מִשְׁלֵי 18
| לתאוה יבקש נפרד בכל-תושיה יתגלע | 1 |
Umuntu ongelamusa uzifunela okwakhe; uyazilahla zonke iziqondiso ezinhle.
| לא-יחפץ כסיל בתבונה כי אם-בהתגלות לבו | 2 |
Isiwula kasikuthakazeleli ukuzwisisa kodwa sithokoza ngokutsho eyaso imibono.
| בבוא-רשע בא גם-בוז ועם-קלון חרפה | 3 |
Nxa kufika ububi kufika lokweyisa, njalo ihlazo liza lokudumazeka.
| מים עמקים דברי פי-איש נחל נבע מקור חכמה | 4 |
Amazwi omlomo womuntu ayinziki yamanzi, kodwa umthombo wokuhlakanipha ngumfudlana ontuntuzayo.
| שאת פני-רשע לא-טוב-- להטות צדיק במשפט | 5 |
Kakukuhle ukulungisela ababi loba ukungehluleli kuhle abangelacala.
| שפתי כסיל יבאו בריב ופיו למהלמות יקרא | 6 |
Izindebe zesiwula zisilethela ingxabano, lomlomo waso unxusa ukutshaywa.
| פי-כסיל מחתה-לו ושפתיו מוקש נפשו | 7 |
Umlomo wesiwula yiwo osidilizayo, lezindebe zaso zingumjibila womphefumulo waso.
| דברי נרגן כמתלהמים והם ירדו חדרי-בטן | 8 |
Amazwi omuntu onyeyayo anjengezibiliboco; angena ekujuleni kwenhliziyo yomuntu.
| גם מתרפה במלאכתו-- אח הוא לבעל משחית | 9 |
Lowo ovilaphayo emsebenzini wakhe ungumfowabo walowo odilizayo.
| מגדל-עז שם יהוה בו-ירוץ צדיק ונשגב | 10 |
Ibizo likaThixo liyinqaba eqinileyo; abalungileyo babalekela kulo baphephe.
| הון עשיר קרית עזו וכחומה נשגבה במשכתו | 11 |
Inotho yezikhulu ingumuzi wazo ovikelweyo; zicabanga ukuthi imiduli yawo ayikhweleki.
| לפני-שבר יגבה לב-איש ולפני כבוד ענוה | 12 |
Umuntu uyazikhukhumeza ngenhliziyo yakhe, mandulo kokuba awe, ikanti ukuzithoba kwandulela udumo.
| משיב דבר בטרם ישמע-- אולת היא-לו וכלמה | 13 |
Lowo ophendulayo engaqali alalele lobo yibuwula bakhe lehlazo lakhe.
| רוח-איש יכלכל מחלהו ורוח נכאה מי ישאנה | 14 |
Umphefumulo womuntu uyamqinisa nxa egula, kodwa ngubani ongaphila elomoya owephukileyo na?
| לב נבון יקנה-דעת ואזן חכמים תבקש-דעת | 15 |
Inhliziyo yabaqedisisayo izuza ulwazi; indlebe zabahlakaniphileyo ziyakudinga.
| מתן אדם ירחיב לו ולפני גדלים ינחנו | 16 |
Isipho siyamvulela indlela ophayo azuze ithuba lokubonana labakhulu.
| צדיק הראשון בריבו יבא- (ובא-) רעהו וחקרו | 17 |
Ecaleni okhuluma kuqala ubonakala enguye olungileyo, kuze kuqhamuke omunye ambuzisise.
| מדינים ישבית הגורל ובין עצומים יפריד | 18 |
Ukwenza inkatho kuyakuqeda ukulwisana, kubehlukanise abaxabanayo.
| אח--נפשע מקרית-עז ומדונים (ומדינים) כבריח ארמון | 19 |
Umzalwane owonelweyo uba lukhuni kulomuzi ohonqolozelweyo, lezingxabano zinjengamasango enqaba avaliweyo.
| מפרי פי-איש תשבע בטנו תבואת שפתיו ישבע | 20 |
Isisu somuntu sigcwaliswa yizithelo zomlomo wakhe; usuthiswa yisivuno sezindebe zakhe.
| מות וחיים ביד-לשון ואהביה יאכל פריה | 21 |
Ulimi lulamandla okuphila lokufa, njalo labo abaluthandayo bazakudla izithelo zalo.
| מצא אשה מצא טוב ויפק רצון מיהוה | 22 |
Lowo ozuza umfazi ufumana okuhle, athole umusa kuThixo.
| תחנונים ידבר-רש ועשיר יענה עזות | 23 |
Umyanga uyancenga ukuthi axolelwe, kodwa isinothi siphendula ngolaka.
| איש רעים להתרעע ויש אהב דבק מאח | 24 |
Umuntu olabangane abanengi ucina kubi, kodwa kuba khona umngane othembeka okudlula umfowenu.
