מִשְׁלֵי 21

1 פלגי-מים לב-מלך ביד-יהוה על-כל-אשר יחפץ יטנו

Hoe kadahan-drano am-pità’ Iehovà ty arofo’ i mpanjakay; tehafe’e an-tsatri’e.

2 כל-דרך-איש ישר בעיניו ותכן לבות יהוה

Mahity am-pihaino’ ondaty o sata’eo; fe Mpandanja arofo t’Iehovà.

3 עשה צדקה ומשפט-- נבחר ליהוה מזבח

No’ Iehovà ambone’ ty soroñe ty havañonañe naho ty hatò.

4 רום-עינים ורחב-לב-- נר רשעים חטאת

Fihaino mievoñevoñe naho arofo miebotse: ro failo’ o lo-tserekeo—hakeo izay.

5 מחשבות חרוץ אך-למותר וכל-אץ אך-למחסור

Minday havokarañe ty fisafiri’ o mavitrikeo; fe mitarike mb’am-pilàñe ty fanaentàeñañe.

6 פעל אצרות בלשון שקר-- הבל נדף מבקשי-מות

Ty ahazoam-bara am-pamelem-pandañitse le evoñe mihelañe mb’am-pikoromahañe.

7 שד-רשעים יגורם כי מאנו לעשות משפט

Ho kozozoteñe añe o lo-tserekeo ty amo fijoia’eo, fa ifoneña’ iareo ty tsy hanao ty hiti’e.

8 הפכפך דרך איש וזר וזך ישר פעלו

Mikelokeloke ty lala’ ondaty mengoke; fe mahity ty fitoloña’ ty malio añ’arofo.

9 טוב לשבת על-פנת-גג-- מאשת מדינים ובית חבר

Hàmake te mitoboke an-kotson-tapenak’ ao, ta te miharo akiba aman-drakemba tea-trabike.

10 נפש רשע אותה-רע לא-יחן בעיניו רעהו

Mipay haratiañe ty tro’ i tsivokatsey, fa tsy mahaonin-tretrè am-pihaino’e ty rañe’e.

11 בענש-לץ יחכם-פתי ובהשכיל לחכם יקח-דעת

Ie lafañe ty mpañìnje, mihamahihitse t’ie trentrañe, ie anareñe ty mahihitse, mitombo ty hilala’e.

12 משכיל צדיק לבית רשע מסלף רשעים לרע

Misamba ty akiba’ i lo-tserekey ty vantañe; avari’e mb’am-piantoañe i tsivokatsey.

13 אטם אזנו מזעקת-דל-- גם-הוא יקרא ולא יענה

I manjenjen-dravembia ami’ty fitoreo’ o rarakeo, ty mbe hikaike fe tsy ho toiñeñe.

14 מתן בסתר יכפה-אף ושחד בחק חמה עזה

Fañanintsin-kaviñerañe ty ravoravo añ’etake, naho filoa-tiñake ty vokàñe añ’araña ao.

15 שמחה לצדיק עשות משפט ומחתה לפעלי און

Ie anoeñe ty hatò, ehake o vañoñeo, fe mangebahebake o mpikitroke haratiañeo.

16 אדם--תועה מדרך השכל בקהל רפאים ינוח

Hitofa am-pivorian-dolo ao t’indaty mandrike amy lalan-kilalay.

17 איש מחסור אהב שמחה אהב יין-ושמן לא יעשיר

H’ondaty poi’e ty mpitea haravoañe; tsy ho mpañaleale ty mpikoko divay naho menake.

18 כפר לצדיק רשע ותחת ישרים בוגד

Vilin’ai’ ty vantañe ty tsivokatse, le tsoa’ ty vañoñe ty mpamañahy.

19 טוב שבת בארץ-מדבר-- מאשת מדונים (מדינים) וכעס

Hàmake t’ie mimoneñe an-dratraratra añe, ta t’ie miharo aman-drakemba mandietse naho mora boseke.

20 אוצר נחמד ושמן--בנוה חכם וכסיל אדם יבלענו

Mihaja añ’anjomba’ o mahihitseo ty vara sarotse naho ty menake; fe abotse’ ty dagola o azeo.

21 רדף צדקה וחסד-- ימצא חיים צדקה וכבוד

Manjo haveloñe naho havañonañe vaho hasiñe ty mitoha havantañañe naho fiferenaiñañe.

22 עיר גברים עלה חכם וירד עז מבטחה

Mitroatse an-drovam-panalolahy ty mahihitse, vaho arotsa’e ty hafatrarañe niatoa’e.

23 שמר פיו ולשונו-- שמר מצרות נפשו

Mitan-ty fiai’e tsy ho am-poheke ty mahambeñe falie naho fameleke.

24 זד יהיר לץ שמו-- עושה בעברת זדון

Manivetive ty añara’e avao ty mpirohake naho mpievoñevoñe; ie mitoloñe am-pitrotroaboha’e.

25 תאות עצל תמיתנו כי-מאנו ידיו לעשות

Mañe-doza amy tembo ty fañiria’e, amy te tsy mete mitoloñe o taña’eo.

26 כל-היום התאוה תאוה וצדיק יתן ולא יחשך

Hadrao lomoñandro ty lahiaga, fe matarike ty vantañe, tsy mangazoñe.

27 זבח רשעים תועבה אף כי-בזמה יביאנו

Tiva ty fisoroña’ o tsivokatseo; àntsake te engae’e miharo kinia.

28 עד-כזבים יאבד ואיש שומע לנצח ידבר

Hikenkañe ty mpitalily vìlañe, fe mitolom-pitaroñe ty mañaoñe.

29 העז איש רשע בפניו וישר הוא יכין דרכיו (יבין דרכו)

Manao tarehe mahavany ty rati-tsereke, fe itsakorea’ ty vantañe ty hombà’e.

30 אין חכמה ואין תבונה-- ואין עצה לנגד יהוה

Tsy eo ty hihitse, ndra ty faharendrehañe, ndra ty safiry mahafiatreatre am’Iehovà.

31 סוס--מוכן ליום מלחמה וליהוה התשועה

Hentseñeñe ho ami’ty androm-pihotakotahañe ty soavala, fe a Iehovà ty fandrebahañe.