איוב 6
| ויען איוב ויאמר | 1 |
Yobo azongisaki:
| לו--שקול ישקל כעשי והיתי (והותי) במאזנים ישאו-יחד | 2 |
« Ah! Soki ezalaki na makoki ya komeka kilo ya mawa na ngai, mpe ya kotia pasi na ngai nyonso na emekelo kilo,
| כי-עתה--מחול ימים יכבד על-כן דברי לעו | 3 |
nakanisi ete elingaki koleka zelo ya bibale minene na kilo. Yango wana, maloba na ngai ezali koleka ndelo.
| כי חצי שדי עמדי--אשר חמתם שתה רוחי בעותי אלוה יערכוני | 4 |
Makonga ya Nkolo-Na-Nguya-Nyonso etoboli ngai, mpe molimo na ngai ezali komela ngenge na yango; Nzambe atelemeli ngai na kanda na Ye.
| הינהק-פרא עלי-דשא אם יגעה-שור על-בלילו | 5 |
Boni, ane ya zamba elelaka soki ezali kolia matiti? Ngombe ya mobali elelaka soki ezali kolia bilei na yango?
| היאכל תפל מבלי-מלח אם-יש-טעם בריר חלמות | 6 |
Boni, baliaka na mungwa te bilei oyo ezanga elengi? Mayi oyo ezalaka kati na maki ezalaka elengi?
| מאנה לנגוע נפשי המה כדוי לחמי | 7 |
Makambo oyo nazalaki koboya, yango nde ekomi bilei na ngai, atako ezali mabe.
| מי-יתן תבוא שאלתי ותקותי יתן אלוה | 8 |
Ah! Nani akoki kosala ete bosenga na ngai ekokisama, mpe ete Nzambe akokisela ngai likambo oyo nazali kozela!
| ויאל אלוה וידכאני יתר ידו ויבצעני | 9 |
Tika ete Nzambe aboma na Ye ngai, asembola loboko na Ye mpo na kokata ngai moto!
| ותהי-עוד נחמתי-- ואסלדה בחילה לא יחמול כי-לא כחדתי אמרי קדוש | 10 |
Na boye nde nakoki kozwa kobondisama mpe esengo kati na pasi na ngai, oyo eleki ndelo, pamba te nawangani te maloba ya Ye oyo azali Mosantu.
| מה-כחי כי-איחל ומה-קצי כי-אאריך נפשי | 11 |
Makasi nini penza nazali na yango mpo ete nazala lisusu na elikya? Mpo na nini nawumela lisusu kotala suka ya bomoi na ngai?
| אם-כח אבנים כחי אם-בשרי נחוש | 12 |
Boni, nazali makasi lokola libanga? Nzoto na ngai ezali ya ebende?
| האם אין עזרתי בי ותשיה נדחה ממני | 13 |
Nazali na nguya ya komisunga awa natikali lisusu na makoki te?
| למס מרעהו חסד ויראת שדי יעזוב | 14 |
Moto nyonso oyo azali na pasi asengeli na mawa ya baninga na ye, ata soki atiki kotosa Nkolo-Na-Nguya-Nyonso.
| אחי בגדו כמו-נחל כאפיק נחלים יעברו | 15 |
Kasi tala, bandeko na ngai bakosi ngai lokola moluka, lokola mayi ya moluka oyo ekawuki.
| הקדרים מני-קרח עלימו יתעלם-שלג | 16 |
Tango mayi oyo ekomaka libanga mpo na malili, mpe mvula ya pembe, epanzanaka, ememaka mpela.
| בעת יזרבו נצמתו בחמו נדעכו ממקומם | 17 |
Kasi na tango ya molunge, mayi yango esilaka, mpe moluka yango ekawukaka nyonso mpo na molunge makasi.
| ילפתו ארחות דרכם יעלו בתהו ויאבדו | 18 |
Masanga ya bato oyo batambolaka na bampunda mpo na kokende na mobembo, ebongoli nzela ya kokende, ekeyi kokota kino kati na esobe mpe ekufi kuna.
| הביטו ארחות תמא הליכת שבא קוו-למו | 19 |
Masanga ya bato ya Tema, oyo ezali na mobembo, elukaki mayi; masanga ya bato ya Saba, oyo ezali na mobembo, etielaki yango motema.
| בשו כי-בטח באו עדיה ויחפרו | 20 |
Kasi bayokaki soni mpo ete batielaki yango motema; tango bakomaki kuna, bamiyokelaki mawa.
| כי-עתה הייתם לא תראו חתת ותיראו | 21 |
Bino mpe bozali ndenge wana mpo na ngai, bozali na makoki te ya kosunga ngai; awa bomoni pasi na ngai, somo ekangi bino!
| הכי-אמרתי הבו לי ומכחכם שחדו בעדי | 22 |
Boni, nasila koloba na bino: ‹ Bokabela ngai ndambo ya biloko na bino to bofutela ngai niongo na nzela ya bozwi na bino,
| ומלטוני מיד-צר ומיד עריצים תפדוני | 23 |
mpo na kokangola ngai na loboko ya monguna to mpo na kobikisa ngai na nguya ya bato mabe? ›
| הורוני ואני אחריש ומה-שגיתי הבינו לי | 24 |
Boteya ngai, bongo nakokanga monoko; bolakisa ngai mabe nini ngai nasali!
| מה-נמרצו אמרי-ישר ומה-יוכיח הוכח מכם | 25 |
Tala ndenge maloba ya solo esalaka pasi! Kasi makanisi na bino elingi kotalisa nini?
| הלהוכח מלים תחשבו ולרוח אמרי נואש | 26 |
Bokanisi ete bokoki kosembola makambo oyo nazali koloba to kozwa lokola mopepe, maloba ya moto oyo azali na pasi?
| אף-על-יתום תפילו ותכרו על-ריעכם | 27 |
Solo, bino, bokoki ata kobeta zeke mpo na mwana etike mpe koteka moninga na bino na bowumbu!
| ועתה הואילו פנו-בי ועל-פניכם אם-אכזב | 28 |
Kasi sik’oyo, bozala na mitema malamu mpo na kotala ngai! Boni, nakoki penza kokosa bino, kaka na miso makasi boye?
| שובו-נא אל-תהי עולה ושבי (ושבו) עוד צדקי-בה | 29 |
Bokanisa nanu malamu, bozala nanu sembo! Bokanisa penza malamu, pamba te ezali bosembo na ngai nde emekami.
| היש-בלשוני עולה אם-חכי לא-יבין הוות | 30 |
Boni, likambo nini ya mabe ezali na monoko na ngai; monoko na ngai ekoki kososola mabe te?
