איוב 37

1 אף-לזאת יחרד לבי ויתר ממקומו

“Ndaigua ũguo ngoro yakwa ĩgatumatuuma, na ĩkambarara ĩkoima handũ hayo.

2 שמעו שמוע ברגז קלו והגה מפיו יצא

Thikĩrĩria! Thikĩrĩria mũraramo wa mũgambo wake, mũrurumo ũrĩa uumaga kanua gake.

3 תחת-כל-השמים ישרהו ואורו על-כנפות הארץ

Arekagĩrĩria rũheni rwake rungu rwa igũrũ guothe na akarũtũma nginya ituri cia thĩ.

4 אחריו ישאג-קול-- ירעם בקול גאונו ולא יעקבם כי-ישמע קולו

Thuutha waruo gũũkaga mũgambo wa mũraramo wake; arurumaga na mũgambo wake mũkaru. Hĩndĩ ĩrĩa mũgambo wake waiguuo-rĩ, ndarigagĩrĩria heni.

5 ירעם אל בקולו נפלאות עשה גדלות ולא נדע

Mũgambo wa Mũrungu ũrurumaga na njĩra ya magegania; ekaga maũndũ manene tũtangĩhota kũmenya.

6 כי לשלג יאמר-- הוא-ארץ וגשם מטר וגשם מטרות עזו

Eeraga tharunji atĩrĩ, ‘Gwa thĩ,’ nayo mbura ya rũthuthuũ akamĩĩra atĩrĩ, ‘Tuĩka mbura nene.’

7 ביד-כל-אדם יחתום-- לדעת כל-אנשי מעשהו

Nĩatigithagia mũndũ o wothe wĩra wake nĩgeetha andũ othe ombĩte mamenye wĩra wake.

8 ותבוא חיה במו-ארב ובמעונתיה תשכן

Nyamũ nacio nĩciĩhithaga; ciikaraga imamo-inĩ ciacio.

9 מן-החדר תבוא סופה וממזרים קרה

Kĩhuhũkanio kiumaga gĩikaro gĩakĩo, heho nayo ĩkoima rũhuho-inĩ rũkĩhurutana.

10 מנשמת-אל יתן-קרח ורחב מים במוצק

Mĩhũmũ ya Mũrungu nĩĩthondekaga mbarabu, namo maaĩ harĩa maaramĩire makanyiitana.

11 אף-ברי יטריח עב יפיץ ענן אורו

Nĩaiyũragia matu na ũigũ; ahurunjaga rũheni rũkamatũrĩkia.

12 והוא מסבות מתהפך בתחבולתו לפעלם כל אשר יצום על-פני תבל ארצה

Mathiiaga magĩthiũrũrũkaga o kũrĩa angĩmeerekeria thĩ yothe, mageeke o ũrĩa wothe angĩmaatha.

13 אם-לשבט אם-לארצו-- אם-לחסד ימצאהו

Arehaga matu macio nĩguo aherithie andũ, kana aihũgie thĩ yake na onanie wendani wake.

14 האזינה זאת איוב עמד והתבונן נפלאות אל

“Ayubu, thikĩrĩria ũhoro ũyũ; tithĩria hau wĩcũũranie ũhoro wa magegania ma Mũrungu.

15 התדע בשום-אלוה עליהם והפיע אור עננו

Wee nĩũũĩ ũrĩa Ngai aathaga matu, na ũrĩa atũmaga rũheni rwake rũhenũke?

16 התדע על-מפלשי-עב מפלאות תמים דעים

Wee nĩũũĩ ũrĩa matu macio macuurĩtio wega, magegania macio ma ũrĩa ũrĩ ũmenyo mũkinyanĩru?

17 אשר-בגדיך חמים-- בהשקט ארץ מדרום

Wee ũringĩkaga nĩ ũrugarĩ wa nguo ciaku rĩrĩa bũrũri ũkirĩte ki hĩndĩ ya rũhuho rwa gũthini-rĩ,

18 תרקיע עמו לשחקים חזקים כראי מוצק

no ũhote kũruta wĩra nake ũhoro-inĩ wa gũtambũrũkia matu mairũ, o macio momĩte o ta gĩcicio gĩa gĩcango?

19 הודיענו מה-נאמר לו לא-נערך מפני-חשך

“Ta twĩre ũrĩa twagĩrĩirwo nĩ kũmwĩra; tũtingĩhota gwĩciirĩra nĩ ũndũ wa nduma iitũ.

20 היספר-לו כי אדבר אם-אמר איש כי יבלע

Nĩagĩrĩire kwĩrwo atĩ nĩngwenda kwaria? Nĩ kũrĩ mũndũ o na ũ ũngiuga amerio?

21 ועתה לא ראו אור-- בהיר הוא בשחקים ורוח עברה ותטהרם

Rĩu-rĩ, gũtirĩ mũndũ ũngĩhota kũrora riũa, rĩcangararĩte kũu igũrũ thuutha wakuo kũhaatwo nĩ rũhuho gũgathera.

22 מצפון זהב יאתה על-אלוה נורא הוד

Okaga kuuma mwena wa gathigathini arĩ na riiri ukengeete ta wa thahabu; Ngai okaga arĩ na ũkaru wa gwĩtigĩrwo.

23 שדי לא-מצאנהו שגיא-כח ומשפט ורב-צדקה לא יענה

Ũcio Mwene-Hinya-Wothe-rĩ, tũtingĩhota kũmũkinyĩra, nĩatũũgĩrĩtio nĩ ũndũ wa ũhoti wake; tondũ wa ũrĩa arĩ wa kĩhooto na ũthingu mũnene-rĩ, ndahinyanagĩrĩria.

24 לכן יראוהו אנשים לא-יראה כל-חכמי-לב

Nĩ ũndũ ũcio andũ nĩmamũtĩĩte, tondũ githĩ ndarũmbũyagia arĩa meyonaga ta marĩ oogĩ na ngoro ciao?”