איוב 36

1 ויסף אליהוא ויאמר

Elihu gara nʼihu sị:

2 כתר-לי זעיר ואחוך כי עוד לאלוה מלים

“Nyetụ m nwa oge nta, ka m gosi gị na ọ ka dị ọtụtụ ihe e nwere ikwu nyere Chineke.

3 אשא דעי למרחוק ולפעלי אתן-צדק

Ana m enweta amamihe m site nʼebe dị anya; aga m enye Onye kere m ezi omume.

4 כי-אמנם לא-שקר מלי תמים דעות עמך

Ya doo gị anya na okwu m abụghị okwu ụgha; onye zuruoke nʼihe ọmụma nọnyeere gị.

5 הן-אל כביר ולא ימאס כביר כח לב

“Chineke dị ike ma ọ dịghị eleda mmadụ ọbụla anya; ọ dị ike, bụrụkwa onye na-eme ihe ọbụla o zubere ime.

6 לא-יחיה רשע ומשפט עניים יתן

Ọ naghị edebe ndị ajọ omume ndụ, kama ọ na-enye ndị a na-akpagbu akpagbu ihe ruuru ha.

7 לא-יגרע מצדיק עיניו ואת-מלכים לכסא וישיבם לנצח ויגבהו

Ọ dịghị ewepụ anya ya nʼebe ndị ezi omume nọ, kama ọ na-eme ka ha na ndị eze nọkwasị nʼocheeze, bụrụ ndị e buliri elu ruo mgbe ebighị ebi.

8 ואם-אסורים בזקים ילכדון בחבלי-עני

Ma ọ bụrụ na e kechie ụmụ mmadụ nʼagbụ igwe, jirikwa agbụ nke mkpagbu jidesie ha ike,

9 ויגד להם פעלם ופשעיהם כי יתגברו

ọ na-agwa ha ihe ha mere, na ha sitere na nganga ha mehie.

10 ויגל אזנם למוסר ויאמר כי-ישובון מאון

Ọ na-eme ka ha ṅaa ntị nye ntụziaka, na-enyekwa ha iwu ka ha chegharịa site nʼajọ ihe ha na-eme.

11 אם-ישמעו ויעבדו יכלו ימיהם בטוב ושניהם בנעימים

Ọ bụrụ na ha erube isi, jekwaara ya ozi, ha ga-abụ ndị ga-ebi oge ndụ ha fọdụrụ nʼakụnụba, biekwa ogologo ndụ ha niile nʼafọ ojuju.

12 ואם-לא ישמעו בשלח יעברו ויגועו בבלי-דעת

Ma ọ bụrụ na ha egeghị ntị, ha ga-ala nʼiyi site na mma agha, ha ga-anwụ na-enweghị ọmụma ihe.

13 וחנפי-לב ישימו אף לא ישועו כי אסרם

“Ndị ajọ omume na-ebu iro nʼobi ha. Ha adịghị echegharị kpọkuo ya ọ bụladị mgbe o kere ha agbụ.

14 תמת בנער נפשם וחיתם בקדשים

Ha na-anwụ nʼoge okorobịa ha, nʼetiti ndị ikom na-agba akwụna nʼụlọ arụsị dị iche iche.

15 יחלץ עני בעניו ויגל בלחץ אזנם

Ma ndị na-ahụsị anya ka ọ na-azọpụta site nʼahụhụ ha; na-agwa ha okwu site na mkpagbu ha.

16 ואף הסיתך מפי-צר-- רחב לא-מוצק תחתיה ונחת שלחנך מלא דשן

“Ọ na-achọsi ike ịnapụta gị site nʼọnụ mkpagbu, baa nʼebe sara mbara, ebe mkpagbu na-adịghị, baa na tebul nke jupụtara na nri dị ezi ụtọ.

17 ודין-רשע מלאת דין ומשפט יתמכו

Ma ugbu a, ikpe ọmụma dịịrị ndị ajọ omume na-anyịgbu gị; ikpe ọmụma na ikpe ziri ezi abịakwasịla gị.

18 כי-חמה פן-יסיתך בספק ורב-כפר אל-יטך

Lezie anya ka mmadụ ọbụla ghara iji akụnụba rafuo gị; ekwekwala ka ihe ngarị bara ụba wezuga gị nʼọnọdụ gị.

19 היערך שועך לא בצר וכל מאמצי-כח

Akụnụba gị maọbụ ịdị ike gị ha pụrụ ịnapụta gị ka ị ghara ịnọ na mkpagbu?

20 אל-תשאף הלילה-- לעלות עמים תחתם

Anọla na-echere ka abalị bịa, mgbe a na-adọkpụrụ ndị ụmụ mmadụ site nʼụlọ ha pụọ.

21 השמר אל-תפן אל-און כי-על-זה בחרת מעני

Lezie anya, ka i ghara iche ihu nye ajọ ihe, bụ nke ọ dị ka ị na-ahọrọ karịa mkpagbu.

22 הן-אל ישגיב בכחו מי כמהו מורה

“E buliela Chineke elu nʼike ya, onye bụ onye ozizi dịka ya?

23 מי-פקד עליו דרכו ומי-אמר פעלת עולה

Onye họpụtaara ya ụzọ ọ ga-agbaso, maọbụ sị ya ‘I meela ajọ ihe’?

24 זכר כי-תשגיא פעלו-- אשר שררו אנשים

Cheta ka i bulie ọrụ aka ya elu, bụ nke ụmụ mmadụ torola site nʼabụ.

25 כל-אדם חזו-בו אנוש יביט מרחוק

Mmadụ niile ahụzuola ya; ụmụ mmadụ nọ nʼebe dị anya na-ele ya anya.

26 הן-אל שגיא ולא נדע מספר שניו ולא-חקר

Lee, Chineke dị ukwuu, karịa nghọta anyị. Ọnụọgụgụ afọ ya karịrị mmadụ ịchọpụta.

27 כי יגרע נטפי-מים יזקו מטר לאדו

“Ọ bụ ya na-eme ka ukuru mmiri rigoro nʼelu mgbe anwụ na-acha, nke a na-aghọ mmiri ozuzo nye iyi niile.

28 אשר-יזלו שחקים ירעפו עלי אדם רב

Igwe ojii na-awụdata mmiri dị nʼime ya mee ka mmiri ozuzo dị ukwuu zokwasị ụmụ mmadụ.

29 אף אם-יבין מפרשי-עב תשאות סכתו

Onye pụrụ ịghọta ka o si gbasaa igwe ojii, ka o si ebigbọ site nʼebe obibi ya?

30 הן-פרש עליו אורו ושרשי הים כסה

Lee, ọ gbasaala amụma ya gburugburu ya na-ekpuchi ebe niile dịkarịsịrị omimi nke oke osimiri.

31 כי-בם ידין עמים יתן-אכל למכביר

Nke a bụ ụzọ o si achị mba niile na-enyejukwa ha nri afọ.

32 על-כפים כסה-אור ויצו עליה במפגיע

O ji amụma nke egbe eluigwe kpojuo aka ya, ma na-enye ya iwu itida ihe ọbụla ọ chọrọ.

33 יגיד עליו רעו מקנה אף על-עולה

Ịda ụda nke egbe eluigwe na-akọwa ọbịbịa nke oke ifufe mmiri; ọ bụladị ehi na-eme ka a mara na ọ nọ nso.