מִשְׁלֵי 18

1 לתאוה יבקש נפרד בכל-תושיה יתגלע

Sila ki izole pwòp tèt li, chache pwòp enterè l; bon jijman an pa anyèn devan l.

2 לא-יחפץ כסיל בתבונה כי אם-בהתגלות לבו

Yon moun ensanse pa pran plezi nan bon konprann; men sèlman nan devwale pwòp panse li.

3 בבוא-רשע בא גם-בוז ועם-קלון חרפה

Lè yon nonm mechan vin parèt, mepriz la vini ansanm avè l; e avèk dezonè, wont vin parèt.

4 מים עמקים דברי פי-איש נחל נבע מקור חכמה

Pawòl yo ki sòti nan bouch a yon nonm se yon dlo byen fon; dlo sajès se yon dlo fre k ap koule tout tan.

5 שאת פני-רשע לא-טוב-- להטות צדיק במשפט

Panche vè youn moun mechan an pa bon, ni pou fè jijman ki rache jistis nan men moun dwat yo.

6 שפתי כסיל יבאו בריב ופיו למהלמות יקרא

Lèv a yon moun ensanse mennen konfli; bouch li ap mande kou.

7 פי-כסיל מחתה-לו ושפתיו מוקש נפשו

Bouch a moun san konprann nan se dega li; e lèv li se pèlen pou nanm li.

8 דברי נרגן כמתלהמים והם ירדו חדרי-בטן

Pawòl a sila ki chichote pawòl nan zòrèy moun nan se tankou bonbon ki gen gou dous; se jis nan fon kò a yo desann.

9 גם מתרפה במלאכתו-- אח הוא לבעל משחית

Anplis, sila ki parese nan travay li a se frè a sila ki detwi.

10 מגדל-עז שם יהוה בו-ירוץ צדיק ונשגב

Non SENYÈ a se yon sitadèl byen fò; moun ladwati a kouri ladann pou jwenn sekou.

11 הון עשיר קרית עזו וכחומה נשגבה במשכתו

Pou yon nonm rich, byen li se yon vil ki fò; kon yon miray byen wo nan panse li.

12 לפני-שבר יגבה לב-איש ולפני כבוד ענוה

Avan destriksyon, kè yon nonm plen ògèy; men imilite ale devan onè.

13 משיב דבר בטרם ישמע-- אולת היא-לו וכלמה

Sila ki bay repons avan li koute a; plen foli ak wont.

14 רוח-איש יכלכל מחלהו ורוח נכאה מי ישאנה

Lespri a yon nonm kapab sipòte maladi; men nan ka lespri brize a, se kilès ki kab sipòte li?

15 לב נבון יקנה-דעת ואזן חכמים תבקש-דעת

Panse a sila ki gen bon konprann nan, ranmase konesans; anplis, zòrèy a saj la chache konesans.

16 מתן אדם ירחיב לו ולפני גדלים ינחנו

Don a yon nonm fè kont espas pou li, e mennen li devan moun enpòtan.

17 צדיק הראשון בריבו יבא- (ובא-) רעהו וחקרו

Premye moun pou plede ka li a, sanble gen rezon; jiskaske yon lòt moun vin egzamine l.

18 מדינים ישבית הגורל ובין עצומים יפריד

Tiraj osò fè konfli sispann; lap pran desizyon antre moun pwisan yo.

19 אח--נפשע מקרית-עז ומדונים (ומדינים) כבריח ארמון

Yon frè ki blese se pi rèd pou konvenk pase yon vil fòtifye; konfli ak li se tankou ba fè nan yon sitadèl.

20 מפרי פי-איש תשבע בטנו תבואת שפתיו ישבע

Se fwi a bouch moun ki satisfè vant li; l ap satisfè ak sa ke lèv li pwodwi.

21 מות וחיים ביד-לשון ואהביה יאכל פריה

Lanmò ak lavi nan pouvwa a lang lan; e sila ki renmen l yo, va manje fwi li.

22 מצא אשה מצא טוב ויפק רצון מיהוה

Sila ki jwenn yon madanm, jwenn yon bon bagay, e twouve favè SENYÈ a.

23 תחנונים ידבר-רש ועשיר יענה עזות

Malere a pale: “Souple, fè m gras”; men moun rich la reponn byen di.

24 איש רעים להתרעע ויש אהב דבק מאח

Yon nonm ak anpil zanmi vin kraze nèt; men gen yon kalite zanmi ki rete pi pwòch pase yon frè.