תהילים 10
| למה יהוה תעמד ברחוק תעלים לעתות בצרה | 1 |
O Yahweh, apay nga umad-adayoka? Apay nga aglemlemmengka iti tiempo ti riribuk?
| בגאות רשע ידלק עני יתפשו במזמות זו חשבו | 2 |
Gapu iti kinapalangguadda, kamaten dagiti nadangkes a tattao dagiti maidaddadanes; ngem pangngaasim ta ipalubosmo a mapalab-ogan dagiti nadangkes babaen kadagiti bukodda a panggep nga insaganada.
| כי-הלל רשע על-תאות נפשו ובצע ברך נאץ יהוה | 3 |
Ta ipaspasindayag ti nadangkes a tao ti nalaus a tarigagayna; padpadayawanna dagiti naagum ken lalaisenna ni Yahweh.
| רשע--כגבה אפו בל-ידרש אין אלהים כל-מזמותיו | 4 |
Ti nadangkes a tao ket natangsit, saanna a sapsapulen ti Dios. Pulos a saanna a panpanunoten ti Dios gapu ta saanna a pagan-ano ti maipapan kenkuana.
| יחילו דרכו בכל-עת--מרום משפטיך מנגדו כל-צורריו יפיח בהם | 5 |
Natalged isuna iti amin a tiempo, ngem nangato unay kenkuana dagiti nalinteg a bilbilinmo; tagtagibassitenna dagiti amin a kabusorna.
| אמר בלבו בל-אמוט לדר ודר אשר לא-ברע | 6 |
Kunaenna iti pusona, “Saanakto pulos a mapaay; saanakto a makapadas iti riribuk iti amin a henerasion.”
| אלה פיהו מלא--ומרמות ותך תחת לשונו עמל ואון | 7 |
Napnoan ti ngiwatna iti panangilunod, panangallilaw, ken makapasakit a sasao; mangdangran ken mangdadael ti dilana.
| ישב במארב חצרים--במסתרים יהרג נקי עיניו לחלכה יצפנו | 8 |
Agab-abang isuna nga agsaneb iti asideg dagiti purpurok; patpatayenna dagiti awan basolna kadagiti nalimed a lugar; agsisiim dagiti matana kadagiti biktimaenna nga awan gawayna.
| יארב במסתר כאריה בסכה-- יארב לחטוף עני יחטף עני במשכו ברשתו | 9 |
Aglemlemmeng isuna a kasla leon iti kasamekan; agpadpadaan isuna a mangtiliw kadagiti maidaddadanes. Tiltiliwenna dagiti maidaddadanes no guyodenna ti silona.
| ודכה (ידכה) ישח ונפל בעצומיו חלכאים (חל כאים) | 10 |
Marumek ken madangran dagiti biktimana; matnagda kadagiti nalagda a silona.
| אמר בלבו שכח אל הסתיר פניו בל-ראה לנצח | 11 |
Kunaenna iti pusona, “Nanglipat ti Dios; lenglengdanna ti rupana; saannan a kayat ti kumita.”
| קומה יהוה--אל נשא ידך אל-תשכח עניים (ענוים) | 12 |
Bumangonka, O Yahweh; ingatom ti imam iti panangukom, O Dios. Saanmo a lipaten dagiti maidaddadanes.
| על-מה נאץ רשע אלהים אמר בלבו לא תדרש | 13 |
Apay a laklaksiden ti nadangkes a tao ti Dios ken kunaenna iti pusona, “Awanto ti sungsungbatak kenka”?
| ראתה כי-אתה עמל וכעס תביט-- לתת בידך עליך יעזב חלכה יתום אתה היית עוזר | 14 |
Nakitam, ta kanayon a makitkitam ti mangpaspasagrap iti riribuk ken liday. Italtalek dagiti awan gawayna ti bagida kenka; is-ispalem dagiti ulila.
| שבר זרוע רשע ורע תדרוש-רשעו בל-תמצא | 15 |
Tukkolem ti takiag ti nadangkes ken managdakdakes a tao; dusaem isuna gapu kadagiti dakes nga aramidna, nga impagarupna a saanmo a matakuatan.
| יהוה מלך עולם ועד אבדו גוים מארצו | 16 |
Ni Yahweh ti Ari iti agnanayon ken awan patinggana; mapapanaw dagiti nasion iti dagana.
| תאות ענוים שמעת יהוה תכין לבם תקשיב אזנך | 17 |
O Yahweh, nangngegmo dagiti kasapulan dagiti maidaddadanes; pappapigsaem ti pusoda, dengdenggem ti kararagda;
| לשפט יתום ודך בל-יוסיף עוד--לערץ אנוש מן-הארץ | 18 |
ikankanawam dagiti ulila ken dagiti maidaddadanes tapno awan ti tao ditoy rabaw ti daga ti mangbutbuteng manen.
