מִשְׁלֵי 10

1 משלי שלמה בן חכם ישמח-אב ובן כסיל תוגת אמו

Mwana mũũgĩ atũmaga ithe akene, no mwana mũkĩĩgu atũũragia nyina na kĩeha.

2 לא-יועילו אוצרות רשע וצדקה תציל ממות

Mĩthiithũ yumanĩte na ungumania ndĩrĩ kĩguni, no ũthingu ũkũũraga mũndũ kuuma kũrĩ gĩkuũ.

3 לא-ירעיב יהוה נפש צדיק והות רשעים יהדף

Jehova ndarekagĩrĩria mũndũ mũthingu ahũte, no nĩamarigagĩrĩria merirĩria ma mũndũ mwaganu.

4 ראש--עשה כף-רמיה ויד חרוצים תעשיר

Moko ma kĩgũũta matũmaga mũndũ athĩĩne, no moko ma mũndũ ũrĩ kĩyo marehaga ũtonga.

5 אגר בקיץ בן משכיל נרדם בקציר בן מביש

Ũrĩa ũcookanagĩrĩria irio hĩndĩ ya riũa nĩ mwana mũũgĩ, no ũrĩa ũkomaga hĩndĩ ya magetha nĩ mwana wa kũrehe thoni.

6 ברכות לראש צדיק ופי רשעים יכסה חמס

Mũtwe wa mũndũ mũthingu ũikaraga ũhumbĩrĩtwo nĩ irathimo, no kanua ka mũndũ mwaganu kaiyũraga ngũĩ.

7 זכר צדיק לברכה ושם רשעים ירקב

Kĩririkano kĩa mũndũ mũthingu gĩgatuĩka kĩrathimo, no rĩĩtwa rĩa mũndũ mwaganu nĩrĩkabutha.

8 חכם-לב יקח מצות ואויל שפתים ילבט

Mũndũ ũrĩa ũrĩ na ũũgĩ wa ngoro nĩetĩkagĩra mawatho, no mũndũ wa kũhũhũtĩka nĩakanangĩka.

9 הולך בתם ילך בטח ומעקש דרכיו יודע

Mũndũ wa mĩthiĩre mĩrũngĩrĩru athiiaga ategwĩtigĩra ũgwati, no mũndũ ũrĩa ũrĩ mĩthiĩre mĩogomu nĩakamenyeka.

10 קרץ עין יתן עצבת ואויל שפתים ילבט

Mũndũ ũrĩa uunagĩra ũngĩ riitho na rũnano nĩarehage kĩeha, na mwaria mũkĩĩgu nĩakanangĩka.

11 מקור חיים פי צדיק ופי רשעים יכסה חמס

Kanua ka mũndũ mũthingu nĩ gĩthima kĩa muoyo, no kanua ka mũndũ mwaganu kaiyũraga ngũĩ.

12 שנאה תערר מדנים ועל כל-פשעים תכסה אהבה

Rũmena rũrehaga nyamũkano, no wendani ũhumbagĩra ũũru wothe.

13 בשפתי נבון תמצא חכמה ושבט לגו חסר-לב

Ũũgĩ ũkoragwo mĩromo-inĩ ya mũndũ ũrĩa mũkũũrani maũndũ, no mũndũ ũrĩa ũtooĩ gũkũũrana maũndũ aagĩrĩirwo nĩ rũthanju ciande-inĩ ciake.

14 חכמים יצפנו-דעת ופי-אויל מחתה קרבה

Andũ oogĩ meigagĩra ũmenyo, no kanua ga kĩrimũ keĩtagĩria mwanangĩko.

15 הון עשיר קרית עזו מחתת דלים רישם

Indo cia itonga nĩ gĩtũũro kĩao kĩirigĩre na hinya, no ũkĩa nĩguo mwanangĩko wa andũ arĩa athĩĩni.

16 פעלת צדיק לחיים תבואת רשע לחטאת

Mũcaara wa andũ arĩa athingu ũmarehagĩra muoyo, no indo iria cionagwo nĩ andũ arĩa aaganu imarehagĩra iherithia.

17 ארח לחיים שומר מוסר ועזב תוכחת מתעה

Mũndũ ũrĩa ũiguaga agĩtaarwo arĩ njĩra-inĩ ya muoyo, no mũndũ ũrĩa ũregaga kũrũithio-rĩ, nĩahĩtithagia andũ arĩa angĩ.

18 מכסה שנאה שפתי-שקר ומוצא דבה הוא כסיל

Mũndũ ũrĩa ũhithaga rũmena rwake aaragia na mĩromo ya maheeni, na ũrĩa wothe ũcambanagia nĩ mũndũ mũkĩĩgu.

19 ברב דברים לא יחדל-פשע וחושך שפתיו משכיל

Rĩrĩa ciugo ciaingĩha mehia matiagaga, no mũndũ ũrĩa ũkiraga nĩ mũũgĩ.

20 כסף נבחר לשון צדיק לב רשעים כמעט

Rũrĩmĩ rwa mũndũ mũthingu nĩ betha njega, no ngoro ya mũndũ mwaganu ndĩrĩ bata.

21 שפתי צדיק ירעו רבים ואוילים בחסר-לב ימותו

Mĩromo ya arĩa athingu ĩhũnagia andũ aingĩ, no andũ akĩĩgu makuaga nĩ kwaga gũkũũrana maũndũ.

22 ברכת יהוה היא תעשיר ולא-יוסף עצב עמה

Kĩrathimo kĩa Jehova nĩkĩo kĩrehaga ũtonga, na ndarĩ kĩeha onganagĩrĩria nakĩo.

23 כשחוק לכסיל עשות זמה וחכמה לאיש תבונה

Mũndũ mũkĩĩgu akenagĩra mĩtugo mĩũru, no mũndũ ũrĩ na ũtaũku akenagĩra ũũgĩ.

24 מגורת רשע היא תבואנו ותאות צדיקים יתן

Kĩrĩa mũndũ mwaganu etigagĩra nĩkĩo gĩkaamũkora, na kĩrĩa mũndũ mũthingu eriragĩria nĩkĩo akaaheo.

25 כעבור סופה ואין רשע וצדיק יסוד עולם

Kĩhuhũkanio kĩahĩtũka andũ arĩa aaganu maticookaga kuoneka, no andũ arĩa athingu mehaandaga wega nginya tene.

26 כחמץ לשנים--וכעשן לעינים כן העצל לשלחיו

Ta ũrĩa thiki ĩgagatagĩra magego, na ndogo ĩkarũrĩra maitho-rĩ, noguo kĩgũũta kĩhaana kũrĩ arĩa magĩtũmaga.

27 יראת יהוה תוסיף ימים ושנות רשעים תקצרנה

Gwĩtigĩra Jehova-rĩ, kuongagĩrĩra mũndũ matukũ ma gũtũũra muoyo, no mĩaka ya mũndũ mwaganu nĩkũnyiihio ĩnyiihagio.

28 תוחלת צדיקים שמחה ותקות רשעים תאבד

Itanya rĩa mũndũ mũthingu nĩ gĩkeno, no kĩĩrĩgĩrĩro kĩa mũndũ mwaganu no gĩa tũhũ.

29 מעוז לתם דרך יהוה ומחתה לפעלי און

Njĩra ya Jehova nĩ rĩũrĩro rĩa andũ arĩa athingu, no nĩ mwanangĩko harĩ arĩa mekaga ũũru.

30 צדיק לעולם בל-ימוט ורשעים לא ישכנו-ארץ

Mũndũ ũrĩa mũthingu ndarĩ hĩndĩ akaamunywo, no ũrĩa mwaganu ndagatũũra thĩinĩ wa bũrũri.

31 פי-צדיק ינוב חכמה ולשון תהפכות תכרת

Kanua ka mũndũ ũrĩa mũthingu karehaga ũũgĩ, no rũrĩmĩ rwa ũtũrĩka nĩrũkaniinwo.

32 שפתי צדיק ידעון רצון ופי רשעים תהפכות

Mĩromo ya mũndũ mũthingu nĩyũũĩ kwaria ndeto iria ciagĩrĩire, no kanua ka ũrĩa mwaganu kaaragia o rũtũrĩko.