ויקרא 18

1 וידבר יהוה אל משה לאמר

Jehovha akati kuna Mozisi,

2 דבר אל בני ישראל ואמרת אלהם אני יהוה אלהיכם

“Taura kuvaIsraeri uti kwavari, ‘Ndini Jehovha Mwari wenyu.

3 כמעשה ארץ מצרים אשר ישבתם בה לא תעשו וכמעשה ארץ כנען אשר אני מביא אתכם שמה לא תעשו ובחקתיהם לא תלכו

Hamufaniri kuita sezvavanoita kuIjipiti, kwamaigara uye hamufaniri kuita sezvavanoita kuKenani, kwandiri kukuendesai. Musatevera zviito zvavo.

4 את משפטי תעשו ואת חקתי תשמרו ללכת בהם אני יהוה אלהיכם

Munofanira kutevera mitemo yangu uye mugochenjerera kuti mutevere mirayiro yangu. Ndini Jehovha Mwari wenyu.

5 ושמרתם את חקתי ואת משפטי אשר יעשה אתם האדם וחי בהם אני יהוה

Chengetai mirayiro nemitemo yangu nokuti munhu anoiteerera achararama nayo. Ndini Jehovha.

6 איש איש אל כל שאר בשרו לא תקרבו לגלות ערוה אני יהוה

“‘Hapana anofanira kuswedera kuhama yepedyo kuti avate naye. Ndini Jehovha.

7 ערות אביך וערות אמך לא תגלה אמך הוא לא תגלה ערותה

“‘Usazvidza baba vako nokusangana namai vako. Ndimai vako usasangana navo.

8 ערות אשת אביך לא תגלה ערות אביך הוא

“‘Usasangana nomukadzi wababa vako, izvi zvingazvidza baba vako.

9 ערות אחותך בת אביך או בת אמך מולדת בית או מולדת חוץ--לא תגלה ערותן

“‘Usasangana nehanzvadzi yako kana mwanasikana wababa vako kana mwanasikana wamai vako, zvisinei kuti akaberekwa mumba mumwe chete kana kumwewo.

10 ערות בת בנך או בת בתך לא תגלה ערותן כי ערותך הנה

“‘Usasangana nomwanasikana womwanakomana wako kana mwanasikana womwanasikana wako; izvi zvingauyisa kuzvidzwa kwauri.

11 ערות בת אשת אביך מולדת אביך אחותך הוא--לא תגלה ערותה

“‘Usasangana nomwanasikana womukadzi wababa vako akaberekwa nababa vako, ihanzvadzi yako.

12 ערות אחות אביך לא תגלה שאר אביך הוא

“‘Usasangana nehanzvadzi yababa vako, ihama yababa vako yepedyo.

13 ערות אחות אמך לא תגלה כי שאר אמך הוא

“‘Usasangana nomukoma kana mununʼuna wamai vako nokuti ihama yamai vako yepedyo.

14 ערות אחי אביך לא תגלה אל אשתו לא תקרב דדתך הוא

“‘Usazvidza mununʼuna kana mukoma wababa vako nokuswedera kumukadzi wavo kuti uvate naye; nokuti ndimaiguru kana mainini.

15 ערות כלתך לא תגלה אשת בנך הוא לא תגלה ערותה

“‘Usasangana nomuroora wako, mukadzi womwanakomana wako; usasangana naye.

16 ערות אשת אחיך לא תגלה ערות אחיך הוא

“‘Usasangana nomukadzi womukoma kana mununʼuna wako; izvi zvingauyisa kuzvidzwa kwomukoma kana mununʼuna wako.

17 ערות אשה ובתה לא תגלה את בת בנה ואת בת בתה לא תקח לגלות ערותה--שארה הנה זמה הוא

“‘Usasangana nomukadzi pamwe chete nomwanasikana wake. Usasangana nomwanasikana womwanakomana wake kana mwanasikana womwanasikana wake; ihama dzake dzepedyo. Zvakaipa izvozvo.

18 ואשה אל אחתה לא תקח לצרר לגלות ערותה עליה--בחייה

“‘Usatora mununʼuna womukadzi wako kuti ave mukadzinyina, varwisane, ugosangana naye mukadzi wako achiri mupenyu.

19 ואל אשה בנדת טמאתה--לא תקרב לגלות ערותה

“‘Usaswedera kumukadzi kuti usangane naye panguva yokusachena kwokuenda kumwedzi kwake.

20 ואל אשת עמיתך--לא תתן שכבתך לזרע לטמאה בה

“‘Usasangana nomukadzi womuvakidzani wako ugozvisvibisa naye.

21 ומזרעך לא תתן להעביר למלך ולא תחלל את שם אלהיך אני יהוה

“‘Usapa ani zvake pakati pavana vako kuti vabayirwe kuna Moreki nokuti haufaniri kumhura zita raJehovha. Ndini Jehovha.

22 ואת זכר--לא תשכב משכבי אשה תועבה הוא

“‘Usavata nomurume somurume anovata nomukadzi; zvinonyangadza.

23 ובכל בהמה לא תתן שכבתך לטמאה בה ואשה לא תעמד לפני בהמה לרבעה--תבל הוא

“‘Usasangana nemhuka uye ugozvisvibisa nayo. Mukadzi haafaniri kuzvipa kumhuka kuti asangane nayo; uku kunyangadza kukuru.

24 אל תטמאו בכל אלה כי בכל אלה נטמאו הגוים אשר אני משלח מפניכם

“‘Musazvisvibisa neimwe yenzira idzi nokuti ndudzi dzandichadzinga pamberi penyu dzakazvisvibisa naizvozvo.

25 ותטמא הארץ ואפקד עונה עליה ותקא הארץ את ישביה

Kunyange nyika yakasvibiswa; naizvozvo ndakairanga nokuda kwezvakaipa zvayo uye nyika yakarutsa vagari vayo.

26 ושמרתם אתם את חקתי ואת משפטי ולא תעשו מכל התועבת האלה האזרח והגר הגר בתוככם

Asi imi munofanira kuchengeta mirayiro yangu nemitemo yangu. Zvizvarwa zvenyu navatorwa vagere pakati penyu havafaniri kuita kana chimwe chezvinhu zvinonyangadza izvi,

27 כי את כל התועבת האל עשו אנשי הארץ אשר לפניכם ותטמא הארץ

nokuti zvinhu zvose izvi zvakaitwa navanhu vaigara munyika iyoyo musati mavamo, uye nyika ikasvibiswa.

28 ולא תקיא הארץ אתכם בטמאכם אתה כאשר קאה את הגוי אשר לפניכם

Uye kana mukasvibisa nyika, ichakurutsirai kunze sokurutsa kwayakaita ndudzi dzaigaramo imi musati mavamo.

29 כי כל אשר יעשה מכל התועבת האלה--ונכרתו הנפשות העשת מקרב עמם

“‘Ani naani anoita zvinonyangadza izvi, vanhu vakadaro vanofanira kubviswa kubva pavanhu vokwavo.

30 ושמרתם את משמרתי לבלתי עשות מחקות התועבת אשר נעשו לפניכם ולא תטמאו בהם אני יהוה אלהיכם

Chengetai zvandakakurayirai uye musatevedzera kana imwe yetsika dzinonyangadza dzaiitwa musati mauya, uye musazvisvibisa nadzo. Ndini Jehovha Mwari wenyu.’”