איוב 42
| ויען איוב את-יהוה ויאמר | 1 |
Respondens autem Job Domino, dixit:
| ידעת (ידעתי) כי-כל תוכל ולא-יבצר ממך מזמה | 2 |
[Scio quia omnia potes, et nulla te latet cogitatio.
| מי זה מעלים עצה-- בלי-דעת לכן הגדתי ולא אבין נפלאות ממני ולא אדע | 3 |
Quis est iste qui celat consilium absque scientia? ideo insipienter locutus sum, et quæ ultra modum excederent scientiam meam.
| שמע-נא ואנכי אדבר אשאלך והודיעני | 4 |
Audi, et ego loquar: interrogabo te, et responde mihi.
| לשמע-אזן שמעתיך ועתה עיני ראתך | 5 |
Auditu auris audivi te: nunc autem oculus meus videt te.
| 6 |
Idcirco ipse me reprehendo, et ago pœnitentiam in favilla et cinere.]
| 7 |
Postquam autem locutus est Dominus verba hæc ad Job, dixit ad Eliphaz Themanitem: Iratus est furor meus in te, et in duos amicos tuos, quoniam non estis locuti coram me rectum, sicut servus meus Job.
| 8 |
Sumite ergo vobis septem tauros et septem arietes, et ite ad servum meum Job, et offerte holocaustum pro vobis: Job autem servus meus orabit pro vobis. Faciem ejus suscipiam, ut non vobis imputetur stultitia: neque enim locuti estis ad me recta, sicut servus meus Job.
| 9 |
Abierunt ergo Eliphaz Themanites, et Baldad Suhites, et Sophar Naamathites, et fecerunt sicut locutus fuerat Dominus ad eos: et suscepit Dominus faciem Job.
| 10 |
Dominus quoque conversus est ad pœnitentiam Job, cum oraret ille pro amicis suis: et addidit Dominus omnia quæcumque fuerant Job, duplicia.
| 11 |
Venerunt autem ad eum omnes fratres sui, et universæ sorores suæ, et cuncti qui noverant eum prius, et comederunt cum eo panem in domo ejus: et moverunt super eum caput, et consolati sunt eum super omni malo quod intulerat Dominus super eum: et dederunt ei unusquisque ovem unam, et inaurem auream unam.
| 12 |
Dominus autem benedixit novissimis Job magis quam principio ejus: et facta sunt ei quatuordecim millia ovium, et sex millia camelorum, et mille juga boum, et mille asinæ.
| 13 |
Et fuerunt ei septem filii, et tres filiæ.
| 14 |
Et vocavit nomen unius Diem, et nomen secundæ Cassiam, et nomen tertiæ Cornustibii.
| 15 |
Non sunt autem inventæ mulieres speciosæ sicut filiæ Job in universa terra: deditque eis pater suus hæreditatem inter fratres earum.
| 16 |
Vixit autem Job post hæc centum quadraginta annis, et vidit filios suos, et filios filiorum suorum usque ad quartam generationem:
| 17 |
et mortuus est senex, et plenus dierum.
