איוב 31

1 ברית כרתי לעיני ומה אתבונן על-בתולה

Hanki nagrama navuma kezani'afima mago huvempa kema hu'noana, mago mofa'ma negesuna havi antahintahia e'orisnue hu'na huvempa hu'noe.

2 ומה חלק אלוה ממעל ונחלת שדי ממרמים

E'inahu havi avu'ava'zama hanugeno'a, manisgama hu'nea Hankavenentake Anumzamo'a ana havi avu'ava zanirera havi mizana namigahie.

3 הלא-איד לעול ונכר לפעלי און

Havizama hu'za refkoma hu so'ema nosaza vahera Anumzamo'a knaza nezamino, kumi'ma haza vahetera hazenkeza atregeno ne-e.

4 הלא-הוא יראה דרכי וכל-צעדי יספור

Ana nehuno maka zama hua zampina Anumzamo'a avua anteno nenageno, nagama rerakaure'na vuana nenage.

5 אם-הלכתי עם-שוא ותחש על-מרמה רגלי

Nagra mago vahera havigea hu'na revataga nosu'na, havige zantera nagia re'na ovu'noe.

6 ישקלני במאזני-צדק וידע אלוה תמתי

Atrenkeno Anumzamo'a navu'navazania erinteno, fatgoma huno refko'ma nehia sigerire negeno refko huno nageno. Na'ankure nagrama fatgo navu'nava zama nehuana Agrake keno antahino hu'ne.

7 אם תטה אשרי מני הדרך ואחר עיני הלך לבי ובכפי דבק מאום

Hagi Anumzamofo kama atre'na hazama negre'na, navumo kea zante'ma havi antahintahima hu'na kumi'ma hu'nesnua kumiro, mago'a kumi'enema hu'nesnuana,

8 אזרעה ואחר יאכל וצאצאי ישרשו

atrenkeno nagrama hankre'nesnua ne'zana, ru vahe'mo'za vasage'za neho. Hagi nagrama hankre'nesnua avimzana eri tasagi hutreho.

9 אם-נפתה לבי על-אשה ועל-פתח רעי ארבתי

Hagi mago a'ma nege'na havi antahintahima eri'nesnuano, tvaonire'ma nemanisnia ne'mofo a'ma nege'na kenunuma hu'nesanuana,

10 תטחן לאחר אשתי ועליה יכרעון אחרין

atrenkeno nagri a'mo'a ru vemofo a' nemanina, ru venenemo'za a'ni'a ante'za maseho.

11 כי-הוא (היא) זמה והיא (והוא) עון פלילים

Hagi nagra mago vemofo a'enema hazenkema hu'nesanuana, nagra'a tusi nagaze eri nami'noanki'na, ana kumi'ma hu'nesua zantera mizama'a nagra'a erigahue.

12 כי אש היא עד-אבדון תאכל ובכל-תבואתי תשרש

E'i ana kumi'mo'a, mago tevegna hu'neankino, tevava huno nevuno, teve kumapi vugahie. Ana hu'neankino ana maka'zama ante'noa zana, tevemo te fanene hugahie.

13 אם-אמאס--משפט עבדי ואמתי ברבם עמדי

Hagi ko'ma nagri eri'za venenemozane a'nemo'zanema, knazamima eri'za neazage'nama, knazazamima e'orinesnuana,

14 ומה אעשה כי-יקום אל וכי-יפקד מה אשיבנו

inankna hu'na Anumzamofo avurera nagra keagafina otigahue? Inankna hunka eri'za vaheka'a kegava hu'nane huno Anumzamo'ma nagenokama hanige'na, na'ane hu'na kenona huntegahue?

15 הלא-בבטן עשני עשהו ויכננו ברחם אחד

Na'ankure Anumzamo'a Agrake nagri'ene eri'za vahe'ni'anena, antatimofo arimpafina tro hurante'ne.

16 אם-אמנע מחפץ דלים ועיני אלמנה אכלה

Hagi zamunte omane vahe'mo'zama mago'a zanku'ma kema nehazage'na, i'ora osu'na amne nezami'na, kento a'nanemo'zama zamazama hanuegu'ma nagrite'ma zamavuma nentazage'na amne zamaza nehu'na,

17 ואכל פתי לבדי ולא-אכל יתום ממנה

nagragukera ontahi'noanki megusa mofavreramina, ne'zana refko hu'na zami'noe.

18 כי מנעורי גדלני כאב ומבטן אמי אנחנה

Nagra osi'ma mani'noregati'ma eno meninte'ma e'neana, megusa mofavre nagara nafa zamigna hu'na kegava hunezmante'na, kento a'nane nagara zamaza hu'na e'noe.

19 אם-אראה אובד מבלי לבוש ואין כסות לאביון

Hagi nonkumazmima omne vahe'ma kukenagu'ma atupa'ma nehazage'na, kukena nezami'na, mago'a zanku'ma atupa'ma nehaza vahera kukenane nakreku'enena zami'noe.

20 אם-לא ברכוני חלצו ומגז כבשי יתחמם

Ana nehu'na zamazeri amuhoma hanigu sipisipi azokateti'ma trohu'naza nakre kura zamuge'za antani'za amuhogu'ma nehu'za musema nehu'za, nagrira husga hunante'naze.

21 אם-הניפותי על-יתום ידי כי-אראה בשער עזרתי

Hagi keaga refkohu ne'mo'a, nagri kaziga antegahie nehu'na, nagra keagafina oti'na megusa mofavre naga'ma keagama huzmantesnuana,

22 כתפי משכמה תפול ואזרעי מקנה תשבר

nazamo'a nazo'nafinti rutasagi huramigahie.

23 כי פחד אלי איד אל ומשאתו לא אוכל

Na'ankure nagrama koro'ma nehuana, Anumzamo'a knazana atreni'geno eme nazeri haviza hugahie hu'na nentahue. Hagi Anumzamo'ma hankaveareti'ma nazeri havizama nehaniana, nagrira amuhazani'a omane'ne.

24 אם-שמתי זהב כסלי ולכתם אמרתי מבטחי

Hagi nagra zagofina amuha zani'a nonte'na, golimo'a naza hugahie hu'na namentintia nosue.

25 אם-אשמח כי-רב חילי וכי-כביר מצאה ידי

Nagra'a nazapinti'ma erifore hu'na ante'noa zago fenokura navufga erisga nosu'na,

26 אם-אראה אור כי יהל וירח יקר הלך

monare'ma me'neno nerea zagere'ene ikamo'ma knare zantfama huno remsama nehige'na monora huonte'na,

27 ויפת בסתר לבי ותשק ידי לפי

e'i ana zantera mago narimpa hu'na monora hunonte'na, nzantetira zanahe'na antakora osu'noe.

28 גם-הוא עון פלילי כי-כחשתי לאל ממעל

Hanki nagrama anama hu'nesanuana kumi hu'noankino, kema refko'ma hunantesnia nemo'a knaza namigahie. Na'ankure onagamu monafinkama nemania Anumzamofontera havige hu'na eri fraki'nogu anara hugahie.

29 אם-אשמח בפיד משנאי והתעררתי כי-מצאו רע

Hagi ha' vahe'nimo'zama knazampima mani'nazage'na nezamage'na, nagra musena nehu'na zamagizana ore'noe.

30 ולא-נתתי לחטא חכי-- לשאל באלה נפשו

Ana nehu'na magore hu'na zamazeri haviza hu nanekea hu'na kumira nosu'na, havizama hunante'nazarera nona osu'noe.

31 אם-לא אמרו מתי אהלי מי-יתן מבשרו לא נשבע

Hagi nagri nompima nemaniza eri'za vahe'nimo'za hu'za, maka eri'za vahe'a ne'zana nezamino magore huno zamatrege'za amnea novaza ne' mani'ne hu'za nagrikura nehaze.

32 בחוץ לא-ילין גר דלתי לארח אפתח

Nagra ozamageno'a vahe'ma nonire'ma azage'na magore hu'na zamatroge'za megira omase'nazanki, kahana anagi hagaro nehu'na, zamavare nompi antoge'za maka zupa mase'naze.

33 אם-כסיתי כאדם פשעי-- לטמון בחבי עוני

Mago'a vahe'mo'zama nehazaza hu'na kumi'ni'a nagu'afina eri frakinaku hu'noanagi, anara osu'noe.

34 כי אערוץ המון רבה-- ובוז-משפחות יחתני ואדם לא-אצא פתח

Hagi rama'a vahe'mo'zama nenage'za, kiza zokago kema hunenantesage'za, naga'nimo'zama eme nasami'zankura korera hu'na nompina omani'noe.

35 מי יתן-לי שמע לי-- הן-תוי שדי יענני וספר כתב איש ריבי

Hagi nagra nagesama antahuana, nagrama nehuankema mago vahe'mo'ma agesama anteno antahiresina knare hisine. Nagra nazanko avona ama antoanki atre'nenkeno Hankavenentake Anumzamo negeno kenona hunanteno. Hagi mago vahe'mo'ma nagri'ma keagama hunantenaku'ma hanuno'a avompi krenteno.

36 אם-לא על-שכמי אשאנו אענדנו עטרות לי

Anama hanige'na muse nehu'na ana avona nazo'nare erigofi'na vano nehu'na, kini fetori'ma hiaza hu'na nasenire antanigahue.

37 מספר צעדי אגידנו כמו-נגיד אקרבנו

Ana nehu'na kini vahe'mofo mofavremo'ma hiaza hu'na, Anumzamofo avuga uoti'na nagra'ama maka navu'nava zama hu'nesanuana ome eri ama hu'na asamigahue.

38 אם-עלי אדמתי תזעק ויחד תלמיה יבכיון

Hagi mopa'nimo'ma haviza hu'nane huno'ma keagama hunantenigeno, hoza tinkamo'a tusi zavi'netenigeno,

39 אם-כחה אכלתי בלי-כסף ונפש בעליה הפחתי

mago vahe'mofo hozafinti ne'za musufa sege, ana hozamofo nefa ahe frige'ma hu'nesanuana,

40 תחת חטה יצא חוח--ותחת-שערה באשה תמו דברי איוב

anama eri nafa'ama hu'nesanua mopafina witimo'a ohesianki ave've trazamoke hageno marenerisanigeno, amne tra'zamo balimofo nona erino hageno marerigahie. Ama ana nanekema huvagareteno'a, Jopua kea osu'ne.