איכה 3
| אני הגבר ראה עני בשבט עברתו | 1 |
Ako ay isang taong nakakita ng paghihirap sa ilalim ng pamalo ng matinding galit ni Yahweh.
| אותי נהג וילך חשך ולא אור | 2 |
Itinaboy niya ako at pinalakad sa kadiliman sa halip na liwanag.
| אך בי ישב יהפך ידו כל היום | 3 |
Tunay siyang bumaling laban sa akin, buong araw niyang ibinabaling ang kamay niya laban sa akin.
| בלה בשרי ועורי שבר עצמותי | 4 |
Ang aking laman at balat ay ginutay niya, ang aking mga buto ay binali niya.
| בנה עלי ויקף ראש ותלאה | 5 |
Gumawa siya ng mga gawaing paglusob na sa akin ay laban, at pinaligiran ako ng kapaitan at kahirapan.
| במחשכים הושיבני כמתי עולם | 6 |
Sa mga madilim na lugar niya ako pinatira, tulad nilang mga patay na noon pa.
| גדר בעדי ולא אצא הכביד נחשתי | 7 |
Gumawa siya ng pader sa paligid ko at hindi ako makatakas. Pinabigat niya ang aking mga posas.
| גם כי אזעק ואשוע שתם תפלתי | 8 |
Kahit na tumawag at sumigaw ako ng tulong, aking mga panalangin ay kaniyang kinukulong.
| גדר דרכי בגזית נתיבתי עוה | 9 |
Hinarangan niya ang aking landas ng mga pader na gawa sa sinibak na bato, hindi tuwid ang bawat daanang aking tinatahak.
| דב ארב הוא לי אריה (ארי) במסתרים | 10 |
Tulad siya ng osong naghihintay upang tambangan ako, isang leon na nasa pagtatago.
| דרכי סורר ויפשחני שמני שמם | 11 |
Inilihis niya ang mga landas ko. Ginugutay at pinapabayaan niya ako.
| דרך קשתו ויציבני כמטרא לחץ | 12 |
Iniunat niya ang kaniyang pana at minarkahan ako bilang tudlaan ng palaso.
| הביא בכליתי בני אשפתו | 13 |
Ipinadala niya ang mga palaso mula sa kaniyang sisidlan upang pumasok sa aking mga bato.
| הייתי שחק לכל עמי נגינתם כל היום | 14 |
Ako ay naging katatawanan sa lahat ng aking mga kababayan, ang paksa sa mapanuyang awit nila sa araw-araw.
| השביעני במרורים הרוני לענה | 15 |
Pinuno niya ako ng kapaitan at pinilit painumin ng ajenjo.
| ויגרס בחצץ שני הכפישני באפר | 16 |
Dinurog niya ang aking mga ngipin ng bato, sa alikabok ay isinubsob niya ako.
| ותזנח משלום נפשי נשיתי טובה | 17 |
Sa aking buhay ay tinanggal mo ang kapayapaan, hindi ko na maalala pa ang alinmang kaligayahan.
| ואמר אבד נצחי ותוחלתי מיהוה | 18 |
Kaya sinabi ko, “Ang aking tatag ay nawala na at ang aking pag-asa kay Yahweh ay naubos na.”
| זכר עניי ומרודי לענה וראש | 19 |
Inaalala ko ang aking kahirapan at ang aking pagkaligaw sa ajenjo at kapaitan.
| זכור תזכור ותשיח (ותשוח) עלי נפשי | 20 |
Tiyak na ito ay aking inaalala, at sa loob ko ay yumuyukod ako sa kawalan ng pag-asa.
| זאת אשיב אל לבי על כן אוחיל | 21 |
Ngunit ito ang aking inaalala, at ito ang dahilang ako ay may pag-asa:
| חסדי יהוה כי לא תמנו כי לא כלו רחמיו | 22 |
Ito ay sa pamamagitan ng katapatan sa kasunduan ni Yahweh kaya hindi tayo nalipol, sapagkat ang kaniyang mga kilos ng kahabagan ay hindi nagwakas.
| חדשים לבקרים רבה אמונתך | 23 |
Ang mga kilos ng kahabagan niya ay muling nagaganap sa bawat umaga, katapatan mo ay dakila!
| חלקי יהוה אמרה נפשי על כן אוחיל לו | 24 |
“Si Yahweh ay aking mana,” sinabi ko sa aking sarili, kaya aasa ako sa kaniya.
| טוב יהוה לקוו לנפש תדרשנו | 25 |
Si Yahweh ay mabuti sa sinumang naghihintay sa kaniya, sa buhay na naghahanap sa kaniya.
| טוב ויחיל ודומם לתשועת יהוה | 26 |
Mabuti ang maghintay sa pagliligtas ni Yahweh nang tahimik.
| טוב לגבר כי ישא על בנעוריו | 27 |
Mabuti sa isang tao na ang pamatok sa kaniyang kabataan ay kaniyang natitiis.
| ישב בדד וידם כי נטל עליו | 28 |
Hayaan siyang manahimik at umupong mag-isa, dahil inilagay ito ni Yahweh sa kaniya.
| יתן בעפר פיהו אולי יש תקוה | 29 |
Hayaang ilagay niya sa alikabok ang bibig niya, at marahil mayroong pag-asa.
| יתן למכהו לחי ישבע בחרפה | 30 |
Hayaang ang kaniyang pisngi ay ibigay niya sa sinumang humahampas sa kaniya. Hayaang mapuno siya ng kahihiyan,
| כי לא יזנח לעולם אדני | 31 |
sapagkat hindi siya tatanggihan ng Panginoon magpakailanman!
| כי אם הוגה ורחם כרב חסדיו | 32 |
Sapagkat kahit na nagdadala siya ng kalungkutan, nagpapakita rin siya ng kahabagan na lumalabas mula sa kaniyang kadakilaan ng kaniyang katapatan sa kasunduan.
| כי לא ענה מלבו ויגה בני איש | 33 |
Sapagkat hindi siya nagmamalupit mula sa kaniyang puso, o nagpapahirap sa mga anak ng mga tao.
| לדכא תחת רגליו כל אסירי ארץ | 34 |
Sa pagdurog sa lahat ng mga bihag sa lupa sa ilalim ng kaniyang paa,
| להטות משפט גבר נגד פני עליון | 35 |
sa paglihis sa katarungan ng mga tao sa harapan ng mukha ng Kataas-taasan,
| לעות אדם בריבו אדני לא ראה | 36 |
sa paghadlang sa isang tao sa kaniyang katwiran—hindi ba nakikita ng Panginoon?
| מי זה אמר ותהי אדני לא צוה | 37 |
Sino ang nagsasalita at nangyayari kapag hindi ito iniutos ng Panginoon?
| מפי עליון לא תצא הרעות והטוב | 38 |
Hindi ba parehong kapahamakan at katagumpayan ay nagmumula sa bibig ng Kataas-taasan?
| מה יתאונן אדם חי גבר על חטאו | 39 |
Paano makakadaing ang sinumang taong nabubuhay? Paaano makakadaing ang sinumang tao tungkol sa kaparusahan ng kaniyang mga kasalanan?
| נחפשה דרכינו ונחקרה ונשובה עד יהוה | 40 |
Siyasatin at suriin natin ang ating mga pamamaraan, at muling manumbalik kay Yahweh.
| נשא לבבנו אל כפים אל אל בשמים | 41 |
Itaas natin ang ating mga puso at mga kamay sa Diyos sa kalangitan at manalangin:
| נחנו פשענו ומרינו אתה לא סלחת | 42 |
“Laban sa iyo kami ay nagkasala at naghimagsik, kaya kami ay hindi mo pinatawad.
| סכותה באף ותרדפנו הרגת לא חמלת | 43 |
Tinakpan mo ang iyong sarili ng galit at hinabol kami. Pinagpapatay mo kami, at hindi mo kami kinahabagan.
| סכותה בענן לך מעבור תפלה | 44 |
Tinakpan mo ang iyong sarili ng ulap, upang walang panalangin ang makakalampas.
| סחי ומאוס תשימנו בקרב העמים | 45 |
Ginawa mo kaming mga taong itinakwil at dumi sa iba't ibang mga lahi.
| פצו עלינו פיהם כל איבינו | 46 |
Ibinuka ng lahat ng aming mga kaaway ang kanilang bibig nang may pangungutya laban sa amin.
| פחד ופחת היה לנו השאת והשבר | 47 |
Dumating sa amin ang takot sa hukay, pagkasira at pagkaluray.”
| פלגי מים תרד עיני על שבר בת עמי | 48 |
Umaagos ng daloy ng tubig ang mata ko dahil sa pagkaluray ng anak na babae ng mga kababayan ko.
| עיני נגרה ולא תדמה מאין הפגות | 49 |
Umaagos ang mga mata ko, at hindi tumitigil ang mga ito, sapagkat wala itong katapusan
| עד ישקיף וירא יהוה משמים | 50 |
hanggang sa tumunghay at tumingin si Yahweh mula sa kalangitan.
| עיני עוללה לנפשי מכל בנות עירי | 51 |
Nagbibigay ng matinding sakit sa aking buhay ang mata ko dahil sa lahat ng mga anak na babae sa lungsod ko.
| צוד צדוני כצפור איבי חנם | 52 |
Walang tigil akong tinutugis tulad ng isang ibon ng aking mga kaaway nang walang dahilan.
| צמתו בבור חיי וידו אבן בי | 53 |
Sinira nila sa balon ang buhay ko at sa ibabaw ko ay naglagay ng isang bato.
| צפו מים על ראשי אמרתי נגזרתי | 54 |
Dumaloy ang tubig sa aking ulo, sinabi ko, “Nilagot ako!”
| קראתי שמך יהוה מבור תחתיות | 55 |
Tinawag ko ang iyong pangalan, Yahweh, mula sa pinakamababang hukay.
| קולי שמעת אל תעלם אזנך לרוחתי לשועתי | 56 |
Narinig mo ang aking tinig nang sinabi ko, “Huwag mong itago ang iyong tainga sa aking pagtawag ng tulong, sa aking pagsigaw ng saklolo!
| קרבת ביום אקראך אמרת אל תירא | 57 |
Lumapit ka sa araw na tinawag kita, sinabi mo sa akin, “Huwag kang mangamba!”
| רבת אדני ריבי נפשי גאלת חיי | 58 |
Panginoon, ipinagtanggol mo ako nang ako ay nasa paglilitis para sa buhay ko, iniligtas mo ang buhay ko!
| ראיתה יהוה עותתי שפטה משפטי | 59 |
Yahweh, nakita mo ang kanilang pang-aapi sa akin. Hatulan mo nang makatarungan ang aking usapin.
| ראיתה כל נקמתם--כל מחשבתם לי | 60 |
Nakita mo ang lahat kanilang mga kilos ng paghihiganti, lahat ng kanilang binabalak laban sa akin.
| שמעת חרפתם יהוה כל מחשבתם עלי | 61 |
Narinig mo ang panghahamak nila, Yahweh, at lahat ng kanilang mga balak tungkol sa akin.
| שפתי קמי והגיונם עלי כל היום | 62 |
Narinig mo ang mga labi ng mga tumindig laban sa akin, narinig mo ang kanilang malalim na kaisipang laban sa akin sa buong araw.
| שבתם וקימתם הביטה אני מנגינתם | 63 |
Maging sa kanilang pag-upo o sa kanilang pagtayo, tingnan mo Yahweh! Ako ang paksa sa kanilang awit ng pangungutya.
| תשיב להם גמול יהוה כמעשה ידיהם | 64 |
Gumanti ka sa kanila, Yahweh, gaya ng pinsalang ginawa ng kanilang mga kamay.
| תתן להם מגנת לב תאלתך להם | 65 |
Lagyan mo ng takot ang kanilang mga puso, lagyan mo sila ng sumpa.
| תרדף באף ותשמידם מתחת שמי יהוה | 66 |
Habulin mo sila sa iyong galit at lipulin mo sila saanman sa ilalim ng kalangitan, Yahweh!
