איוב 23

1 ויען איוב ויאמר

Mgbe ahụ, Job zara sị:

2 גם-היום מרי שחי ידי כבדה על-אנחתי

“Ọ bụladị taa, mkpesa m dị ilu; aka ya dị arọ megide m nʼagbanyeghị ịsụ ude m.

3 מי-יתן ידעתי ואמצאהו אבוא עד-תכונתו

A sịkwa na m maara ebe m ga-achọta ya; a sịkwa na m nwere ike ijeru ebe obibi ya!

4 אערכה לפניו משפט ופי אמלא תוכחות

Aga m edozi mkpesa m nʼusoro nʼihu ya were ịrụ ụka mejuo ọnụ m.

5 אדעה מלים יענני ואבינה מה-יאמר לי

Aga m achọpụta ihe o ga-aza m ma tuleekwa ihe ọ ga-agwa m.

6 הברב-כח יריב עמדי לא אך-הוא ישם בי

Ọ ga-eji ike dị egwu megide m? Mba, ọ gaghị ebo m ebubo.

7 שם--ישר נוכח עמו ואפלטה לנצח משפטי

Nʼebe ahụ, onye ziri ezi ga-eme mkpesa nʼihu ya. Nʼebe ahụ, a ga-anapụtakwa m site nʼaka onye ikpe m rụọ mgbe ebighị ebi.

8 הן קדם אהלך ואיננו ואחור ולא-אבין לו

“Ma ọ bụrụ na m agaa nʼọwụwa anyanwụ ọ nọghị nʼebe ahụ; ọ bụrụ na m gaa nʼọdịda anyanwụ, agaghị m achọta ya.

9 שמאול בעשתו ולא-אחז יעטף ימין ולא אראה

Mgbe ọ nọ nʼọrụ nʼugwu anaghị m ahụ ya, mgbe ọ lọghachiri na ndịda anaghị m ahụkwa ya.

10 כי-ידע דרך עמדי בחנני כזהב אצא

Ma ọ maara ụzọ m na-aga, mgbe ọ nwapụtasịrị m, aga m apụta dịka ọlaedo,

11 באשרו אחזה רגלי דרכו שמרתי ולא-אט

ụkwụ m abụọ na-agbaso nzọ ụkwụ ya; ana m eso ụzọ ya na-atụgharịghị nʼaka nri maọbụ aka ekpe.

12 מצות שפתיו ולא אמיש מחקי צפנתי אמרי-פיו

Esibeghị m nʼiwu nke si nʼọnụ ya pụta wezuga onwe m; a na m echekwa okwu ọnụ ya karịa nri nke m na-eri kwa ụbọchị.

13 והוא באחד ומי ישיבנו ונפשו אותה ויעש

“Ma o guzo naanị ya, onye pụrụ iguzogide ya? Ọ na-eme ihe ọbụla masịrị ya.

14 כי ישלים חקי וכהנה רבות עמו

Ọ na-emezu ụkpụrụ ya niile o zubere megide m, ọ ka nwekwara nzube ndị ọzọ yiri nke a o dobere imegide m.

15 על-כן מפניו אבהל אתבונן ואפחד ממנו

Nʼihi ya ka obi ji ama m jijiji nʼihu ya; mgbe m chetara banyere ihe ndị a niile, ana m atụ egwu ya.

16 ואל הרך לבי ושדי הבהילני

Chineke emeela ka obi m daa mba; Onye pụrụ ime ihe niile emeela ka m maa jijiji.

17 כי-לא נצמתי מפני-חשך ומפני כסה-אפל

Ma ọchịchịrị emeghị ka m mechie ọnụ m, bụ oke ọchịchịrị nke kpuchiri ihu m.