איוב 6

1 ויען איוב ויאמר

Elifasi'ma anagema hutegeno Jopu'a amanage huno kenona hunte'ne.

2 לו--שקול ישקל כעשי והיתי (והותי) במאזנים ישאו-יחד

Hagi nasuzampima mani'noa zamofo kna'ane hazenke zani'amofo kna'anema sigerire'ma erinte'za kazasina,

3 כי-עתה--מחול ימים יכבד על-כן דברי לעו

maka hagerinkenafi kaseparamimofo kna'a agateresine. E'inama hu'nea zankura nagra nagesa antahi so'e osu ame'ama hu'na rama'a kea hu'noe.

4 כי חצי שדי עמדי--אשר חמתם שתה רוחי בעותי אלוה יערכוני

Na'ankure Hihamu'ane Anumzamo'a keve nahetrege'na masenogeno ana keveraminte'ma fre'nea avuatga zamo'a nazeri haviza nehie. Ana nehigeno nazeri koro'ma hu'zantamima Anumzamo'ma huntegeno e'nea zamo'a navuga emanimpi huneno nazeri korora nehie.

5 הינהק-פרא עלי-דשא אם יגעה-שור על-בלילו

Hagi afi donki afu'mo'zane bulimakao afu'mo'za trazama me'nege'zama nene'za krafa nosaze.

6 היאכל תפל מבלי-מלח אם-יש-טעם בריר חלמות

Hagi hagema ontegeno'ma hagama osu ne'zana vahe'mo'za amnea negahazafi? Nama amu'amofo efeke'amo'a haga hugahifi?

7 מאנה לנגוע נפשי המה כדוי לחמי

Nagra e'inahu' ne'zama avako'ma hu'zankura navresra nehie. E'inahu ne'zama nenogeno'a, amuti nagesa nehige'na ana nezama ne'zankura tusi nagonete.

8 מי-יתן תבוא שאלתי ותקותי יתן אלוה

E'igu Anumzamo'a nunamuni'a nentahino, nagesama nentahua zana hunantesiegu nave'nesie.

9 ויאל אלוה וידכאני יתר ידו ויבצעני

Anumzamo'a nare hapati'nige'na fruresina knare nehigeno, Anumzamo'a azana rusuteno nahege'na fruresina knare hisine.

10 ותהי-עוד נחמתי-- ואסלדה בחילה לא יחמול כי-לא כחדתי אמרי קדוש

Knazampi mani'ne'na natagura nehuanagi, nazeri knare hugahie. Na'ankure knazampima mani'ne'na Ruotge'ma Hu'nemofona kea huhavizana huonte'noe.

11 מה-כחי כי-איחל ומה-קצי כי-אאריך נפשי

Hankave'ni'a omne'neanki'na hanaveti'na mani'ne'na ama ananknazana eri'na ovugosue. Akohena mani'ne'na ama ana knafima ufre hankaveni'a omnetfa hie.

12 אם-כח אבנים כחי אם-בשרי נחוש

Hanavenimo'a havegna huno hanavenentake higeno, navufgamo'a bronsimo'ma hiaza hu'nefi?

13 האם אין עזרתי בי ותשיה נדחה ממני

Hagi nagra'a naza hugara nosugeno, ama ana knazama agatere kankmuna omnetfa hie.

14 למס מרעהו חסד ויראת שדי יעזוב

Hagi Hihamu'ane Anumzamofoma korora hunontesnia vahe'mo'agi, rone'amo'ma knafima mani'nenigeno'a knare avu'ava huntegahie.

15 אחי בגדו כמו-נחל כאפיק נחלים יעברו

Hagi nenafugatma tamagra, hagegema hu'nea tinkagomupi ko'ma rigeno tusi tima hageno eteno, ko'ma rusegeno'ma ame huno'ma taneankna vahe mani'naze.

16 הקדרים מני-קרח עלימו יתעלם-שלג

Hagi zagemo'ma aisima teze'ze higenoma, tima hageno'ma eviankna vahe mani'naze.

17 בעת יזרבו נצמתו בחמו נדעכו ממקומם

Hianagi ana timo'a ra zagema regeno'a neranegeno, tusi amuhoma higeno'a, tima eneviretira taneno hagege nehie.

18 ילפתו ארחות דרכם יעלו בתהו ויאבדו

Hagi fenozama zagorema netraza vahe'mo'za (Karivani) hagege ka'ma kokampima enevu'za tinku'ma zamavesige'zama umani fru hu'zama tima nenaku'ma hazana, timo'a tanenege'za tinkura huge'za fri'naze.

19 הביטו ארחות תמא הליכת שבא קוו-למו

Hagi Tema kumateti fenozama zagore'ma netraza vahe'mo'zama enevu'za ana krahopima tinku'ma kazana tina omnene. Hagi Siba kumateti vahe'mo'zanena enevu'za ana tina negahune hu'za amuhara hu'nazanagi onke'naze.

20 בשו כי-בטח באו עדיה ויחפרו

Hagi zamagra ana tina enevifi hu'zama ome kazana ana timo'a tanegeno, ana tima negahunema hu'za amuha'ma hu'za e'naza zamo'a amnezankna hu'ne.

21 כי-עתה הייתם לא תראו חתת ותיראו

Hagi menina tamagoana timoma taneaza huta naza hugara osaze. Na'ankure nagri'ma eme nagazana, tusi knaza eri'na mani'nogeta, tusi tamagogogu nehaze.

22 הכי-אמרתי הבו לי ומכחכם שחדו בעדי

Nagra mago'mokagura hu'na nagri nagi erinka muse'za amio hu'na huge, magomokagura hu'na fenonka'afintira mago'azana erinka knazampintira atesinka navro hu'na hu'nofi?

23 ומלטוני מיד-צר ומיד עריצים תפדוני

Hagi ha' vahe'nimofo zamazampintira nagu'vazio hu'na huge, kefo vahetmimofo zamazampintira nagu'vazio hu'na mago'mokagura osu'noe.

24 הורוני ואני אחריש ומה-שגיתי הבינו לי

Hagi akoheno'ma mani'zana rempi hunaminke'na kea osu' akohe'na mani'neno. Hagi havizama hu'ne'nua zana naveri hiho.

25 מה-נמרצו אמרי-ישר ומה-יוכיח הוכח מכם

Tamage nanekema hu'zamo'a tusi katagrigahie. Hianagi keha'ma rezamo'a, nanknare'za erifore hugahie?

26 הלהוכח מלים תחשבו ולרוח אמרי נואש

Tamagrama tamagesa antahi'zana, tagrama huna ke antahino amage antegahie huta nehuta, knazampima mani'ne'na nazama huzanku'ma nehakoa vahe'mo'na nanekea eri amne hazageno zahoknara nehio?

27 אף-על-יתום תפילו ותכרו על-ריעכם

Ana nehutma satu zokago reta negeta, megusa mofavreramine, ronetaminena zagore zamatregahaze.

28 ועתה הואילו פנו-בי ועל-פניכם אם-אכזב

Hianagi menina muse nehuta kama nageho, tamagri tamavufina nagra havige nehufi?

29 שובו-נא אל-תהי עולה ושבי (ושבו) עוד צדקי-בה

Tamagra havigea huta kumi hune huta nazeri haviza hu kea osiho. Na'ankure nagra mago hazenkea osu'noe.

30 היש-בלשוני עולה אם-חכי לא-יבין הוות

Tamagrama tamagesama antahi'zana, nagra havige nehufi? Nagra fatgo zane knare zanena ke'na antahi'na osugahufi?