איוב 34
| ויען אליהוא ויאמר | 1 |
Elihu loh koep a doo tih,
| שמעו חכמים מלי וידעים האזינו לי | 2 |
Aka cueih rhoek ka ol hnatun uh lamtah aka ming rhoek loh kai taengla hnakaeng uh.
| כי-אזן מלין תבחן וחך יטעם לאכל | 3 |
Hna loh olthui a nuemnai tih lai loh caak te a ten.
| משפט נבחרה-לנו נדעה בינינו מה-טוב | 4 |
Tiktamnah te mamih ham coelh uh sih lamtah a then te mamih lakli ah ming uh sih.
| כי-אמר איוב צדקתי ואל הסיר משפטי | 5 |
Job loh,'Ka tang lalah Pathen loh ka tiktamnah a hnawt.
| על-משפטי אכזב אנוש חצי בלי-פשע | 6 |
Ka tiktamnah khaw ka laithae bang mai la boekoeknah pawt mai ah ka thaltang loh rhawp coeng,’ a ti.
| מי-גבר כאיוב ישתה-לעג כמים | 7 |
Tui bangla tamdaengnah aka o Job bang hlang he om nim.
| וארח לחברה עם-פעלי און וללכת עם-אנשי-רשע | 8 |
Boethae aka saii neh rhoihui bangla yiin tih halang hlang rhoek taengah khaw pongpa.
| כי-אמר לא יסכן-גבר-- ברצתו עם-אלהים | 9 |
'Pathen taengah a ngaingaih vaengah hlang hmaiben pawh,’ a ti.
| לכן אנשי לבב-- שמעו-לי חללה לאל מרשע ושדי מעול | 10 |
Te dongah thinko aka khueh hlang rhoek loh kai taengah hnatun uh. Halangnah he Pathen lamloh savisava tih Tlungthang he dumlai neh savisava coeng.
| כי פעל אדם ישלם-לו וכארח איש ימצאנו | 11 |
Hlang kah bisai he amah taengla a thuung tih hlang a caehlong bangla amah loh a hmuh.
| אף-אמנם אל לא-ירשיע ושדי לא-יעות משפט | 12 |
Pathen tah boe tueng pawt tih Tlungthang loh tiktamnah te a khun sak moenih.
| מי-פקד עליו ארצה ומי שם תבל כלה | 13 |
Amah loh diklai ah unim a khueh tih lunglai he a pum la u taengah nim a tloeng.
| אם-ישים אליו לבו רוחו ונשמתו אליו יאסף | 14 |
Amah taengkah loh a khueh a lungbuei, a mueihla neh a hiil te amah taengla khoem koinih,
| יגוע כל-בשר יחד ואדם על-עפר ישוב | 15 |
Pumsa boeih he rhenten pal vetih hlang he laipi la mael ni.
| ואם-בינה שמעה-זאת האזינה לקול מלי | 16 |
Yakmingnah a om atah he he hnatun lamtah ka olthui ol he hnakaeng lah.
| האף שונא משפט יחבוש ואם-צדיק כביר תרשיע | 17 |
Tiktamnah aka thiinah aisat loh a ngoldoelh tih aka dueng khuet loh m'boe sak aya?
| האמר למלך בליעל-- רשע אל-נדיבים | 18 |
Manghai te,'hlang muen,’ hlangcong te 'Halang,’ a ti nah nim?
| אשר לא-נשא פני שרים ולא נכר-שוע לפני-דל כי-מעשה ידיו כלם | 19 |
Amah loh mangpa maelhmai dan pawt tih tattloel maelhmai lakah rhoeikhang kah a hmat tloe moenih. Amih boeih te amah kut dongah kutngo ni.
| רגע ימתו-- וחצות לילה יגעשו עם ויעברו ויסירו אביר לא ביד | 20 |
Mikhaptok ah a duek dongah pilnam khoyin pathung ah tuen tih khum uh. Kut nen pawt akhaw aka lueng a khoe uh.
| כי-עיניו על-דרכי-איש וכל-צעדיו יראה | 21 |
A mik te hlang kah longpuei dongah a khueh tih a khokan boeih te a hmuh.
| אין-חשך ואין צלמות-- להסתר שם פעלי און | 22 |
Boethae aka saii rhoek thuh hamla hmaisuep om pawt tih dueknah hlipkhup khaw a om moenih.
| כי לא על-איש ישים עוד-- להלך אל-אל במשפט | 23 |
Pathen taengkah laitloeknah dongla a pha ham coeng dongah hlang te koep a cae moenih.
| ירע כבירים לא-חקר ויעמד אחרים תחתם | 24 |
Aka khuet khenah a om pawt ah a phaek tih amih yueng la a tloe a khueh.
| לכן--יכיר מעבדיהם והפך לילה וידכאו | 25 |
Amih kah khoboe te a hmat dongah khoyin ah a maelh tih pop uh.
| תחת-רשעים ספקם-- במקום ראים | 26 |
Halang rhoek ham tah hmuh nah hmuen ah amih te kut a paeng thil.
| אשר על-כן סרו מאחריו וכל-דרכיו לא השכילו | 27 |
Te dongah ni a hnuk lamloh nong uh tangloeng tih a longpuei boeih te cangbam uh pawh.
| להביא עליו צעקת-דל וצעקת עניים ישמע | 28 |
tattloel kah pangngawlnah te a taengla pawk tih mangdaeng kah pangngawlnah a yaak.
| והוא ישקט ומי ירשע-- ויסתר פנים ומי ישורנו ועל-גוי ועל-אדם יחד | 29 |
Tedae amah te mong tih ulong a boe sak. Maelhmai a thuh vaengah ulong anih a mae? Tedae namtom so neh hlang khat soah khaw rhenten om ta.
| ממלך אדם חנף-- ממקשי עם | 30 |
Lailak hlang a manghai khaw pilnam ham hlaeh la poeh.
| כי-אל-אל האמר נשאתי-- לא אחבל | 31 |
Pathen taengah tah,'Ka laikoi pawt khaw ka phueih.
| בלעדי אחזה אתה הרני אם-עול פעלתי לא אסיף | 32 |
Nang kam hmuh pawt ah kai nan thuinuet coeng. Dumlai ka saii mai cakhaw ka koei voel boel eh?,’ a ti nama thui coeng.
| המעמך ישלמנה כי-מאסת--כי-אתה תבחר ולא-אני ומה-ידעת דבר | 33 |
Na hnawt coeng dongah te kah te namah taeng lamloh na thuung aya? Namah loh na coelh coeng, kai long moenih. Te dongah na ming te thui to.
| אנשי לבב יאמרו לי וגבר חכם שמע לי | 34 |
Thinko aka khueh hlang rhoek loh kai taengah thui uh lamtah hlang cueih loh kai taengkah he hnatun saeh.
| איוב לא-בדעת ידבר ודבריו לא בהשכיל | 35 |
Job he mingnah neh cal pawt tih a ol long a cangbam moenih.
| אבי--יבחן איוב עד-נצח על-תשבת באנשי-און | 36 |
A pa nae, boethae hlang kah taikhaih dongah Job loh a yoeyah la loepdak saeh.
| כי יסיף על-חטאתו פשע בינינו יספוק וירב אמריו לאל | 37 |
A tholhnah te mamih laklo ah boekoek neh a koei uh tih kut a paeng dongah Pathen taengah a ol pung,” a ti.
