איכה 5

1 זכר יהוה מה היה לנו הביט (הביטה) וראה את חרפתנו

Wee Jehova-rĩ, ririkana maũndũ marĩa matũkorete; ta rora wone gũconoka gwitũ.

2 נחלתנו נהפכה לזרים בתינו לנכרים

Igai riitũ nĩrĩneanĩtwo kũrĩ ageni, nayo mĩciĩ iitũ ĩgakĩneanwo kũrĩ andũ a kũngĩ.

3 יתומים היינו אין (ואין) אב אמתינו כאלמנות

Nĩtũtuĩkĩte ciana cia ngoriai na ciana itarĩ na maithe, nao manyina maitũ magatuĩka ta atumia a ndigwa.

4 מימינו בכסף שתינו עצינו במחיר יבאו

Maaĩ marĩa tũnyuuaga no tũgũrire; o na ngũ nĩkũgũra tũragũra.

5 על צוארנו נרדפנו יגענו לא (ולא) הונח לנו

Arĩa matũingatithagia marĩ o magũrũ-inĩ maitũ; nĩtũnogete, na tũkaaga ũhurũko.

6 מצרים נתנו יד אשור לשבע לחם

Twĩneanĩte kũrĩ andũ a Misiri na a Ashuri nĩgeetha tuone irio cia gũtũigana.

7 אבתינו חטאו אינם (ואינם) אנחנו (ואנחנו) עונתיהם סבלנו

Maithe maitũ nĩmehirie na rĩu matirĩ ho, na ithuĩ nĩ ithuĩ tũraherithio handũ hao.

8 עבדים משלו בנו פרק אין מידם

Ngombo nĩcio itwathaga, na gũtirĩ mũndũ wa gũtũteithũra kuuma moko-inĩ ma cio.

9 בנפשנו נביא לחמנו מפני חרב המדבר

Tuonaga irio na ũndũ wa gũtwarĩrĩria mĩoyo iitũ ũgwati-inĩ, nĩ ũndũ wa rũhiũ rwa njora rũrĩa rũrĩ werũ-inĩ.

10 עורנו כתנור נכמרו מפני זלעפות רעב

Gĩkonde giitũ kĩhiũhĩte o ta riiko rĩa kũruga mĩgate, tũkainaina nĩ ũndũ wa kũhũũta.

11 נשים בציון ענו בתלת בערי יהודה

Andũ-a-nja nĩmanyiitĩtwo na hinya gũkũ Zayuni, nao airĩtu gathirange makanyiitwo na hinya matũũra-inĩ ma Juda.

12 שרים בידם נתלו פני זקנים לא נהדרו

Anene akuo nĩ macuurĩtio na moko mao; athuuri nao matiheagwo gĩtĩĩo.

13 בחורים טחון נשאו ונערים בעץ כשלו

Aanake marutithagio wĩra wa hinya ithĩi-inĩ; tũmwana natuo tũtũgũũgaga nĩgũkuuithio mĩrigo ya ngũ.

14 זקנים משער שבתו בחורים מנגינתם

Athuuri nĩmatigĩte gũikara kĩhingo-inĩ gĩa itũũra inene; aanake nao nĩmatigĩte kũina nyĩmbo ciao.

15 שבת משוש לבנו נהפך לאבל מחלנו

Ngoro ciitũ nĩithirĩte gĩkeno; ndũrũhĩ ciitũ igarũrũkĩte igatuĩka macakaya.

16 נפלה עטרת ראשנו אוי נא לנו כי חטאנו

Thũmbĩ ya ũnene nĩĩgwĩte, ĩgatuuma mũtwe, kaĩ tũrĩ na haaro-ĩ, nĩgũkorwo nĩtwĩhĩtie!

17 על זה היה דוה לבנו--על אלה חשכו עינינו

Tondũ ũcio ngoro ciitũ nĩiringĩkĩte; na tondũ wa maũndũ macio maitho maitũ makaira,

18 על הר ציון ששמם שועלים הלכו בו

tondũ wa Kĩrĩma gĩa Zayuni, kĩrĩa gĩkirĩte ihooru, nacio mbwe rĩu nĩkuo iceeraga.

19 אתה יהוה לעולם תשב כסאך לדור ודור

Wee Jehova-rĩ, wathanaga nginya tene; gĩtĩ gĩaku kĩa ũnene gĩtũũraga kuuma njiarwa nginya njiarwa.

20 למה לנצח תשכחנו תעזבנו לארך ימים

Ũriganagĩrwo nĩ ithuĩ hĩndĩ ciothe nĩkĩ? Ũtũtiganĩirie hĩndĩ ndaaya ũguo nĩkĩ?

21 השיבנו יהוה אליך ונשוב (ונשובה) חדש ימינו כקדם

Wee Jehova-rĩ, tũcookererie harĩwe, nĩguo tũhote gũgũcookerera; erũhia matukũ maitũ macooke o ta ũrĩa matariĩ tene,

22 כי אם מאס מאסתנו קצפת עלינו עד מאד

tiga ũkorirwo nĩũtũregeete biũ, ũgagĩtũrakarĩra o mũno makĩria.