איוב 20

1 ויען צפר הנעמתי ויאמר

Mgbe ahụ, Zofa onye Neama zara sị:

2 לכן שעפי ישיבוני ובעבור חושי בי

“Enweghị udo nke echiche m na-akpali m izaghachi nʼihi na anọ m na mwute dị ukwuu.

3 מוסר כלמתי אשמע ורוח מבינתי יענני

Anụla m okwu mkparị nke ileda anya nye m, ma nghọta m na-akpalịte m ịzaghachi gị.

4 הזאת ידעת מני-עד מני שים אדם עלי-ארץ

“Nʼezie, ị maara otu ọ dị site na mgbe ochie, ya bụ kemgbe e debere mmadụ nʼụwa.

5 כי רננת רשעים מקרוב ושמחת חנף עדי-רגע

Obi ụtọ nke onye na-emebi iwu na-adị nwa mgbe nta, ọṅụ nke ndị na-amaghị Chineke na-anọ naanị nwa oge.

6 אם-יעלה לשמים שיאו וראשו לעב יגיע

Nʼagbanyeghị na ịnya isi ya ga-eru eluigwe, na isi ya ga-emetụkwa igwe ojii;

7 כגללו לנצח יאבד ראיו יאמרו איו

ọ ga-ala nʼiyi ebighị ebi, dịka nsị ya onwe ya nyụrụ; ndị maara ya ga-ajụ, ‘Olee ebe ọ nọ?’

8 כחלום יעוף ולא ימצאהו וידד כחזיון לילה

Ọ ga-efelaga dịka nrọ, agaghị achọtakwa ya mgbe ọbụla, dịka ọhụ abalị nke e chefuru echefu.

9 עין שזפתו ולא תוסיף ולא-עוד תשורנו מקומו

Anya hụrụ ya na mbụ agaghị ahụkwa ya ọzọ, ebe obibi ya agaghị elegidekwa ya anya ọzọ.

10 בניו ירצו דלים וידיו תשבנה אונו

Ụmụ ya ga-achọ ihuọma site nʼaka ndị ogbenye; aka ya abụọ kwa ga-enyeghachi akụ ya.

11 עצמותיו מלאו עלומו ועמו על-עפר תשכב

Ọkpụkpụ ya nke jupụtara nʼike okorobịa ga-eso ya bụrụ ihe a ghanyere na ntụ.

12 אם-תמתיק בפיו רעה-- יכחידנה תחת לשנו

“Ọ bụ ezie na ihe ọjọọ na-atọ ya ụtọ nʼọnụ, na ọ na-ezokwa ya nʼokpuru ire ya;

13 יחמל עליה ולא יעזבנה וימנענה בתוך חכו

ọ bụ ezie na ọ pụghị nʼịhapụ ya, ọ na-edebe ya nʼọnụ ya,

14 לחמו במעיו נהפך מרורת פתנים בקרבו

ma nri ọ na-eri ga-aghọ ihe gbara ụka nʼafọ ya, ọ ga-aghọkwa elo agwọ nʼime afọ ya.

15 חיל בלע ויקאנו מבטנו ירשנו אל

Ọ ga-agbọpụta akụnụba niile o lodara; Chineke ga-eme ka o si nʼafọ ya gbọpụtachaa ha.

16 ראש-פתנים יינק תהרגהו לשון אפעה

Ọ ga-amịcha elo agwọ, eze agwọ ajụala ga-egbu ya.

17 אל-ירא בפלגות-- נהרי נחלי דבש וחמאה

Ọ gaghị anụ ụtọ mmiri si nʼiyi, bụ iyi nke na-asọ asọ nke jupụtara na mmanụ aṅụ na mmiri ara ehi rahụrụ arahụ.

18 משיב יגע ולא יבלע כחיל תמורתו ולא יעלס

Ihe ọ rụpụtara ka ọ ga-eji kwụghachi ụgwọ o ji na-erighị ma otu. Uru ọ zụtara nʼahịa agaghị abụrụ ya ihe ọṅụ.

19 כי-רצץ עזב דלים בית גזל ולא יבנהו

Nʼihi na ọ kpagburu ndị ogbenye, hapụ ha na-enweghị olileanya ọbụla, ọ nakọtakwara ụlọ nke ọ na-ewughị.

20 כי לא-ידע שלו בבטנו בחמודו לא ימלט

“Nʼezie, ọ gaghị enwe izuike site nʼoke ọchịchọ ya; ọ gaghị azọpụtakwa onwe ya site nʼụlọakụ ya.

21 אין-שריד לאכלו על-כן לא-יחיל טובו

Ọ dịghị ihe fọdụụrụ ya iripịa, ọganihu ya agaghị adịgide.

22 במלאות שפקו יצר לו כל-יד עמל תבאנו

Nʼetiti ihe niile o nwere ka mkpagbu ga-abịakwasị ya, oke ịta ahụhụ ga-adakwasị ya.

23 יהי למלא בטנו--ישלח-בו חרון אפו וימטר עלימו בלחומו

Mgbe o rijuru afọ ka Chineke ga-eme ka iwe ya dị ọkụ megide ya, iti aka Chineke ga-adakwasị ya dịka mmiri ozuzo.

24 יברח מנשק ברזל תחלפהו קשת נחושה

Ọ bụrụ na o si na ngwa agha e ji igwe kpụọ gbalaga, àkụ nke e ji ọla bronz kpụọ ọnụ ya ga-amapu ya ahụ.

25 שלף ויצא מגוה וברק ממררתו יהלך עליו אמים

Nʼazụ ya ka ọ na-esi mịpụta ya, site nʼumeju ya ka a ga-esi mịpụta ọnụ ya na-egbu amụma. Oke egwu dị iche iche ga-abịakwasị ya.

26 כל-חשך טמון לצפוניו תאכלהו אש לא-נפח ירע שריד באהלו

Oke ọchịchịrị nọ na-echere akụnụba ya, ọkụ nke a na-afụnwughị afụnwu ga-erepịa ya ọ ga-erechapụkwa ihe niile fọdụrụ nʼụlọ ikwu ya.

27 יגלו שמים עונו וארץ מתקוממה לו

Eluigwe ga-ekpughe ikpe ọmụma ya ụwa niile ga-ebili megide ya.

28 יגל יבול ביתו נגרות ביום אפו

Idee mmiri ga-ebupu ụlọ ya; oke mmiri okwukwo nʼụbọchị iwe Chineke.

29 זה חלק-אדם רשע--מאלהים ונחלת אמרו מאל

Nke a bụ oke nke Chineke debeere ndị na-emebi iwu, ya bụkwa ihe nketa nke Chineke kwadooro ha.”