תהילים 118
| הודו ליהוה כי-טוב כי לעולם חסדו | 1 |
Bosanzola Yawe, pamba te azali malamu, pamba te bolingo na Ye ewumelaka seko na seko!
| יאמר-נא ישראל כי לעולם חסדו | 2 |
Tika ete Isalaele aloba: « Pamba te bolingo na Ye ewumelaka seko na seko! »
| יאמרו-נא בית-אהרן כי לעולם חסדו | 3 |
Tika ete bakitani ya Aron baloba: « Pamba te bolingo na Ye ewumelaka seko na seko! »
| יאמרו-נא יראי יהוה כי לעולם חסדו | 4 |
Tika ete bato oyo batosaka Yawe baloba: « Pamba te bolingo na Ye ewumelaka seko na seko! »
| מן-המצר קראתי יה ענני במרחב יה | 5 |
Kati na pasi na ngai, nabelelaki Yawe, mpe Yawe ayanolaki ngai, abikisaki ngai.
| יהוה לי לא אירא מה-יעשה לי אדם | 6 |
Yawe azali mpo na ngai, nakobanga te; bato bakoki kosala ngai nini?
| יהוה לי בעזרי ואני אראה בשנאי | 7 |
Yawe azali mpo na ngai, ayaka kosunga ngai; boye natalaka banguna na ngai na miso lokola molongi.
| טוב לחסות ביהוה-- מבטח באדם | 8 |
Eleki malamu koluka ebombamelo kati na Yawe na esika ya kotia elikya na bato.
| טוב לחסות ביהוה-- מבטח בנדיבים | 9 |
Eleki malamu koluka ebombamelo kati na Yawe na esika ya kotia elikya kati na bato minene ya mokili.
| כל-גוים סבבוני בשם יהוה כי אמילם | 10 |
Bikolo nyonso ezingelaki ngai, kasi nabebisaki bango na Kombo na Yawe.
| סבוני גם-סבבוני בשם יהוה כי אמילם | 11 |
Bakobaki kaka kozingela ngai, kasi nabebisaki bango na Kombo na Yawe.
| סבוני כדבורים-- דעכו כאש קוצים בשם יהוה כי אמילם | 12 |
Bazingelaki ngai lokola banzoyi, kasi ekufaki lokola moto ya esobe; nabebisaki yango na Kombo na Yawe.
| דחה דחיתני לנפל ויהוה עזרני | 13 |
Batindikaki ngai mpo ete nakweyisa kondima, kasi Yawe asungaki ngai.
| עזי וזמרת יה ויהי-לי לישועה | 14 |
Yawe azali makasi mpe nguya na ngai; apesaki ngai elonga.
| קול רנה וישועה--באהלי צדיקים ימין יהוה עשה חיל | 15 |
Koganga ya esengo mpe ya elonga eyokanaka wuta na bandako ya kapo ya bato ya sembo, pamba te nguya na Yawe esalaka makambo minene!
| ימין יהוה רוממה ימין יהוה עשה חיל | 16 |
Yawe asembolaka loboko na Ye ya mobali, mpe nguya na Yawe esalaka makambo minene.
| לא-אמות כי-אחיה ואספר מעשי יה | 17 |
Nakokufa te, nakozala na bomoi mpe nakopanza sango ya misala ya Yawe.
| יסר יסרני יה ולמות לא נתנני | 18 |
Solo, Yawe apesaki ngai etumbu makasi; kasi akabaki ngai na kufa te.
| פתחו-לי שערי-צדק אבא-בם אודה יה | 19 |
Bofungolela ngai bikuke ya bosembo mpo ete nakota mpe nakumisa Yawe.
| זה-השער ליהוה צדיקים יבאו בו | 20 |
Tala ekuke ya Yawe; bato ya sembo bakotelaka na ekuke yango.
| אודך כי עניתני ותהי-לי לישועה | 21 |
Nasanzolaka Yo, pamba te oyanolaki ngai mpe opesaki ngai elonga.
| אבן מאסו הבונים-- היתה לראש פנה | 22 |
Libanga oyo batongi ndako babwakaki ekomi libanga ya songe ya ndako, mpe esimbi ndako mobimba.
| מאת יהוה היתה זאת היא נפלאת בעינינו | 23 |
Ezali Yawe nde alingaki bongo, mpe ezali penza likambo ya kokamwa na miso na biso!
| זה-היום עשה יהוה נגילה ונשמחה בו | 24 |
Tala mokolo oyo Yawe asali; tika ete tosepela mpe toganga na esengo mpo na mokolo yango!
| אנא יהוה הושיעה נא אנא יהוה הצליחה נא | 25 |
Yawe, nabondeli Yo, pesa lobiko. Yawe, nabondeli Yo, pesa elonga.
| ברוך הבא בשם יהוה ברכנוכם מבית יהוה | 26 |
Tika ete apambolama, Ye oyo ayei na Kombo ya Nkolo! Tozali kopambola bino wuta na Tempelo ya Yawe.
| אל יהוה--ויאר-לנו אסרו-חג בעבתים--עד קרנות המזבח | 27 |
Yawe azali Nzambe, mpe angengisaki biso. Bokota na molongo, bomema mandalala na maboko mpe bokende kino na maseke ya etumbelo.
| אלי אתה ואודך אלהי ארוממך | 28 |
Ozali Nzambe na ngai, nasanzolaka Yo! Ozali Nzambe na ngai, nanetolaka Yo.
| הודו ליהוה כי-טוב כי לעולם חסדו | 29 |
Bosanzola Yawe, pamba te azali malamu, pamba te bolingo na Ye ewumelaka seko na seko!
