מִשְׁלֵי 28
| נסו ואין-רדף רשע וצדיקים ככפיר יבטח | 1 |
Agtaray dagiti managdakdakes uray no awan ti mangkamkamat kadakuada, ngem dagiti agar-aramid iti umno ket natured a kas iti urbon a leon.
| בפשע ארץ רבים שריה ובאדם מבין ידע כן יאריך | 2 |
Gapu iti basol ti daga, addaan daytoy kadagiti mangiturturay, ngem babaen iti tao nga addaan iti pannakaawat ken pannakaammo, agpautto daytoy iti atiddug a tiempo.
| גבר-רש ועשק דלים-- מטר סחף ואין לחם | 3 |
Ti maysa a napanglaw a tao a mangidaddadanes kadagiti padana a napanglaw ket kas iti bumayakabak a tudo nga awan ibatina a taraon.
| עזבי תורה יהללו רשע ושמרי תורה יתגרו בם | 4 |
Dagiti mangtallikod iti linteg ket dayawenda dagiti nadangkes a tattao, ngem guraen ida dagiti agtultulnog iti linteg.
| אנשי-רע לא-יבינו משפט ומבקשי יהוה יבינו כל | 5 |
Saan a maawatan dagiti dakes a tattao ti hustisia, ngem maawatan dagiti mangsapsapul kenni Yahweh dagiti amin a banag.
| טוב-רש הולך בתמו-- מעקש דרכים והוא עשיר | 6 |
Nasaysayaat ti napanglaw a tao nga agbibiag iti kinatarnawna, ngem iti nabaknang a tao a dakes dagiti aramidna.
| נוצר תורה בן מבין ורעה זוללים יכלים אביו | 7 |
Ti agtungtungpal iti linteg ket maysa nga anak nga addaan iti pannakaawat, ngem ti tao a kadua dagiti narawet ket ibabainna ti amana.
| מרבה הונו בנשך ובתרבית (ותרבית)-- לחונן דלים יקבצנו | 8 |
Ti agur-urnong iti kinabaknangna babaen iti nangato a panangporsiyentona iti ipapautangna ket ur-urnongenna ti kinabaknangna a maipaayto iti tao a naasi kadagiti napanglaw a tattao.
| מסיר אזנו משמע תורה-- גם תפלתו תועבה | 9 |
No adda saan a dumdumngeg iti linteg, uray pay ti kararagna ket makarimon.
| משגה ישרים בדרך רע--בשחותו הוא-יפול ותמימים ינחלו-טוב | 10 |
Ti siasinoman a mangiturong iti nalinteg iti dakes a wagas ket matnag iti bukodna nga abut, ngem maaddaan iti nasayaat a tawid ti awan basolna.
| חכם בעיניו איש עשיר ודל מבין יחקרנו | 11 |
Ti baknang a tao ket mabalin a masirib iti bukodna a panagkita, ngem matakuatanto isuna ti napanglaw a tao nga addaan iti pannakaawat.
| בעלץ צדיקים רבה תפארת ובקום רשעים יחפש אדם | 12 |
Inton adda balligi para kadagidiay agar-aramid iti umno, addanto naindaklan a dayag, ngem inton bumangon dagiti nadangkes, aglemmeng dagiti tattao.
| מכסה פשעיו לא יצליח ומודה ועזב ירחם | 13 |
Ti mangilemlemmeng kadagiti basolna ket saan a rumang-ay, ngem ti agbabawi ken tumallikod kadagitoy ket makaassianto.
| אשרי אדם מפחד תמיד ומקשה לבו יפול ברעה | 14 |
Naragsak ti maysa a tao a kanayon nga agbibiag nga addaan iti panagraem, ngem ti siasinoman a mangpatangken iti pusona ket mariribukanto.
| ארי-נהם ודב שוקק-- מושל רשע על עם-דל | 15 |
Kas iti agngerngernger a leon wenno agdakdakiwas nga oso ti kaiyarigan ti nadangkes a mangiturturay kadagiti napanglaw a tattao.
| נגיד--חסר תבונות ורב מעשקות שנאי (שנא) בצע יאריך ימים | 16 |
Maysa a naranggas a mangidadanes ti kaiyarigan ti mangiturturay nga awanan iti pannakaawat, ngem ti manggurgura iti kinaulbod ket pumautto dagiti aldawna.
| אדם עשק בדם-נפש-- עד-בור ינוס אל-יתמכו-בו | 17 |
No nagbiddut ti maysa a tao gapu ta adda pinagsayasayna ti darana, aglemmengto isuna agingga a matay, ket awanto ti tumulong kenkuana.
| הולך תמים יושע ונעקש דרכים יפול באחת | 18 |
Natalgedto ti siasinoman nga agbiag nga addaan iti kinatarnaw, ngem dagus a matnag ti agbibiag iti nakillo a wagas.
| עבד אדמתו ישבע-לחם ומרדף ריקים ישבע-ריש | 19 |
Ti tao a mangtrabtrabaho iti dagana ket maaddaanto iti adu a taraon, ngem maaddaanto iti adu a rigat ti siasinoman a mangsurot iti awan serserbina nga aramid.
| איש אמונות רב-ברכות ואץ להעשיר לא ינקה | 20 |
Ti napudno a tao ket maaddaanto iti adu a bendision, ngem madusanto ti tao a bumaknang iti apagbiit.
| הכר-פנים לא-טוב ועל-פת-לחם יפשע-גבר | 21 |
Saan a nasayaat a mangipakita iti panangidumduma, ngem agbasol ti tao para iti sangapidaso a tinapay.
| נבהל להון--איש רע עין ולא-ידע כי-חסר יבאנו | 22 |
Kamkamaten ti naimot a tao ti kinabaknang, ngem saanna ammo nga umayto kenkuana ti kinarigat.
| מוכיח אדם אחרי חן ימצא-- ממחליק לשון | 23 |
Ti siasinoman a mangtubngar iti maysa a tao ket makasarakto iti ad-adu a pabor manipud kenkuana ngem ti maysa a tao a mangpatpatiray-ok kenkuana babaen iti dilana.
| גוזל אביו ואמו--ואמר אין-פשע חבר הוא לאיש משחית | 24 |
Siasinoman a mangtakaw iti sanikua ti ama wenno inana nga ibagana a, “Saan a basol dayta,” kadua isuna ti manangdadael.
| רחב-נפש יגרה מדון ובטח על-יהוה ידשן | 25 |
Mangparnuay iti apa ti naagum a tao, ngem rumang-ay ti agtaltalek kenni Yahweh.
| בוטח בלבו הוא כסיל והולך בחכמה הוא ימלט | 26 |
Maag ti agtaltalek iti bukodna a bagi, ngem ti siasinoman nga agbibiag iti kinasirib ket maiyadayo manipud iti peggad.
| נותן לרש אין מחסור ומעלים עיניו רב-מארות | 27 |
Awan pagkurangan ti mangtultulong kadagiti napanglaw, ngem siasinoman a saan a mangikaskaso kadakuada ket aglak-amto iti adu a lunod.
| בקום רשעים יסתר אדם ובאבדם ירבו צדיקים | 28 |
No bumileg dagiti nadangkes, aglemmeng dagiti tattao, ngem no mapukaw dagiti nadangkes, umadu dagiti agar-aramid iti umno.
