איוב 7
| הלא-צבא לאנוש על- (עלי-) ארץ וכימי שכיר ימיו | 1 |
“Asase so som nyɛ den mma onipa anaa? Ne nkwa nna nte sɛ ɔpaani deɛ?
| כעבד ישאף-צל וכשכיר יקוה פעלו | 2 |
Sɛdeɛ akoa ani gyina anwummerɛ sunsumma, anaasɛ ɔpaani ho pere no nʼakatua ho no,
| כן הנחלתי לי ירחי-שוא ולילות עמל מנו-לי | 3 |
saa ara na wɔatwa abosome hunu ato me hɔ, ne anadwo a ɔhaw wɔ mu ama me.
| אם-שכבתי-- ואמרתי מתי אקום ומדד-ערב ושבעתי נדדים עדי-נשף | 4 |
Sɛ meda a, medwene bisa sɛ, ‘Ɛberɛ bɛn na adeɛ bɛkye?’ Nanso anadwo twam nkakrankakra, na mepere kɔsi ahemadakye.
| לבש בשרי רמה וגיש (וגוש) עפר עורי רגע וימאס | 5 |
Asonsono ne aporɔporɔ ahyɛ me honam ma, me honam asɛe na ɛrefiri nsuo.
| ימי קלו מני-ארג ויכלו באפס תקוה | 6 |
“Me nna kɔ ntɛm sene ɔnwomfoɔ akurokurowa, na ɛkɔ awieeɛ a anidasoɔ biara nni muo.
| זכר כי-רוח חיי לא-תשוב עיני לראות טוב | 7 |
Ao Onyankopɔn, kae sɛ me nkwanna te sɛ ahomeɛ; na merennya anigyeɛ bio da.
| לא-תשורני עין ראי עיניך בי ואינני | 8 |
Ani a ɛhunu me seesei renhunu me bio; mobɛhwehwɛ me, nanso na menni hɔ bio.
| כלה ענן וילך כן יורד שאול לא יעלה (Sheol h7585) | 9 |
Sɛdeɛ omununkum yera na ɛtu korɔ no, saa ara na deɛ ɔkɔ damena mu no nsane mma bio. (Sheol h7585)
| לא-ישוב עוד לביתו ולא-יכירנו עוד מקמו | 10 |
Ɔrensane mma ne fie da biara da; nʼatenaeɛ renkae no bio.
| גם-אני לא אחשך-פי אדברה בצר רוחי אשיחה במר נפשי | 11 |
“Ɛno enti meremmua mʼano; mɛfiri me honhom ahoyera mu akasa, mɛfiri me kra ɔyea mu anwiinwii.
| הים-אני אם-תנין כי-תשים עלי משמר | 12 |
Meyɛ ɛpo anaa aboa kɛseɛ a ɔwɔ ebunu mu anaa, na mode me ahyɛ ɔwɛmfoɔ nsa yi?
| כי-אמרתי תנחמני ערשי ישא בשיחי משכבי | 13 |
Sɛ medwene sɛ menya awerɛkyekyerɛ wɔ me mpa so, na mʼakonwa adwodwo mʼanwiinwii ano a,
| וחתתני בחלמות ומחזינות תבעתני | 14 |
ɛno mpo na wode adaeɛso yi me hu na wode anisoadehunu hunahuna me,
| ותבחר מחנק נפשי מות מעצמותי | 15 |
ɛno enti mepɛ akɔmfohyɛ ne owuo, sene me onipadua yi.
| מאסתי לא-לעלם אחיה חדל ממני כי-הבל ימי | 16 |
Memmu me nkwa; mentena ase afebɔɔ. Monnyaa me; na me nna nka hwee.
| מה-אנוש כי תגדלנו וכי-תשית אליו לבך | 17 |
“Ɔdasani ne hwan a ne ho hia wo sei, na wʼani ku ne ho,
| ותפקדנו לבקרים לרגעים תבחננו | 18 |
na wohwehwɛ ne mu anɔpa biara na wosɔ no hwɛ ɛberɛ biara?
| כמה לא-תשעה ממני לא-תרפני עד-בלעי רקי | 19 |
Worenyi wʼani mfiri me so da, anaasɛ worennyaa me ɛberɛ tiawa bi mpo anaa?
| חטאתי מה אפעל לך-- נצר האדם למה שמתני למפגע לך ואהיה עלי למשא | 20 |
Sɛ mayɛ bɔne a, ɛdeɛn na mayɛ woɔ, Ao adasamma so wɛmfoɔ? Adɛn enti na watu wʼani asi me soɔ? Mayɛ adesoa ama wo anaa?
| ומה לא-תשא פשעי-- ותעביר את-עוני כי-עתה לעפר אשכב ושחרתני ואינני | 21 |
Adɛn enti na wonkata me mmarato so na womfa me bɔne nkyɛ me? Ɛrenkyɛre biara, mɛda mfuturo mu. Wobɛhwehwɛ me nanso na menni hɔ bio.”
