איוב 9
| ויען איוב ויאמר | 1 |
Joob answeride, and seide, Verili Y woot, that it is so,
| אמנם ידעתי כי-כן ומה-יצדק אנוש עם-אל | 2 |
and that a man comparisound to God schal not be maad iust.
| אם-יחפץ לריב עמו-- לא-יעננו אחת מני-אלף | 3 |
If he wole stryue with God, he may not answere to God oon for a thousynde.
| חכם לבב ואמיץ כח-- מי-הקשה אליו וישלם | 4 |
He is wiys in herte, and strong in myyt; who ayenstood hym, and hadde pees?
| המעתיק הרים ולא ידעו-- אשר הפכם באפו | 5 |
Which bar hillis fro o place to anothir, and thei wisten not; whiche he distriede in his strong veniaunce.
| המרגיז ארץ ממקומה ועמודיה יתפלצון | 6 |
Which stirith the erthe fro his place, and the pilers therof schulen `be schakun togidere.
| האמר לחרס ולא יזרח ובעד כוכבים יחתם | 7 |
Which comaundith to the sunne, and it risith not; and he closith the sterris, as vndur a signet.
| נטה שמים לבדו ודורך על-במתי ים | 8 |
Which aloone stretchith forth heuenes, and goith on the wawis of the see.
| עשה-עש כסיל וכימה וחדרי תמן | 9 |
Which makith Ariture, and Orionas, and Hiadas, `that is, seuene sterris, and the innere thingis of the south.
| עשה גדלות עד-אין חקר ונפלאות עד-אין מספר | 10 |
Which makith grete thingis, and that moun not be souyt out, and wondurful thingis, of whiche is noon noumbre.
| הן יעבר עלי ולא אראה ויחלף ולא-אבין לו | 11 |
If he cometh to me, `that is, bi his grace, Y schal not se hym; if he goith awey, `that is, in withdrawynge his grace, Y schal not vndurstonde.
| הן יחתף מי ישיבנו מי-יאמר אליו מה-תעשה | 12 |
If he axith sodeynli, who schal answere to hym? ethir who may seie to hym, Whi doist thou so?
| אלוה לא-ישיב אפו תחתו שחחו עזרי רהב | 13 |
`God is he, whos wraththe no man may withstonde; and vndur whom thei ben bowid, that beren the world.
| אף כי-אנכי אעננו אבחרה דברי עמו | 14 |
Hou greet am Y, that Y answere to hym, and speke bi my wordis with hym?
| אשר אם-צדקתי לא אענה למשפטי אתחנן | 15 |
Which also schal not answere, thouy Y haue ony thing iust; but Y schal biseche my iuge.
| אם-קראתי ויענני-- לא-אאמין כי-יאזין קולי | 16 |
And whanne he hath herd me inwardli clepynge, Y bileue not, that he hath herd my vois.
| אשר-בשערה ישופני והרבה פצעי חנם | 17 |
For in a whirlewynd he schal al to-breke me, and he schal multiplie my woundis, yhe, without cause.
| לא-יתנני השב רוחי כי ישבעני ממררים | 18 |
He grauntith not, that my spirit haue reste, and he fillith me with bittirnesses.
| אם-לכח אמיץ הנה ואם-למשפט מי יועידני | 19 |
If strengthe is souyt, `he is moost strong; if equyte of doom is souyt, no man dar yelde witnessynge for me.
| אם-אצדק פי ירשיעני תם-אני ויעקשני | 20 |
If Y wole make me iust, my mouth schal dampne me; if Y schal schewe me innocent, he schal preue me a schrewe.
| תם-אני לא-אדע נפשי אמאס חיי | 21 |
Yhe, thouy Y am symple, my soule schal not knowe this same thing; and it schal anoye me of my lijf.
| אחת היא על-כן אמרתי--תם ורשע הוא מכלה | 22 |
O thing is, which Y spak, he schal waste `bi deth also the innocent and wickid man.
| אם-שוט ימית פתאם-- למסת נקים ילעג | 23 |
If he betith, sle he onys, and leiye he not of the peynes of innocent men.
| ארץ נתנה ביד-רשע-- פני-שפטיה יכסה אם-לא אפוא מי-הוא | 24 |
The erthe is youun in to the hondis of the wickid; he hilith the face of iugis; that if he is not, who therfor is?
| וימי קלו מני-רץ ברחו לא-ראו טובה | 25 |
Mi daies weren swiftere than a corour; thei fledden, and sien not good.
| חלפו עם-אניות אבה כנשר יטוש עלי-אכל | 26 |
Thei passiden as schippis berynge applis, as an egle fleynge to mete.
| אם-אמרי אשכחה שיחי אעזבה פני ואבליגה | 27 |
Whanne Y seie, Y schal not speke so; Y chaunge my face, and Y am turmentid with sorewe.
| יגרתי כל-עצבתי ידעתי כי-לא תנקני | 28 |
Y drede alle my werkis, witynge that thou `woldist not spare the trespassour.
| אנכי ארשע למה-זה הבל איגע | 29 |
Sotheli if Y am also thus wickid, whi haue Y trauelid in veyn?
| אם-התרחצתי במו- (במי-) שלג והזכותי בבר כפי | 30 |
Thouy Y am waischun as with watris of snow, and thouy myn hondis schynen as moost cleene,
| אז בשחת תטבלני ותעבוני שלמותי | 31 |
netheles thou schalt dippe me in filthis, and my clothis, `that is, werkis, schulen holde me abhomynable.
| כי-לא-איש כמוני אעננו נבוא יחדו במשפט | 32 |
Trewli Y schal not answere a man, which is lijk me; nether that may be herd euenli with me in doom.
| לא יש-בינינו מוכיח-- ישת ידו על-שנינו | 33 |
`Noon is, that may repreue euer eithir, and sette his hond in bothe.
| יסר מעלי שבטו ואמתו אל-תבעתני | 34 |
Do he awei his yerde fro me, and his drede make not me aferd.
| אדברה ולא איראנו כי לא-כן אנכי עמדי | 35 |
Y schal speke, and Y schal not drede hym; for Y may not answere dredynge.
