מִשְׁלֵי 15
| מענה-רך ישיב חמה ודבר-עצב יעלה-אף | 1 |
O nem heova mi akidonbut teng alunghang jong alungdam theijin, ahinlah O ngailou tah'a thu kisei vang hin mi aphin lunghang jin ahi.
| לשון חכמים תיטיב דעת ופי כסילים יביע אולת | 2 |
Miching ho leigui hin hetna le thepna thu jeng aphongdoh in, mingol ho kamsung invang ngolna thu jeng aphongdoh jin ahi.
| בכל-מקום עיני יהוה צפות רעים וטובים | 3 |
Yahweh Pakai in muntin hi amit tenin avelhih jing in, thilse le thilpha kibol jouse jong ahesoh keijin ahi.
| מרפא לשון עץ חיים וסלף בה שבר ברוח | 4 |
O nem heova thu kiseihi hinna thingphung tobang ahin, thu gilou seina leigui hinvang, mihem lungthim asusen ahi.
| אויל--ינאץ מוסר אביו ושמר תוכחת יערים | 5 |
Apan ahilna jahda mihem chu a ngol ahin, asuhkhel na chunga apan ahilna sang nga chu miching ahi.
| בית צדיק חסן רב ובתבואת רשע נעכרת | 6 |
Mikitahte insunga nei le gou tampi aum jin, miphalou din akilamdoh jeng jong chu gimna bep ahi.
| שפתי חכמים יזרו דעת ולב כסילים לא-כן | 7 |
Miching kamcheng akon'in thupha jeng apot in, mingol lungsunga kon in vang hiche hi thil-hahsa ahi
| זבח רשעים תועבת יהוה ותפלת ישרים רצונו | 8 |
Miphaloute kilhaina gantha hi Yahweh Pakai dinga thet umtah ahin, mikitah ho taona vang Yahweh Pakai ding in lunglhai umtah ahi.
| תועבת יהוה דרך רשע ומרדף צדקה יאהב | 9 |
Miphalou chena lampi chu Yahweh Pakai dinga thet umtah ahin, thildih lam jenga chepa vang Yahweh Pakai hepina achangin ahi.
| מוסר רע לעזב ארח שונא תוכחת ימות | 10 |
Koi hileh lamdih jot nomlou chu engbolna achansah jin, min aphona sangnom lou hon athipi teidiu ahi.
| שאול ואבדון נגד יהוה אף כי-לבות בני-אדם (Sheol h7585) | 11 |
Yahweh Pakai thilhet thei na hin mithi gam a um ahet dia lom ho jong ahet thei in, achutile mihem lungthim chu ichan geijin ahechen tadem! (Sheol h7585)
| לא יאהב-לץ הוכח לו אל-חכמים לא ילך | 12 |
Adihlou a chonpan, min aphondoh ding anom pon, hichepa chu miching ho henga jong ache poi.
| לב שמח ייטב פנים ובעצבת-לב רוח נכאה | 13 |
Lungthim kipanan mai alhaisah in, lungthim ahesoh teng lhagao jong angui jitai.
| לב נבון יבקש-דעת ופני (ופי) כסילים ירעה אולת | 14 |
Hetthemna neipan alunggil in hetna ahol jing in, mingol kamsunga kon in vang ngolna thu jeng apot e.
| כל-ימי עני רעים וטוב-לב משתה תמיד | 15 |
Gim le hesoh'a um ho hinkho hi nitin'a thilsen abop ahin, lungthim kipah tah'a um hoding in golvah abang jing in ahi.
| טוב-מעט ביראת יהוה-- מאוצר רב ומהומה בו | 16 |
Nei le gou tampi neija, gentheipi sang in, themcha bou neija Yahweh Pakai gin ding athupi joi.
| טוב ארחת ירק ואהבה-שם-- משור אבוס ושנאה-בו | 17 |
Bongchal thaotah kitha'a kitomona aso-bep sang in, kingailutah-a ancheme neh khom aphajoi.
| איש חמה יגרה מדון וארך אפים ישקיט ריב | 18 |
Milungkhoh in kinahna apunsah in, mi lungneng lunghang vahlou in kitomona jong akichamsah in ahi.
| דרך עצל כמשכת חדק וארח ישרים סללה | 19 |
Mithase ho lamlhahna jouse lingle khao'in abap in, mikitah ho lampi vang lamlen kilhong peh-ji ahi.
| בן חכם ישמח-אב וכסיל אדם בוזה אמו | 20 |
Chapa ching in apa akipa sah jin, chapa ngol in vang anu jeng jong iman agel-ji poi.
| אולת שמחה לחסר-לב ואיש תבונה יישר-לכת | 21 |
Lungthim beipa din ngolna chu lunglhaina ahin, thil hethempa vang ama chal peh jitai.
| הפר מחשבות באין סוד וברב יועצים תקום | 22 |
Kithumopna alhahsam teng, tohgon ache khel jin, mi akithumop to teng lolhinna ahi.
| שמחה לאיש במענה-פיו ודבר בעתו מה-טוב | 23 |
Phatah a kidonbut hi mijouse lunglhaina ahin, hijeh chun aphat toh kitoh a thu kisei hi aphat a pha ahi.
| ארח חיים למעלה למשכיל-- למען סור משאול מטה (Sheol h7585) | 24 |
Michingpa lamlhahna chu hinna lampia akilhung tou in, aman gotmun apeldoh jin ahi. (Sheol h7585)
| בית גאים יסח יהוה ויצב גבול אלמנה | 25 |
Yahweh Pakai in mi kiletsahho inn aphet lha jin, meithai ho gamgi vang aphet peh jipoi.
| תועבת יהוה מחשבות רע וטהרים אמרי-נעם | 26 |
Miphalou lunggel jouse Yahweh Pakai in athet in, Mi lungdih ho kamcheng soh vang Yahweh Pakai dinga lunglhai um ahi.
| עכר ביתו בוצע בצע ושונא מתנת יחיה | 27 |
Koi hileh lamdih louva mutei ding gochan chun, a-insung dinga gimna alhut ahin, ajeh chu neh guh thetbol chan chun hinna amu ding ahi.
| לב צדיק יהגה לענות ופי רשעים יביע רעות | 28 |
Mikitah hon min thu asei teng, lunggil in adonbut ding dan angaito jin, hinlah mingol te kamcheng soh jouse thilphalou jeng twi kisung lha abang jin ahi.
| רחוק יהוה מרשעים ותפלת צדיקים ישמע | 29 |
Miphalou hoa kon in Yahweh Pakai akidalsen, mikitah ho taona vang angai peh jin ahi.
| מאור-עינים ישמח-לב שמועה טובה תדשן-עצם | 30 |
Mit-ha hoisel'a mi akivet teng midinga lungthim kipana ahin, thupha kiseidoh jousen mihem gu le chang adamsah ahi.
| אזן--שמעת תוכחת חיים בקרב חכמים תלין | 31 |
Min ahilna ngainom mi chu, miching ho lah'a lha thei ding ahi.
| פורע מוסר מואס נפשו ושומע תוכחת קונה לב | 32 |
Koi hileh min ahilna sang thei loupa chun ahinkho agimsah ahin, ajehhcu min ahilna ngainom mi chun hetthemna anei tei ding ahi.
| יראת יהוה מוסר חכמה ולפני כבוד ענוה | 33 |
Yahweh Pakai gin hi chihna dinga kihilna ahin, chule kisuhnemna hi jabolna'a pang ahi.
