מִשְׁלֵי 31

1 דברי למואל מלך-- משא אשר-יסרתו אמו

Ndị a bụ okwu si nʼọnụ Lemuel, eze Masa. Ha bụ okwu ndị ahụ nne eze Lemuel kuziri ya.

2 מה-ברי ומה-בר-בטני ומה בר-נדרי

Gee ntị, nwa m, gee ntị, nwa nke afọ m. Gee ntị, nwa m, nwa nke ọziza ekpere m niile.

3 אל-תתן לנשים חילך ודרכיך למחות מלכין

Enyela ụmụ nwanyị ike gị, enyekwela ịdị ike gị nʼaka ndị nʼala ndị eze nʼiyi.

4 אל למלכים למואל--אל למלכים שתו-יין ולרוזנים או (אי) שכר

Lemuel nwa m, ọ bụghị ihe kwesiri ekwesi na ndị eze ga-aṅụ mmanya. O kwesikwaghị ka agụụ ịṅụ mmanya bụrụ ihe ga na-agụ ndị eze.

5 פן-ישתה וישכח מחקק וישנה דין כל-בני-עני

Ka ha ghara ịṅụbiga mmanya oke si otu a chefuo ikpe ikpe ziri ezi dịka iwu kwuru. Ka ha gharakwa isite nʼịṅụbiga mmanya oke napụ ndị a na-emegbu emegbu ikpe ziri ezi ha kwesiri inweta.

6 תנו-שכר לאובד ויין למרי נפש

Ndị e kwesiri inye mmanya bụ ndị ahụ na-ala nʼiyi, ndị ahụ nọ nʼọnọdụ oke ihe mgbu nke obi.

7 ישתה וישכח רישו ועמלו לא יזכר-עוד

Ka ha ṅụọ chefuo ọnọdụ ọjọọ ha, ka ha gharakwa icheta ọnọdụ nhụju anya ha.

8 פתח-פיך לאלם אל-דין כל-בני חלוף

Jisie ike kwuchite ọnụ ndị ahụ na-enweghị ike ikwuru ọnụ onwe ha; kwuchitekwa ọnụ ndị niile ọnọdụ ha dị ala.

9 פתח-פיך שפט-צדק ודין עני ואביון

Kwusie okwu ike, kpeekwa ikpe ziri ezi. Gbooro ndị ogbenye na ndị mkpa na-akpa ọgụ site nʼaka ndị na-emegbu ha.

10 אשת-חיל מי ימצא ורחק מפנינים מכרה

Nwanyị nwere ugwu onye ga-achọtali ya? Ọ dị oke ọnụ karịa nkume rubi.

11 בטח בה לב בעלה ושלל לא יחסר

Di nwanyị dị otu a na-atụkwasị obi ya niile nʼime ya, ọ dịghị ihe dị mkpa nke na-akọ ya.

12 גמלתהו טוב ולא-רע-- כל ימי חייה

Ihe nwanyị dị otu a na-ewetara di ya bụ naanị ihe ọma. Ihe ọjọọ ọbụla adịghị esi nʼaka ya abịakwasị di ya ụbọchị niile nke ndụ ya.

13 דרשה צמר ופשתים ותעש בחפץ כפיה

Ọ na-ahọrọ ajị anụ na flakisi jiri ya na-arụ ọrụ na-atọ aka ya ụtọ.

14 היתה כאניות סוחר ממרחק תביא לחמה

Ọ na-esite nʼebe dị anya na-ebubata ihe oriri nʼụlọ ya dịka a ga-asị na ọ bụ ụgbọ mmiri.

15 ותקם בעוד לילה--ותתן טרף לביתה וחק לנערתיה

Tupu chi abọzie, nwanyị a esitelarị nʼihe ndina bilie kwadooro ezinaụlọ ya ihe oriri, ma debekwara odibo ndị inyom na-ejere ya ozi oke ihe oriri nke ha.

16 זממה שדה ותקחהו מפרי כפיה נטע (נטעה) כרם

Ọ na-apụ nyochapụta ịdị mma ala ubi, ma zụpụta ya. Ọ bụ ego ọ rụpụtara nʼonwe ya ka o ji arụ ọrụ ubi vaịnị.

17 חגרה בעוז מתניה ותאמץ זרועתיה

Ike ịrụ ọrụ adịghị agwụ ya. Ọ dị nnọọ ike, bụrụkwa onye na-arụpụta ihe dị iche iche.

18 טעמה כי-טוב סחרה לא-יכבה בליל (בלילה) נרה

Ọ na-elezi anya hụ na ihe ahịa o mepụtara dị ezi oke ọnụahịa; ọ bụ nke a mere o ji na-arụ ọrụ ruo nʼime ime abalị.

19 ידיה שלחה בכישור וכפיה תמכו פלך

Nʼọbụaka ya ka o jidere osisi ịtụ ogho akwa; mkpịsịaka ya na-ejidesikwa ozele e ji na-ekwe akwa ike.

20 כפה פרשה לעני וידיה שלחה לאביון

Ọ na-agbasapụ aka inyere ndị ogbenye na ndị mkpa na-akpa aka.

21 לא-תירא לביתה משלג כי כל-ביתה לבש שנים

Udu mmiri maọbụ oge oke oyi adịghị eche ya uche nʼihi na ndị niile nọ nʼezinaụlọ ya nwere uwe ha ga-eji chụọ oyi.

22 מרבדים עשתה-לה שש וארגמן לבושה

Ọ na-akpa akwa a na-agbasa nʼelu ihe ndina, ma ya onwe ya na-eyikwa uwe e ji ezi akwa ọcha na akwa odo odo dụọ.

23 נודע בשערים בעלה בשבתו עם-זקני-ארץ

Di ya bụ onye a na-asọpụrụ nʼọnụ ụzọ ama obodo ebe ọ na-ewere ọnọdụ nʼetiti ndị okenye nke ala ahụ.

24 סדין עשתה ותמכר וחגור נתנה לכנעני

Ọ na-akpa ma na-adụkwa akwa dị iche iche, ya na ihe ike nʼukwu, ndị ọ na-eresi ndị ahịa ndị ọzọ.

25 עז-והדר לבושה ותשחק ליום אחרון

Ọ bụ nwanyị dị ike, onye a na-asọpụrụ asọpụrụ. Ụjọ adịghị atụkwa ya maka ihe ga-eme nʼoge dị nʼihu.

26 פיה פתחה בחכמה ותורת חסד על-לשונה

Ọ na-eji amamihe na-ekwu okwu ntụziaka kwesiri dịkwa nʼire ya.

27 צופיה הילכות (הליכות) ביתה ולחם עצלות לא תאכל

Ọ na-etinye uche nʼihe niile banyere ezinaụlọ ya, ọ naghị arụ ọrụ umengwụ.

28 קמו בניה ויאשרוה בעלה ויהללה

Ụmụ ya na-ebili gọzie ya; otu a kwa di ya ga-eto ya ezi otuto.

29 רבות בנות עשו חיל ואת עלית על-כלנה

Ọ ga-asị; “E nwere ọtụtụ ndị inyom ndị bụ ezi nwunye nye di ha, ma gị onwe gị kachasị ha niile mma.”

30 שקר החן והבל היפי אשה יראת-יהוה היא תתהלל

Ịma mma nke elu ahụ adịghị egosi ihe mmadụ bụ, nʼihi na ịma mma adịghị adịgide ogologo oge. Ma nwanyị ọbụla nke na-atụ egwu Onyenwe anyị bụ onye e kwesiri ito.

31 תנו-לה מפרי ידיה ויהללוה בשערים מעשיה

E kwesiri ito ya nʼihi ọrụ ọma niile nke aka ya rụpụtara. Ka ọrụ ya niile wetara ya otuto nʼọnụ ụzọ ama nke obodo.