תהילים 102
| תפלה לעני כי-יעטף-- ולפני יהוה ישפך שיחו ב יהוה שמעה תפלתי ושועתי אליך תבוא | 1 |
Ekpere nke onye nọ na mmekpa ahụ na ọnọdụ ịda mba, na-ekwupụta otu o si dịrị ya nʼihu Onyenwe anyị. Nụrụ ekpere m, O Onyenwe anyị; ka ịkwa akwa m maka inyeaka ruo gị ntị.
| אל-תסתר פניך ממני-- ביום צר-לי הטה-אלי אזנך ביום אקרא מהר ענני | 2 |
Ezonarịla m ihu gị nʼụbọchị nsogbu m. Gee ntị nʼekpere m, zakwaa m ngwangwa.
| כי-כלו בעשן ימי ועצמותי כמוקד נחרו | 3 |
Nʼihi na ụbọchị m niile na-agabiga, dịka anwụrụ ọkụ; ọkpụkpụ m niile dịkwa ka ọlọkọ ọkụ.
| הוכה-כעשב ויבש לבי כי-שכחתי מאכל לחמי | 4 |
Mkpụrụobi m etiwaala abụọ na-achanwụkwa dịka ahịhịa; ana m echefu iri nri m.
| מקול אנחתי-- דבקה עצמי לבשרי | 5 |
Nʼihi oke ịsụ ude m na-asụ, enwekwaghị m anụ ahụ ọbụla nʼahụ m. Abụ m naanị ọkpụkpụ.
| דמיתי לקאת מדבר הייתי ככוס חרבות | 6 |
Adị m ka ikwighịkwighị nke ọzara, a dị m ka ikwighịkwighị nʼetiti ebe dakpọsịrị adakpọsị.
| שקדתי ואהיה-- כצפור בודד על-גג | 7 |
Ana m amụ anya abalị niile; adị m ka nwa nnụnụ naanị ya bekwasịrị nʼelu ụlọ.
| כל-היום חרפוני אויבי מהוללי בי נשבעו | 8 |
Ụbọchị niile, ndị iro m na-eji m eme ihe ọchị; ndị na-akwa m emo na-eji aha m mere ihe ịbụ ọnụ.
| כי-אפר כלחם אכלתי ושקוי בבכי מסכתי | 9 |
Nʼihi na ejirila m ntụ mere ihe oriri m, anya mmiri m na-agwakọta nʼiko ihe ọṅụṅụ m
| מפני-זעמך וקצפך-- כי נשאתני ותשליכני | 10 |
nʼihi oke iwe gị, i bulitela m, ma tụpụ m nʼakụkụ.
| ימי כצל נטוי ואני כעשב איבש | 11 |
Ụbọchị m niile dịka onyinyo nke a na-ahụ anya mgbe anwụ na-ada. Ana m akpọnwụ akpọnwụ, dịka ahịhịa.
| ואתה יהוה לעולם תשב וזכרך לדר ודר | 12 |
Ma gị Onyenwe anyị, na-anọgide nʼocheeze gị ruo mgbe ebighị ebi; aha gị ga-adịgide site nʼọgbọ ruo nʼọgbọ.
| אתה תקום תרחם ציון כי-עת לחננה כי-בא מועד | 13 |
Ị ga-ebili nwee ọmịiko nʼebe Zayọn nọ, nʼihi na oge izi ya ihuọma eruola; oge ahụ a kara aka eruola.
| כי-רצו עבדיך את-אבניה ואת-עפרה יחננו | 14 |
Nʼihi na nkume ya niile dị oke ọnụahịa nye ndị ohu gị; mgbe ha hụrụ uzuzu ya, ha na-emere ya ebere.
| וייראו גוים את-שם יהוה וכל-מלכי הארץ את-כבודך | 15 |
Mba niile ga-atụ egwu aha Onyenwe anyị, ndị eze niile nke ụwa ga-asọpụrụkwa ebube gị.
| כי-בנה יהוה ציון-- נראה בכבודו | 16 |
Nʼihi na Onyenwe anyị ga-ewugharị Zayọn, ọ ga-apụta ihe nʼebube ya.
| פנה אל-תפלת הערער ולא-בזה את-תפלתם | 17 |
Ọ ga-aza ekpere ndị nọ na mkpa; ọ gaghị eleda arịrịọ ha anya.
| תכתב זאת לדור אחרון ועם נברא יהלל-יה | 18 |
Ka e depụta ihe ndị a maka ọgbọ nke dị nʼihu, ka ndị a na-amụbeghị nwee ike too Onyenwe anyị:
| כי-השקיף ממרום קדשו יהוה משמים אל-ארץ הביט | 19 |
“Onyenwe anyị sitere nʼebe nsọ ya dị elu ledata anya, o sitere nʼeluigwe ledata anya ya nʼụwa,
| לשמע אנקת אסיר לפתח בני תמותה | 20 |
ịnụ ịsụ ude nke ndị a tụrụ mkpọrọ na ịgbapụta ndị a mara ikpe ọnwụ.”
| לספר בציון שם יהוה ותהלתו בירושלם | 21 |
Nʼihi nke a, a ga-ekwuwapụta aha Onyenwe anyị na Zayọn; a ga-eto ya na Jerusalem,
| בהקבץ עמים יחדו וממלכות לעבד את-יהוה | 22 |
mgbe mba niile na alaeze niile, ga-ezukọta nʼotu ebe, ife Onyenwe anyị ofufe.
| ענה בדרך כחו (כחי) קצר ימי | 23 |
O meela ka ike gwụ m nʼoge ndụ m; o meela ka ndụ m dịrị mkpụmkpụ.
| אמר--אלי אל תעלני בחצי ימי בדור דורים שנותיך | 24 |
Nʼihi ya, ekwuru m sị, “Anapụla m ndụ m, o Chineke m, ugbu a m ka dị ndụ; ị na-adịgide ndụ site nʼọgbọ ruo nʼọgbọ.
| לפנים הארץ יסדת ומעשה ידיך שמים | 25 |
Na mmalite, ị tọrọ ntọala ụwa, eluigwe bụkwa ọrụ aka gị.
| המה יאבדו-- ואתה תעמד וכלם כבגד יבלו כלבוש תחליפם ויחלפו | 26 |
Ha ga-ala nʼiyi, ma ị ga-adịgide; ha ga-erichasị dịka akwa ochie. Ị ga-agbanwe ha dịka mmadụ si agbanwe uwe ya, ha ga-abụ ndị ewezugara ewezuga.
| ואתה-הוא ושנותיך לא יתמו | 27 |
Ma gị onwe gị enweghị mgbanwe, ọnụọgụgụ afọ gị adịghị agwụkwa agwụ.
| בני-עבדיך ישכונו וזרעם לפניך יכון | 28 |
Ụmụ ndị ohu gị ga-ebigide; ụmụ ụmụ ha ga-eguzosie ike nʼihu gị.”
