תהילים 106

1 הללו-יה הודו ליהוה כי-טוב-- כי לעולם חסדו

Goocai Jehova. Cookeriai Jehova ngaatho, nĩgũkorwo nĩ mwega; wendo wake ũtũũraga nginya tene.

2 מי--ימלל גבורות יהוה ישמיע כל-תהלתו

Nũũ ũngiuga ciĩko cia hinya cia Jehova, kana aanĩrĩre kũna ũgooci wake wothe?

3 אשרי שמרי משפט עשה צדקה בכל-עת

Kũrathimwo-rĩ, nĩ arĩa marũmagia kĩhooto, arĩa meekaga ũrĩa kwagĩrĩire hĩndĩ ciothe.

4 זכרני יהוה ברצון עמך פקדני בישועתך

Ndirikanaga, Wee Jehova, hĩndĩ ĩrĩa ũgwĩka andũ aku wega, ũndeithagie rĩrĩa ũkũmahonokia,

5 לראות בטובת בחיריך-- לשמח בשמחת גויך להתהלל עם-נחלתך

nĩguo ngenagĩre ũgaacĩru wa andũ aku athuure, nĩguo ngwatanagĩre gĩkeno-inĩ kĩa rũrĩrĩ rwaku, na nyiitanagĩre na igai rĩaku tũgĩkũgooca.

6 חטאנו עם-אבותינו העוינו הרשענו

Ithuĩ nĩtwĩhĩtie, o ta ũrĩa maithe maitũ meehirie; nĩtwĩkĩte ũũru na tũkaagana.

7 אבותינו במצרים לא-השכילו נפלאותיך-- לא זכרו את-רב חסדיך וימרו על-ים בים-סוף

Rĩrĩa maithe maitũ maarĩ Misiri, matiarũmbũirie ciama ciaku; matiigana kũririkana ũtugi waku mũingĩ, na makĩrema marĩ hũgũrũrũ-inĩ cia iria, o Iria rĩu Itune.

8 ויושיעם למען שמו-- להודיע את-גבורתו

No nĩamahonokirie nĩ ũndũ wa rĩĩtwa rĩake, nĩguo atũme hinya wake mũnene ũmenyeke.

9 ויגער בים-סוף ויחרב ויוליכם בתהמות כמדבר

Nĩakũũmire Iria Itune, narĩo rĩkĩhũa; akĩmagereria kũu kũriku taarĩ werũ-inĩ.

10 ויושיעם מיד שונא ויגאלם מיד אויב

Nĩamahonokirie guoko-inĩ kwa andũ arĩa maamathũire; akĩmakũũra kuuma guoko-inĩ gwa thũ.

11 ויכסו-מים צריהם אחד מהם לא נותר

Maaĩ macio nĩmahubanĩirie amuku ao; gũtirĩ o na ũmwe wao watigarire.

12 ויאמינו בדבריו ישירו תהלתו

Hĩndĩ ĩyo magĩĩtĩkia ciĩranĩro ciake, na makĩmũinĩra, makĩmũgooca.

13 מהרו שכחו מעשיו לא-חכו לעצתו

No makĩriganĩrwo o narua nĩ ũrĩa ekĩte, na matiigana gweterera ũtaaro wake.

14 ויתאוו תאוה במדבר וינסו-אל בישימון

Marĩ kũu werũ-inĩ makĩnyiitwo nĩ thuti; makĩgeria Mũrungu marĩ kũu gũtagĩĩaga kĩndũ.

15 ויתן להם שאלתם וישלח רזון בנפשם

Nĩ ũndũ ũcio akĩmahe kĩrĩa maamwĩtirie, no akĩmatũmĩra mũrimũ wa kũmanyariira.

16 ויקנאו למשה במחנה לאהרן קדוש יהוה

Ningĩ nĩmaiguĩrĩire Musa ũiru marĩ kũu kambĩ-inĩ, o na makĩiguĩra Harũni ũiru, o ũcio wamũrĩirwo Jehova.

17 תפתח-ארץ ותבלע דתן ותכס על-עדת אבירם

Thĩ ĩgĩatũka na ĩkĩmeria Dathani; ningĩ ĩgĩthika thiritũ ya Abiramu.

18 ותבער-אש בעדתם להבה תלהט רשעים

Mwaki ũgĩakana gatagatĩ-inĩ ka arũmĩrĩri ao; rũrĩrĩmbĩ rũgĩcina andũ acio aaganu.

19 יעשו-עגל בחרב וישתחוו למסכה

Nĩmathondekire gacaũ marĩ kũu Horebu, makĩhooya mũhianano ũtweketio kuuma kũrĩ kĩgera.

20 וימירו את-כבודם בתבנית שור אכל עשב

Maakũũranirie Riiri wa Ngai na mũhianano wa ndegwa ĩrĩa ĩrĩĩaga nyeki.

21 שכחו אל מושיעם-- עשה גדלות במצרים

Makĩriganĩrwo nĩ Mũrungu ũrĩa wamahonokirie, ũrĩa wekĩte maũndũ manene kũu bũrũri wa Misiri,

22 נפלאות בארץ חם נוראות על-ים-סוף

akĩringa ciama bũrũri wa Hamu, na agĩĩka mawĩko ma gwĩtigĩrwo Iria-inĩ Itune.

23 ויאמר להשמידם לולי משה בחירו-- עמד בפרץ לפניו להשיב חמתו מהשחית

Nĩ ũndũ ũcio akiuga nĩekũmaniina, tiga nĩ Musa, ũrĩa we aathurĩte, warũgamire mbere yake, akĩmũthaitha ndakamaniine na mangʼũrĩ make.

24 וימאסו בארץ חמדה לא-האמינו לדברו

Ningĩ makĩnyarara bũrũri ũcio mwega, makĩaga gwĩtĩkia kĩĩranĩro gĩake.

25 וירגנו באהליהם לא שמעו בקול יהוה

Makĩnuguna marĩ hema-inĩ ciao, na makĩaga gwathĩkĩra Jehova.

26 וישא ידו להם-- להפיל אותם במדבר

Nĩ ũndũ ũcio akĩoya guoko na igũrũ, akĩĩhĩta atĩ nĩakamangʼaũranĩria kũu werũ-inĩ,

27 ולהפיל זרעם בגוים ולזרותם בארצות

angʼaũranĩrie njiaro ciao kũu gatagatĩ-inĩ ka ndũrĩrĩ, aciharaganĩrie kũu mabũrũri-inĩ guothe.

28 ויצמדו לבעל פעור ויאכלו זבחי מתים

Nĩmeyohanirie na Baali ya Peoru, na makĩrĩa magongona maarutĩirwo ngai itarĩ muoyo;

29 ויכעיסו במעלליהם ותפרץ-בם מגפה

magĩtũma Jehova arakare nĩ ũndũ wa ciĩko ciao cia waganu, naguo mũthiro ũgĩtuthũka gatagatĩ-inĩ kao.

30 ויעמד פינחס ויפלל ותעצר המגפה

No Finehasi akĩrũgama na igũrũ, akĩherithia arĩa maarĩ na mahĩtia, naguo mũthiro ũgĩthira.

31 ותחשב לו לצדקה לדר ודר עד-עולם

Ũhoro ũcio ũgĩtũma atuuo nĩ mũthingu kũrĩ njiarwa na njiarwa nginya tene.

32 ויקציפו על-מי מריבה וירע למשה בעבורם

Nao makĩrakaria Jehova hau maaĩ-inĩ ma Meriba, nake Musa agĩkinyĩrĩrwo nĩ thĩĩna nĩ ũndũ wao;

33 כי-המרו את-רוחו ויבטא בשפתיו

nĩgũkorwo nĩmaremeire Roho wa Ngai, nake Musa akĩaria ciugo itaagĩrĩire.

34 לא-השמידו את-העמים-- אשר אמר יהוה להם

Matiigana kũniina ndũrĩrĩ icio ta ũrĩa Jehova aamaathĩte,

35 ויתערבו בגוים וילמדו מעשיהם

no nĩgũtukana maatukanire na ndũrĩrĩ, na makĩrũmĩrĩra mĩtugo yao.

36 ויעבדו את-עצביהם ויהיו להם למוקש

Makĩhooya mĩhianano yao, ĩrĩa yatuĩkire mũtego kũrĩ o.

37 ויזבחו את-בניהם ואת-בנותיהם-- לשדים

Makĩrutĩra ndaimono aanake na airĩtu ao marĩ magongona.

38 וישפכו דם נקי דם-בניהם ובנותיהם-- אשר זבחו לעצבי כנען ותחנף הארץ בדמים

Magĩita thakame ĩteehĩtie, thakame ya aanake na airĩtu ao, arĩa maarutire marĩ magongona kũrĩ mĩhianano ya Kaanani, naguo bũrũri ũgĩthaahio nĩ thakame yao.

39 ויטמאו במעשיהם ויזנו במעלליהם

Nĩmethaahirie o ene nĩ gwĩka ũguo meekire; na ũndũ wa ciĩko ciao makĩhũũra ũmaraya.

40 ויחר-אף יהוה בעמו ויתעב את-נחלתו

Nĩ ũndũ ũcio Jehova akĩrakarĩra andũ ake, na agĩthũũra igai rĩake mũno.

41 ויתנם ביד-גוים וימשלו בהם שנאיהם

Akĩmaneana kũrĩ ndũrĩrĩ, nĩguo maathagwo nĩ thũ ciao.

42 וילחצום אויביהם ויכנעו תחת ידם

Thũ ciao ikĩmahinyĩrĩria, na ikĩmaiga rungu rwa wathani wao.

43 פעמים רבות יצילם והמה ימרו בעצתם וימכו בעונם

Nake akĩmateithũra mahinda maingĩ, no-o makĩrema, makĩrikĩra mehia-inĩ mao.

44 וירא בצר להם-- בשמעו את-רנתם

Nowe akĩona mĩnyamaro yao rĩrĩa aaiguire magĩkaya;

45 ויזכר להם בריתו וינחם כרב חסדו

nĩ ũndũ wao akĩririkana kĩrĩkanĩro gĩake, na nĩ ũndũ wa wendo wake mũnene akĩringwo nĩ tha.

46 ויתן אותם לרחמים-- לפני כל-שוביהם

Agĩtũma maiguĩrwo tha nĩ arĩa othe maamatahĩte.

47 הושיענו יהוה אלהינו וקבצנו מן-הגוים להדות לשם קדשך להשתבח בתהלתך

Tũhonokie, Wee Jehova Ngai witũ, na ũtũcookanĩrĩrie ũtũrute kũrĩ ndũrĩrĩ, nĩguo tũcookagĩrie rĩĩtwa rĩaku itheru ngaatho, na twĩrahagĩre ũgooci waku.

48 ברוך יהוה אלהי ישראל מן-העולם ועד העולם-- ואמר כל-העם אמן הללו-יה

Jehova arogoocwo, o we Ngai wa Isiraeli, kuuma tene wa tene, nginya o tene na tene. Nao andũ othe nĩmakiuge, “Ameni!” Goocai Jehova.