תהילים 105

1 הודו ליהוה קראו בשמו הודיעו בעמים עלילותיו

Пәрвәрдигарға тәшәккүр ейтиңлар, Униң намини чақирип илтиҗа қилиңлар, Униң қилғанлирини хәлиқләр арисида аян қилиңлар!

2 שירו-לו זמרו-לו שיחו בכל-נפלאותיו

Униңға нахшилар ейтип, Уни күйләңлар; Униң пүткүл карамәт мөҗизилири үстидә сеғинип ойлиниңлар.

3 התהללו בשם קדשו ישמח לב מבקשי יהוה

Муқәддәс намидин пәхирлинип даңлаңлар, Пәрвәрдигарни издигүчиләрниң көңли шатлансун!

4 דרשו יהוה ועזו בקשו פניו תמיד

Пәрвәрдигарни һәмдә Униң күчини издәңлар, Дидар-һозурини тохтимай издәңлар.

5 זכרו--נפלאותיו אשר-עשה מפתיו ומשפטי-פיו

Униң яратқан мөҗизилирини, Карамәт-аламәтлирини һәм ағзидин чиққан һөкүмлирини әстә тутуңлар,

6 זרע אברהם עבדו בני יעקב בחיריו

И Униң қули Ибраһим нәсли, Өзи таллиғанлири, Яқупниң оғуллири!

7 הוא יהוה אלהינו בכל-הארץ משפטיו

У, Пәрвәрдигар — Худайимиз, Униң һөкүмлири пүткүл йәр йүзидидур.

8 זכר לעולם בריתו דבר צוה לאלף דור

Өзи түзгән әһдисини әбәдий ядида тутиду — — Бу Униң миң әвлатқичә вәдишләшкән сөзидур, —

9 אשר כרת את-אברהם ושבועתו לישחק

Йәни Ибраһим билән түзгән әһдиси, Исһаққа ичкән қәсимидур.

10 ויעמידה ליעקב לחק לישראל ברית עולם

У буни Яқупқиму низам дәп җәзмләштүрди, Исраилға әбәдий әһдә қилип берип: —

11 לאמר--לך אתן את-ארץ-כנען חבל נחלתכם

«Саңа Қанаан зиминини беримән, Уни мирасиң болған несивәң қилимән», — деди,

12 בהיותם מתי מספר כמעט וגרים בה

— Гәрчә шу чағда уларниң сани аз, Етиварға елинмиған, шу йәрдики мусапирлар болсиму.

13 ויתהלכו מגוי אל-גוי מממלכה אל-עם אחר

Улар у жуттин бу жутқа, Бу әлдин у қәбилигә кезип жүрди;

14 לא-הניח אדם לעשקם ויוכח עליהם מלכים

У һеч кимниң уларни езишигә йол қоймиди, Уларни дәп падишаларғиму тәнбиһ берип: —

15 אל-תגעו במשיחי ולנביאי אל-תרעו

Мән мәсиһ қилғанлиримға тәгмә, Пәйғәмбәрлиримгә яман иш қилма! — деди.

16 ויקרא רעב על-הארץ כל-מטה-לחם שבר

У әшу жутқа ачарчилиқни буйруди, Тирәк болған аш-нанни қурутувәтти.

17 שלח לפניהם איש לעבד נמכר יוסף

У улардин бурун бир адәмни әвәткән еди, Йүсүп қул қилип сетилған еди.

18 ענו בכבל רגליו (רגלו) ברזל באה נפשו

Униң путлири зәнҗирдә ағриди, Униң җени төмүргә кирип қисилди;

19 עד-עת בא-דברו-- אמרת יהוה צרפתהו

Шундақла та өзигә ейтилған вәһий әмәлгә ашурулғичә, Пәрвәрдигарниң сөз-калами уни синап тавлиди;

20 שלח מלך ויתירהו משל עמים ויפתחהו

Пирәвн адәмлирини әвәтип уни бошатқузди, Қовмларниң һөкүмдари уни һөрлүккә чиқарди.

21 שמו אדון לביתו ומשל בכל-קנינו

Уни өз ордисиға ғоҗидар қилип қойди, Пүтүн мал-мүлкигә башлиқ қилип тайинлап,

22 לאסר שריו בנפשו וזקניו יחכם

Өз вәзирлирини униң ихтиярида болуп тәрбийилинишкә, Ақсақаллириға даналиқ үгитишкә тапшурди.

23 ויבא ישראל מצרים ויעקב גר בארץ-חם

Шуниң билән Исраил Мисирға кәлди, Яқуплар Һамниң зиминида мусапир болуп яшиди.

24 ויפר את-עמו מאד ויעצמהו מצריו

[Пәрвәрдигар] Өз хәлқини көп нәсиллик қилип, Әзгүчилиридин күчлүк қилди.

25 הפך לבם לשנא עמו להתנכל בעבדיו

У [Мисирлиқларниң] қәлбидә Өз хәлқигә нәпрәт һасил қилди, Уларни Өз қуллириға һейлә-микирлик болушқа майил қилди.

26 שלח משה עבדו אהרן אשר בחר-בו

У Өз қули болған Мусани, Өзиниң таллиғини Һарунни йоллиди.

27 שמו-בם דברי אתותיו ומפתים בארץ חם

Улар [Мисирда] илаһий аламәтләрни аян қилип, Һам зиминида униң мөҗизилирини орнатти.

28 שלח חשך ויחשך ולא-מרו את-דבריו (דברו)

Пәрвәрдигар қараңғулуқни әвәтип, [Зиминни] зулмәткә қаплитивәтти; [Мисирлиқлар] Униң әмригә қарши турған әмәсму?

29 הפך את-מימיהם לדם וימת את-דגתם

У уларниң сулирини қанға айландурди, Белиқлирини қурутивәтти.

30 שרץ ארצם צפרדעים בחדרי מלכיהם

Уларниң йәрлирини миж-миж пақилар басти, Шаһ-әмирлириниң һуҗрилириғиму улар толуп кәтти.

31 אמר ויבא ערב כנים בכל-גבולם

У бир сөз биләнла, ғуж-ғуж чивинлар бесип кәлди; Һәммә булуң-пучқақларда ғиң-ғиң учар чүмүлиләр.

32 נתן גשמיהם ברד אש להבות בארצם

У ямғурниң орниға мөлдүр яғдуруп, Бу зиминға ялқунлуқ от чүшүрди.

33 ויך גפנם ותאנתם וישבר עץ גבולם

У үзүм таллирини, әнҗур дәрәқлирини урди, Зиминдики дәрәқләрни сундурувәтти.

34 אמר ויבא ארבה וילק ואין מספר

У бир сөз қилиши биләнла, чекәткиләр кәлди, Сансиз жутқур һашарәтләр мижилдап,

35 ויאכל כל-עשב בארצם ויאכל פרי אדמתם

Зиминида бар болған гияларни жутувәтти, Етизларниң барлиқ һосуллирини йәп түгәтти.

36 ויך כל-בכור בארצם ראשית לכל-אונם

[Ахирда] зиминидики барлиқ тунҗа туғулғанларни, Уларниң ғурури болған биринчи оғул балилирини қиривәтти.

37 ויוציאם בכסף וזהב ואין בשבטיו כושל

Өз хәлқини болса, алтун-күмүчләрни көтәргүзүп чиқарди, Қәбилилиридә бирисиму жиқилип чүшүп қалғини йоқ.

38 שמח מצרים בצאתם כי-נפל פחדם עליהם

Уларниң чиққиниға Мисир хошал болди, Чүнки уларниң вәһимиси [Мисирлиқларға] чүшти.

39 פרש ענן למסך ואש להאיר לילה

У уларға булутни сайивән болушқа, Отни түндә нур болушқа бәрди.

40 שאל ויבא שלו ולחם שמים ישביעם

Улар сориди, У бөдиниләрни чиқарди, Уларни самавий нан билән қандурди.

41 פתח צור ויזובו מים הלכו בציות נהר

У ташни ярди, сулар булдуқлап чиқти; Қақаслиқта дәриядәк ақти.

42 כי-זכר את-דבר קדשו את-אברהם עבדו

Чүнки У бәргән муқәддәс сөзини, Өз қули Ибраһимни әстә тутти.

43 ויוצא עמו בששון ברנה את-בחיריו

У хәлқини шат-хурамлиқ билән, Өз таллиғинини шатиянә тәнтәниләр билән [азадлиққа] чиқарди.

44 ויתן להם ארצות גוים ועמל לאמים יירשו

У уларға әлләрниң зиминлирини берип, Уларни хәлиқләрниң әҗир-меһнәтлиригә муйәссәр қилди,

45 בעבור ישמרו חקיו-- ותורתיו ינצרו הללו-יה

Бу, уларниң Униң бәлгүлимилирини тутуп, Қанунлириға итаәт қилиши үчүн еди! Һәмдусана!