; and thi dom is riytful.
| צוית צדק עדתיך ואמונה מאד | 138 |
Thou hast comaundid riytfulnesse, thi witnessingis; and thi treuthe greetli to be kept.
| צמתתני קנאתי כי-שכחו דבריך צרי | 139 |
Mi feruent loue made me to be meltid; for myn enemys foryaten thi wordis.
| צרופה אמרתך מאד ועבדך אהבה | 140 |
Thi speche is greetli enflawmed; and thi seruaunt louede it.
| צעיר אנכי ונבזה פקדיך לא שכחתי | 141 |
I am yong, and dispisid; Y foryat not thi iustifiyngis.
| צדקתך צדק לעולם ותורתך אמת | 142 |
Lord, thi riytfulnesse is riytfulnesse with outen ende; and thi lawe is treuthe.
| צר-ומצוק מצאוני מצותיך שעשעי | 143 |
Tribulacioun and angwische founden me; thin heestis is my thenking.
| צדק עדותיך לעולם הבינני ואחיה | 144 |
Thi witnessyngis is equite with outen ende; yyue thou vndirstondyng to me, and Y schal lyue.
| קראתי בכל-לב ענני יהוה חקיך אצרה | 145 |
I criede in al myn herte, Lord, here thou me; and Y schal seke thi iustifiyngis.
| קראתיך הושיעני ואשמרה עדתיך | 146 |
I criede to thee, make thou me saaf; that Y kepe thi comaundementis.
| קדמתי בנשף ואשועה לדבריך (לדברך) יחלתי | 147 |
I bifor cam in ripenesse, and Y criede; Y hopide aboue on thi wordis.
| קדמו עיני אשמרות-- לשיח באמרתך | 148 |
Myn iyen bifor camen to thee ful eerli; that Y schulde bithenke thi speches.
| קולי שמעה כחסדך יהוה כמשפטך חיני | 149 |
Lord, here thou my vois bi thi merci; and quykene thou me bi thi doom.
| קרבו רדפי זמה מתורתך רחקו | 150 |
Thei that pursuen me neiyden to wickidnesse; forsothe thei ben maad fer fro thi lawe.
| קרוב אתה יהוה וכל-מצותיך אמת | 151 |
Lord, thou art nyy; and alle thi weies ben treuthe.
| קדם ידעתי מעדתיך כי לעולם יסדתם | 152 |
In the bigynnyng Y knewe of thi witnessingis; for thou hast foundid tho with outen ende.
| ראה-עניי וחלצני כי-תורתך לא שכחתי | 153 |
Se thou my mekenesse, and delyuere thou me; for Y foryat not thi lawe.
| ריבה ריבי וגאלני לאמרתך חיני | 154 |
Deme thou my dom, and ayenbie thou me; quikene thou me for thi speche.
| רחוק מרשעים ישועה כי חקיך לא דרשו | 155 |
Heelthe is fer fro synners; for thei souyten not thi iustifiyngis.
| רחמיך רבים יהוה כמשפטיך חיני | 156 |
Lord, thi mercies ben manye; quykene thou me bi thi dom.
| רבים רדפי וצרי מעדותיך לא נטיתי | 157 |
Thei ben manye that pursuen me, and doen tribulacioun to me; Y bowide not awei fro thi witnessingis.
| ראיתי בגדים ואתקוטטה-- אשר אמרתך לא שמרו | 158 |
I siy brekers of the lawe, and Y was meltid; for thei kepten not thi spechis.
| ראה כי-פקודיך אהבתי יהוה כחסדך חיני | 159 |
Lord, se thou, for Y louede thi comaundementis; quikene thou me in thi merci.
| ראש-דברך אמת ולעולם כל-משפט צדקך | 160 |
The bigynnyng of thi wordis is treuthe; alle the domes of thi riytwisnesse ben withouten ende.
| שרים רדפוני חנם ומדבריך (ומדברך) פחד לבי | 161 |
Princes pursueden me with outen cause; and my herte dredde of thi wordis.
| שש אנכי על-אמרתך-- כמוצא שלל רב | 162 |
I schal be glad on thi spechis; as he that fyndith many spuylis.
| שקר שנאתי ואתעבה תורתך אהבתי | 163 |
I hatide and wlatide wickidnesse; forsothe Y louede thi lawe.
| שבע ביום הללתיך-- על משפטי צדקך | 164 |
I seide heriyngis to thee seuene sithis in the dai; on the domes of thi riytfulnesse.
| שלום רב לאהבי תורתך ואין-למו מכשול | 165 |
Miche pees is to hem that louen thi lawe; and no sclaundir is to hem.
| שברתי לישועתך יהוה ומצותיך עשיתי | 166 |
Lord, Y abood thin heelthe; and Y louede thin heestis.
| שמרה נפשי עדתיך ואהבם מאד | 167 |
Mi soule kepte thi witnessyngis; and louede tho greetli.
| שמרתי פקודיך ועדתיך כי כל-דרכי נגדך | 168 |
I kepte thi `comaundementis, and thi witnessingis; for alle my weies ben in thi siyt.
| תקרב רנתי לפניך יהוה כדברך הבינני | 169 |
Lord, my biseching come niy in thi siyt; bi thi speche yyue thou vndurstonding to me.
| תבוא תחנתי לפניך כאמרתך הצילני | 170 |
Myn axing entre in thi siyt; bi thi speche delyuere thou me.
| תבענה שפתי תהלה כי תלמדני חקיך | 171 |
Mi lippis schulen telle out an ympne; whanne thou hast tauyte me thi iustifiyngis.
| תען לשוני אמרתך כי כל-מצותיך צדק | 172 |
Mi tunge schal pronounce thi speche; for whi alle thi comaundementis ben equite.
| תהי-ידך לעזרני כי פקודיך בחרתי | 173 |
Thin hond be maad, that it saue me; for Y haue chose thin heestis.
| תאבתי לישועתך יהוה ותורתך שעשעי | 174 |
Lord, Y coueitide thin heelthe; and thi lawe is my thenking.
| תחי-נפשי ותהללך ומשפטך יעזרני | 175 |
Mi soule schal lyue, and schal herie thee; and thi domes schulen helpe me.
| תעיתי-- כשה אבד בקש עבדך כי מצותיך לא שכחתי | 176 |
I erride as a scheep that perischide; Lord, seke thi seruaunt, for Y foryat not thi comaundementis.
