ויקרא 11

1 וידבר יהוה אל משה ואל אהרן לאמר אלהם

And the Lord spak to Moises and Aaron, and seide,

2 דברו אל בני ישראל לאמר זאת החיה אשר תאכלו מכל הבהמה אשר על הארץ

Seie ye to the sones of Israel, Kepe ye alle thingis whiche Y wroot to you, that Y be youre God. These ben the beestis, whiche ye schulen ete, of alle lyuynge beestis of erthe;

3 כל מפרסת פרסה ושסעת שסע פרסת מעלת גרה בבהמה--אתה תאכלו

ye schulen ete `al thing among beestis that hath a clee departid, and chewith code;

4 אך את זה לא תאכלו ממעלי הגרה וממפרסי הפרסה את הגמל כי מעלה גרה הוא ופרסה איננו מפריס--טמא הוא לכם

sotheli what euer thing chewith code, and hath a clee, but departith not it, as a camel and othere beestis doon, ye schulen not ete it, and ye schulen arette among vnclene thingis.

5 ואת השפן כי מעלה גרה הוא ופרסה לא יפריס טמא הוא לכם

A cirogrille, which chewith code, and departith not the clee, is vnclene; and an hare,

6 ואת הארנבת כי מעלת גרה הוא ופרסה לא הפריסה טמאה הוא לכם

for also he chewith code, but departith not the clee;

7 ואת החזיר כי מפריס פרסה הוא ושסע שסע פרסה והוא גרה לא יגר טמא הוא לכם

and a swiyn, that chewith not code, thouy he departith the clee.

8 מבשרם לא תאכלו ובנבלתם לא תגעו טמאים הם לכם

Ye schulen not ete the fleischis of these, nether ye schulen touche the deed bodies, for tho ben vnclene to you.

9 את זה תאכלו מכל אשר במים כל אשר לו סנפיר וקשקשת במים בימים ובנחלים--אתם תאכלו

Also these thingis ben that ben gendrid in watris, and is leueful to ete;

10 וכל אשר אין לו סנפיר וקשקשת בימים ובנחלים מכל שרץ המים ומכל נפש החיה אשר במים--שקץ הם לכם

ye schulen ete al thing that hath fynnes and scalis, as wel in the see, as in floodis and stondynge watris; sotheli what euer thing of tho that ben moued and lyuen in watris, hath not fynnes and scalis, schal be abhominable, and wlatsum to you;

11 ושקץ יהיו לכם מבשרם לא תאכלו ואת נבלתם תשקצו

ye schulen not ete the fleischis of tho, and ye schulen eschewe the bodies deed bi hem silf.

12 כל אשר אין לו סנפיר וקשקשת במים--שקץ הוא לכם

Alle thingis in watris that han not fynnes and scalis, schulen be pollutid,

13 ואת אלה תשקצו מן העוף לא יאכלו שקץ הם את הנשר ואת הפרס ואת העזניה

These thingis ben of foulis whiche ye schulen not ete, and schulen be eschewid of you; an egle, and a grippe, aliete, and a kyte, and a vultur by his kynde;

14 ואת הדאה--ואת האיה למינה

and al of `rauyns kynde bi his licnesse;

15 את כל ערב למינו

a strucioun,

16 ואת בת היענה ואת התחמס ואת השחף ואת הנץ למינהו

and nyyt crowe, a lare, and an hauke bi his kinde;

17 ואת הכוס ואת השלך ואת הינשוף

an owle, and dippere, and ibis;

18 ואת התנשמת ואת הקאת ואת הרחם

a swan and cormoraunt, and a pellican;

19 ואת החסידה האנפה למינה ואת הדוכיפת ואת העטלף

a fawcun, a iay bi his kynde; a leepwynke, and a reremows.

20 כל שרץ העוף ההלך על ארבע--שקץ הוא לכם

Al thing of foulis that goith on foure feet, schal be abhomynable to you;

21 אך את זה תאכלו מכל שרץ העוף ההלך על ארבע אשר לא (לו) כרעים ממעל לרגליו לנתר בהן על הארץ

sotheli what euer thing goith on foure feet, but hath lengere hipis bihynde, bi whiche it skippith on the erthe, ye schulen ete;

22 את אלה מהם תאכלו--את הארבה למינו ואת הסלעם למינהו ואת החרגל למינהו ואת החגב למינהו

as is a bruke in his kynde, and acatus, and opymacus, and a locuste, alle bi her kynde.

23 וכל שרץ העוף אשר לו ארבע רגלים--שקץ הוא לכם

Forsothe what euer thing of briddis hath foure feet oneli, it schal be abhomynable to you;

24 ולאלה תטמאו כל הנגע בנבלתם יטמא עד הערב

and who euer touchith her bodies deed bi hem silf, schal be defoulid, and `schal be vnclene `til to euentid;

25 וכל הנשא מנבלתם--יכבס בגדיו וטמא עד הערב

and if it is nede, that he bere ony deed thing of these, he schal waische his clothis, and he schal be vnclene til to the goyng doun of the sunne.

26 לכל הבהמה אשר הוא מפרסת פרסה ושסע איננה שסעת וגרה איננה מעלה--טמאים הם לכם כל הנגע בהם יטמא

Sotheli ech beeste that hath a clee, but departith not it, nether chewith code, schal be vnclene; and what euer thing touchith it, schal be defoulid.

27 וכל הולך על כפיו בכל החיה ההלכת על ארבע--טמאים הם לכם כל הנגע בנבלתם יטמא עד הערב

That that goith on hondis, of alle beestis that gon on foure feet, schal be vnclene; he, that touchith her bodies deed bi hem silf, schal be defoulid `til to euentid;

28 והנשא את נבלתם--יכבס בגדיו וטמא עד הערב טמאים המה לכם

and he, that berith siche deed bodies, schal waische hise clothis, and he schal be vnclene `til to euentid; for alle these thingis ben vnclene to you.

29 וזה לכם הטמא בשרץ השרץ על הארץ החלד והעכבר והצב למינהו

Also these thingis schulen be arettid among defoulid thingis, of these that ben moued on erthe; a wesele, and mows, and a cocodrille, `alle bi her kynde;

30 והאנקה והכח והלטאה והחמט והתנשמת

mygal, camelion, and stellio, and lacerta, and a maldewerp.

31 אלה הטמאים לכם בכל השרץ כל הנגע בהם במתם יטמא עד הערב

Alle these ben vnclene; he that touchith her bodies deed bi hem silf, schal be vnclene `til to euentid;

32 וכל אשר יפל עליו מהם במתם יטמא מכל כלי עץ או בגד או עור או שק כל כלי אשר יעשה מלאכה בהם במים יובא וטמא עד הערב וטהר

and that thing schal be defoulid, on which ony thing of her bodies deed bi hem silf fallith, as wel a vessel of tree, and a cloth, as skynnes `and heiris; and in what euer thing werk is maad, it schal be dippid in watir, and tho thingis schulen be defoulid `til to euentid, and so aftirward tho schulen be clensid.

33 וכל כלי חרש--אשר יפל מהם אל תוכו כל אשר בתוכו יטמא ואתו תשברו

Sotheli a vessel of erthe, in which ony thing of these fallith with ynne, schal be defoulid, and therfor it schal be brokun.

34 מכל האכל אשר יאכל אשר יבוא עליו מים--יטמא וכל משקה אשר ישתה בכל כלי יטמא

Ech mete, which ye schulen ete, schal be vnclene, if water is sched thereon; and ech fletynge thing, which is drunkun of ech vessel, `where ynne vnclene thingis bifelden, schal be vnclene;

35 וכל אשר יפל מנבלתם עליו יטמא--תנור וכירים יתץ טמאים הם וטמאים יהיו לכם

and what euer thing of siche deed bodies bi hem silf felde theronne, it schal be vnclene, whether furneisis, ethir vessels of thre feet, tho schulen be destried, and schulen be vnclene.

36 אך מעין ובור מקוה מים יהיה טהור ונגע בנבלתם יטמא

Sotheli wellis and cisternes, and al the congregacioun of watris, schal be clene. He that touchith her bodi deed bi it silf, schal be defoulid.

37 וכי יפל מנבלתם על כל זרע זרוע אשר יזרע--טהור הוא

If it fallith on seed, it schal not defoule the seed;

38 וכי יתן מים על זרע ונפל מנבלתם עליו--טמא הוא לכם

sotheli if ony man schedith seed with watir, and aftirward the watir is touchid with deed bodies bi hem silf, it schal be defoulid anoon.

39 וכי ימות מן הבהמה אשר היא לכם לאכלה--הנגע בנבלתה יטמא עד הערב

If a beeste is deed, which it is leueful to you to ete, he that touchith the deed bodi therof schal be vnclene `til to euentid; and he that etith therof ony thing,

40 והאכל מנבלתה--יכבס בגדיו וטמא עד הערב והנשא את נבלתה--יכבס בגדיו וטמא עד הערב

ethir berith, schal waische his clothis, and schal be vnclene `til to euentid.

41 וכל השרץ השרץ על הארץ--שקץ הוא לא יאכל

Al thing that crepith on erthe, schal be abhomynable, nether schal be takun in to mete.

42 כל הולך על גחון וכל הולך על ארבע עד כל מרבה רגלים לכל השרץ השרץ על הארץ--לא תאכלום כי שקץ הם

`What euer thing goith on the brest and foure feet, and hath many feet, ethir drawun bi the erthe, ye schulen not ete, for it is abhomynable.

43 אל תשקצו את נפשתיכם בכל השרץ השרץ ולא תטמאו בהם ונטמתם בם

Nyle ye defoule youre soulis, nether touche ye ony thing of tho, lest ye ben vnclene;

44 כי אני יהוה אלהיכם והתקדשתם והייתם קדשים כי קדוש אני ולא תטמאו את נפשתיכם בכל השרץ הרמש על הארץ

for Y am youre Lord God; be ye hooli, for Y am hooli. Defoule ye not youre soulis in ech crepynge `beeste which is moued on erthe; for Y am the Lord,

45 כי אני יהוה המעלה אתכם מארץ מצרים להית לכם לאלהים והייתם קדשים כי קדוש אני

that ladde you out of the lond of Egipt, that Y schulde be to you in to God; ye schulen be hooli, for Y am hooli.

46 זאת תורת הבהמה והעוף וכל נפש החיה הרמשת במים ולכל נפש השרצת על הארץ

This is the lawe of lyuynge beestes, and of foulis, and of ech lyuynge soule which is moued in watir, and crepith in erthe;

47 להבדיל בין הטמא ובין הטהר ובין החיה הנאכלת ובין החיה אשר לא תאכל

that ye knowe differences of clene thing and vnclene, and that ye wite what ye schulen ete, and what ye owen forsake.