מִשְׁלֵי 8
| הלא-חכמה תקרא ותבונה תתן קולה | 1 |
Lohng! Lalmwetmet el wowoyak. Etauk el oru pusracl in lohngyuk.
| בראש-מרמים עלי-דרך בית נתיבות נצבה | 2 |
El tu fin tohktok uh sisken inkanek, Ac yen inkanek uh osun we.
| ליד-שערים לפי-קרת מבוא פתחים תרנה | 3 |
Ke nien utyak nu in siti uh Sisken mutunoa el pang ac fahk:
| אליכם אישים אקרא וקולי אל-בני אדם | 4 |
“Nga kwafe suwos nukewa; Nga pang nu sin mwet nukewa faclu.
| הבינו פתאים ערמה וכסילים הבינו לב | 5 |
Kowos su srakna elahn tulik, oru kowos in elahn mwet matu. Ya kowos lalfon? Lutlut in oasr etauk lowos.
| שמעו כי-נגידים אדבר ומפתח שפתי מישרים | 6 |
Lohng kas wolana luk. Ma nukewa nga fahk uh suwohs.
| כי-אמת יהגה חכי ותועבת שפתי רשע | 7 |
Kas nukewa luk pwayena; Kas kikiap uh mwe srungayuk sik.
| בצדק כל-אמרי-פי אין בהם נפתל ועקש | 8 |
Ma nukewa nga fahk uh pwaye, Wangin kutena ma sesuwos ku mwe kiapu mwet.
| כלם נכחים למבין וישרים למצאי דעת | 9 |
Nu sin mwet liyaten uh, ma inge nukewa kalem, Ac nu selos su oasr etauk la, fisrasr elos in kalem kac.
| קחו-מוסרי ואל-כסף ודעת מחרוץ נבחר | 10 |
Sulela kas in luti luk liki na silver; Sulela etauk liki na in eis gold nasnas.
| כי-טובה חכמה מפנינים וכל-חפצים לא ישוו-בה | 11 |
“Nga pa Lalmwetmet. Nga wo liki mwe naweyuk uh; Wangin ma kom lungse ac ku in lumweyuk nu sik.
| אני-חכמה שכנתי ערמה ודעת מזמות אמצא | 12 |
Nga Lalmwetmet ac liyaten; Oasr etauk ac nunak suwohs in nga.
| יראת יהוה שנאת-רע גאה וגאון ודרך רע ופי תהפכות שנאתי | 13 |
Elos nukewa su akfulatye LEUM GOD elos kwase ma koluk. Nga srunga inse fulat ac filang, Oayapa inkanek koluk ac kas kikiap.
| לי-עצה ותושיה אני בינה לי גבורה | 14 |
Nga orek pwapa, ac nga akfahsrye. Oasr ku ac etauk yuruk.
| בי מלכים ימלכו ורזנים יחקקו צדק | 15 |
Nga kasru tokosra uh in leumi mwet uh, Ac nga kasru mwet kol in oru ma sap suwohs.
| בי שרים ישרו ונדיבים כל-שפטי צדק | 16 |
Mwet kol nukewa faclu leumi mwet uh ke kasru luk — Fisrak ac mwet leum fin faclu oana sie.
| אני אהביה (אהבי) אהב ומשחרי ימצאנני | 17 |
Nga lungse elos nukewa su lungse nga; Kutena mwet su sukyu, ku in koneyuyak.
| עשר-וכבוד אתי הון עתק וצדקה | 18 |
Oasr mwe kasrup ac sunak, Wo ouiya ac kapkapak yuruk in kitala.
| טוב פריי מחרוץ ומפז ותבואתי מכסף נבחר | 19 |
Ma kom ac eis sik uh saok liki gold ma wo emeet, Ac wo liki pac silver ma arulana nasnas.
| בארח-צדקה אהלך בתוך נתיבות משפט | 20 |
Nga fufahsryesr ke inkanek suwoswos; Nga fahsr tukun inkanek lun nununku suwohs.
| להנחיל אהבי יש ואצרתיהם אמלא | 21 |
Nga sang mwe kasrup nu selos su lungse nga, Ac nwakla lohm selos ke ma saok.
| יהוה--קנני ראשית דרכו קדם מפעליו מאז | 22 |
“LEUM GOD El oreyula meet liki ma nukewa, Orekma se emeet lal in pacl loeloes somla.
| מעולם נסכתי מראש-- מקדמי-ארץ | 23 |
Orekla nga ke mutaweyen ma nukewa, Meet liki na orekla faclu.
| באין-תהמות חוללתי באין מעינות נכבדי-מים | 24 |
Nga isusla meet liki oasr meoa, Pacl ma soenna oasr unon in kof.
| בטרם הרים הטבעו לפני גבעות חוללתי | 25 |
Nga isusla meet liki oasr fineol uh, Meet liki tohktok uh oakiyuki,
| עד-לא עשה ארץ וחוצות וראש עפרות תבל | 26 |
Meet liki na ke God El orala faclu, ku inima we — Soenna oasr kutkut srisrik lun infohk uh.
| בהכינו שמים שם אני בחקו חוג על-פני תהום | 27 |
Nga oasr we ke El oakiya ma oan inkusrao, Ac ke El asroelik pekusra uh fin meoa,
| באמצו שחקים ממעל בעזוז עינות תהום | 28 |
Ke pacl se el filiya pukunyeng yen engyengu, Ke El ikasla unon in kof in meoa,
| בשומו לים חקו ומים לא יעברו-פיו בחוקו מוסדי ארץ | 29 |
Ac ke El sapkin tuh kof in meoa uh in tia alukela srikasrak ma El oakiya. Nga muta we ke El oakiya pwelung loangeyen faclu.
| ואהיה אצלו אמון ואהיה שעשועים יום יום משחקת לפניו בכל-עת | 30 |
Nga muta siskal oana sie mwet lemlem nu ke musa. Len nukewa nga mwe engan nu sel, Ac nga engan ye mutal pacl nukewa —
| משחקת בתבל ארצו ושעשעי את-בני אדם | 31 |
Nga engan ke faclu, Ac ke mwet su muta fin faclu.
| ועתה בנים שמעו-לי ואשרי דרכי ישמרו | 32 |
“Ke ma inge, tulik nutik, lohngyu inge. Oru oana ke nga fahk, ac kowos ac fah insewowo.
| שמעו מוסר וחכמו ואל-תפרעו | 33 |
Lohng ma lutiyuk kowos kac, Aklalmwetmetye kowos, ac tia pilesru.
| אשרי אדם שמע-לי לשקד על-דלתתי יום יום--לשמר מזוזת פתחי | 34 |
Insewowo mwet se su muta ke mutunoa sik len nukewa, Ac soano in lohngyu ke nien utyak nu inkul sik.
| כי מצאי מצאי (מצא) חיים ויפק רצון מיהוה | 35 |
Mwet se su koneyuyak el konauk moul, Ac LEUM GOD El ac fah insewowo sel.
| וחטאי חמס נפשו כל-משנאי אהבו מות | 36 |
Mwet se su tia koneyuyak el sifacna kunausulla; Kutena mwet su srungayu, lungse misa.”
