איוב 22

1 ויען אליפז התמני ויאמר

Ket simmungbat ni Elipas a Temanita ket kinunana,

2 הלאל יסכן-גבר-- כי-יסכן עלימו משכיל

“Adda kadi serserbi ti tao iti Dios? Adda kadi serserbi ti nasarib a tao kenkuana?

3 החפץ לשדי כי תצדק ואם-בצע כי-תתם דרכיך

Pakaragsakan kadi ti Mannakabalin-amin no nalintegka? Adda kadi ti magun-odna no aramidem dagiti wagasmo nga awan pakababalawanna?

4 המיראתך יכיחך יבוא עמך במשפט

Gapu kadi iti panagraemmo kenkuana a tubtubngarennaka ken uk-ukomennaka?

5 הלא רעתך רבה ואין-קץ לעונתיך

Saan kadi a nakaro ti kinadangkesmo? Awan kadi ti pagpatinggaan dagiti kinadakesmo?

6 כי-תחבל אחיך חנם ובגדי ערומים תפשיט

Ta pinilitmo nga innala ti pammatalged manipud iti kabsatmo nga awan gapgapuna; linabusam ti maysa a lamo-lamo a tao kadagiti pagan-anayna.

7 לא-מים עיף תשקה ומרעב תמנע-לחם

Saanka a nangted iti danum nga inumen dagiti nabannog a tattao; inyimutmo ti tinapay kadagiti mabisin a tattao.

8 ואיש זרוע לו הארץ ונשוא פנים ישב בה

uray no sika, a nabileg a tao, tinagikuam ti daga, uray no sika, mararaem a tao, nagnaedka iti daytoy.

9 אלמנות שלחת ריקם וזרעות יתמים ידכא

Pinapanawmo dagiti balo nga awanan; natukkol dagiti takkiag dagiti ulila.

10 על-כן סביבותיך פחים ויבהלך פחד פתאם

Ngarud, adda dagiti silo iti amin nga aglawlawmo, ken rirriribukennaka ti kellaat a panagbuteng.

11 או-חשך לא-תראה ושפעת-מים תכסך

Adda ti kinasipnget, tapno saanka a makakita; liplipusennaka ti aglaplapusanan a danum.

12 הלא-אלוה גבה שמים וראה ראש כוכבים כי-רמו

Saan kadi nga adda ti Dios kadagiti kinangato ti langit? Kitaem ti kinangato dagiti bituen, anian a nagngatoda!

13 ואמרת מה-ידע אל הבעד ערפל ישפוט

Ibagbagam, 'Ania ti ammo ti Dios? Makaukom kadi isuna iti nakaro a kinasipnget?

14 עבים סתר-לו ולא יראה וחוג שמים יתהלך

Dagiti napuskol nga ulep ket maysa a manglinglinged kenkuana, isu a saannatayo a makitkita; magmagna isuna iti dakkel a silid ti langit.'

15 הארח עולם תשמור-- אשר דרכו מתי-און

Agtultuloyka kadi iti daan a dalan a nagnaan dagiti nadangkes a tattao -

16 אשר-קמטו ולא-עת נהר יוצק יסודם

dagiti narabsut sakbay pay ti tiempoda, dagiti naiyanud dagiti pundasionda a kas iti maysa a karayan,

17 האמרים לאל סור ממנו ומה-יפעל שדי למו

dagiti nangibaga iti Dios, 'Adaywannakami'; dagiti nangibaga, 'Ania ti maaramidan ti Mannakabalin-amin kadakami?'

18 והוא מלא בתיהם טוב ועצת רשעים רחקה מני

Nupay kasta, pinunnona dagiti babbalayda kadagiti naimbag a banbanag; adayo kaniak dagiti panggep dagiti nadangkes a tattao.

19 יראו צדיקים וישמחו ונקי ילעג-למו

Makita dagiti nalinteg a tattao ti gasatda ket maragsakanda; katkatawaan ida dagiti awan basolna a tattao a mangum-umsi.

20 אם-לא נכחד קימנו ויתרם אכלה אש

Kunada, '“Awan dua-dua a maputed dagiti tumakder a maibusor kadatayo; inuram ti apuy dagiti sanikuada.'

21 הסכן-נא עמו ושלם בהם תבואתך טובה

Ita, makianamongka iti Dios ken makikapiaka kenkuana; iti kasta a wagas, umayto kenka ti kinaimbag.

22 קח-נא מפיו תורה ושים אמריו בלבבך

Agpakpakaasiak kenka, awatem ti pagannurotan manipud iti ngiwatna; salimetmetam dagiti sasaona dita pusom.

23 אם-תשוב עד-שדי תבנה תרחיק עולה מאהלך

No agsublika iti Mannakabalin-amin, mapapigsaka, no iyadayom ti kinakillo kadagiti toldam.

24 ושית-על-עפר בצר ובצור נחלים אופיר

Ikabilmo dagiti gamengmo iti tapok, ti balitok ti Ophir kadagiti batbato dagiti waig,

25 והיה שדי בצריך וכסף תועפות לך

ket ti Mannakabalin-amin ti agbalinto a gamengmo, ti napateg a pirak kenka.

26 כי-אז על-שדי תתענג ותשא אל-אלוה פניך

Ta kalpasanna agragsakanto iti Mannakabalin-amin; itangadmonto ti rupam iti Dios.

27 תעתיר אליו וישמעך ונדריך תשלם

Agkararagkanto kenkuana, ket denggennakanto; aramidemto dagiti sapatam kenkuana.

28 ותגזר-אמר ויקם לך ועל-דרכיך נגה אור

Mangikeddengkanto met iti aniaman a banag, ket mapasingkedanto kenka; agraniagto ti silaw kadagiti dalanmo.

29 כי-השפילו ותאמר גוה ושח עינים יושע

Ipababa ti Dios ti napalangguad a tao, ken isalakanna dagiti nakadumog.

30 ימלט אי-נקי ונמלט בבר כפיך

Ispalenna ti tao nga awan basolna; maispalkanto babaen iti kinadalus dagiti imam.”