מִשְׁלֵי 4
| שמעו בנים מוסר אב והקשיבו לדעת בינה | 1 |
ʻAe fānau, mou fanongo ki he akonaki ʻae tamai, pea tokanga ke ʻilo ʻae poto.
| כי לקח טוב נתתי לכם תורתי אל-תעזבו | 2 |
He ʻoku ou foaki ʻae akonaki lelei kiate kimoutolu, pea ʻoua naʻa mou liʻaki ʻa ʻeku fono.
| כי-בן הייתי לאבי רך ויחיד לפני אמי | 3 |
He ko e foha au ʻo ʻeku tamai, ko e pele mo e ʻofeina taha pe au ʻi he ʻao ʻo ʻeku faʻē.
| וירני--ויאמר לי יתמך-דברי לבך שמר מצותי וחיה | 4 |
Naʻa ne akonakiʻi foki au, ʻo ne pehē mai, “Tuku ke maʻu ʻi ho loto ʻa ʻeku ngaahi lea: tauhi ʻa ʻeku ngaahi fekau, ka ke moʻui.”
| קנה חכמה קנה בינה אל-תשכח ואל-תט מאמרי-פי | 5 |
Ke ke maʻu ʻae poto, pea maʻu mo e ʻilo: ʻoua naʻa ngalo ia; pea ʻoua naʻa ke fakaholomui mei he ngaahi lea ʻa hoku ngutu.
| אל-תעזבה ותשמרך אהבה ותצרך | 6 |
ʻOua naʻa liʻaki ia, pea te ne fakamoʻui koe: ke ke ʻofa kiate ia, pea te ne tauhi kiate koe.
| ראשית חכמה קנה חכמה ובכל-קנינך קנה בינה | 7 |
Ko e poto ko e meʻa ʻoku fungani hake ia; ko ia ke ke maʻu ʻae poto: pea ʻi he meʻa kotoa pē ʻoku ke maʻu, ke ke maʻu mo e ʻilo.
| סלסלה ותרוממך תכבדך כי תחבקנה | 8 |
Fakahikihikiʻi ia, pea te ne hakeakiʻi koe: pea ʻi hoʻo fāʻufua kiate ia, te ne fakaongoongolelei koe.
| תתן לראשך לוית-חן עטרת תפארת תמגנך | 9 |
ʻE ai ʻe ʻia ʻae teunga matamatalelei ki ho ʻulu: ko e tatā ʻoe nāunau te ne foaki kiate koe.”
| שמע בני וקח אמרי וירבו לך שנות חיים | 10 |
ʻE hoku foha, fanongo, pea ke maʻu ʻa ʻeku ngaahi tala, pea ʻe hoko ai ʻo lahi ʻae ngaahi taʻu ʻo hoʻo moʻui.
| בדרך חכמה הריתיך הדרכתיך במעגלי-ישר | 11 |
Kuo u akonakiʻi koe ʻi he hala ʻoe poto; pea kuo u tataki koe ʻi he ngaahi ʻaluʻanga totonu.
| בלכתך לא-יצר צעדך ואם-תרוץ לא תכשל | 12 |
ʻOka ke ka ʻeveʻeva ʻe ʻikai ʻefihia ho vaʻe; pea ʻoka ke ka lele ʻe ʻikai te ke hinga.
| החזק במוסר אל-תרף נצרה כי-היא חייך | 13 |
Puke ke maʻu ʻae akonaki; ʻoua naʻa tukuange ia: kuku maʻu ia; he ko hoʻo moʻui ia.
| בארח רשעים אל-תבא ואל-תאשר בדרך רעים | 14 |
ʻOua naʻa ke ʻalu atu ki he hala ʻoe angahala, pea ʻoua naʻa ʻeveʻeva ʻi he ʻaluʻanga ʻoe kakai angakovi.
| פרעהו אל-תעבר-בו שטה מעליו ועבר | 15 |
Fakaʻehiʻehi mei ai, ʻoua naʻa ke ofi ki ai, tafoki mei ai, pea ʻalu atu pe.
| כי לא ישנו אם-לא ירעו ונגזלה שנתם אם-לא יכשולו (יכשילו) | 16 |
He ʻoku ʻikai te nau mohe, ka ʻi heʻenau lavaʻi ʻae kovi; pea ʻi he ʻikai te nau fakahinga ha niʻihi ʻoku ʻikai ai te nau faʻa mohe.
| כי לחמו לחם רשע ויין חמסים ישתו | 17 |
He ʻoku nau kai ʻae mā ʻoe fai kovi, ʻonau inu ʻi he uaine ʻoe fakamālohi.
| וארח צדיקים כאור נגה הולך ואור עד-נכון היום | 18 |
Ka ko e hala ʻoe angatonu ʻoku tatau ia mo e ulo ʻoe maama, ʻaia ʻoku ʻāsili pe ʻene ulo ʻo aʻu ki he haohaoa ʻoe ʻaho.
| דרך רשעים כאפלה לא ידעו במה יכשלו | 19 |
ʻOku tatau mo e poʻuli ʻae hala ʻoe angahala: ʻoku ʻikai te nau ʻilo ʻaia ʻoku nau tūkia ai.
| בני לדברי הקשיבה לאמרי הט-אזנך | 20 |
ʻE hoku foha, tokanga ki heʻeku ngaahi lea; fakatokangaʻi ho telinga ki heʻeku ngaahi tala.
| אל-יליזו מעיניך שמרם בתוך לבבך | 21 |
Ke ʻoua naʻa mole atu ia mei ho mata; ke maʻu ia ʻi he kakano ʻo ho loto.
| כי-חיים הם למצאיהם ולכל-בשרו מרפא | 22 |
He ko e moʻui ia kiate kinautolu ʻoku maʻu ia, pea ko e faitoʻo ki honau kakano.
| מכל-משמר נצר לבך כי-ממנו תוצאות חיים | 23 |
Ke ke tauhi fakamātoato ki ho loto; he ʻoku tupu mei ai ʻae ikuʻanga ʻoe moʻui.
| הסר ממך עקשות פה ולזות שפתים הרחק ממך | 24 |
Ke liʻaki ke mamaʻo ʻiate koe ʻae ngutu ʻoku kovi, mo e loungutu paongataʻa.
| עיניך לנכח יביטו ועפעפיך יישרו נגדך | 25 |
Ke sio totonu atu pe ho mata, pea ke hangatonu ki muʻa ho laumata ʻiate koe.
| פלס מעגל רגלך וכל-דרכיך יכנו | 26 |
Fakakaukau ki he ʻalunga ʻo ho vaʻe, pea ʻe fakatonutonu ai ho ngaahi hala kotoa pē.
| אל-תט-ימין ושמאול הסר רגלך מרע | 27 |
ʻOua naʻa afe ki he nima toʻomataʻu pe ki he toʻohema: ka ke fakatafoki ho vaʻe mei he kovi.
