איוב 19

1 ויען איוב ויאמר

Ket simmungbat ni Job ket kinunana,

2 עד-אנה תוגיון נפשי ותדכאונני במלים

“Kasano kabayag ti panangpasagaba ken panangrumekyo kaniak babaen kadagiti sasao?

3 זה עשר פעמים תכלימוני לא-תבשו תהכרו-לי

Kadagitoy a sangapulo a daras ket inumsidak; saankayo a nagbain a trinatodak iti saan a nasayaat.

4 ואף-אמנם שגיתי אתי תלין משוגתי

No pudno daytoy nagbiddutak, agtalinaed ti biddutko a bukodko a pakaseknan.

5 אם-אמנם עלי תגדילו ותוכיחו עלי חרפתי

No pudno nga agparammagkayo maibusor kaniak ken allukoyenyo ti tunggal maysa a napabainanak,

6 דעו-אפו כי-אלוה עותני ומצודו עלי הקיף

ket ammoyo koma a nakaaramid ti Dios iti saan a nasayaat kaniak ket tiniliwnak iti iketna.

7 הן אצעק חמס ולא אענה אשוע ואין משפט

Adtoy, immawagak tapno ibagak a saan a nasayaat ti naaramid kaniak, ngem saannak nga impangag; agpatpatulongak, ngem awan ti hustisia.

8 ארחי גדר ולא אעבור ועל נתיבותי חשך ישים

Inaladanna ti pagnaak tapno saanak a makalasat, ken pinasipngetna ti dalanko.

9 כבודי מעלי הפשיט ויסר עטרת ראשי

Inussobna ti dayagko, ken innalana ti balangat manipud iti ulok.

10 יתצני סביב ואלך ויסע כעץ תקותי

Binuraknak iti tunggal sikigan, ket napukawak; pinag-otna dagiti namnamak a kasla maysa a kayo.

11 ויחר עלי אפו ויחשבני לו כצריו

Pinasgedanna pay ti pungtotna a maibusor kaniak; imbilangnak a kas maysa kadagiti kabusorna.

12 יחד יבאו גדודיו--ויסלו עלי דרכם ויחנו סביב לאהלי

Immay a sangsangkamaysa dagiti buyotna; nagaramidda kadagiti buntoon iti aglawlaw a maibusor kaniak ken nagkampoda iti aglawlaw ti toldak.

13 אחי מעלי הרחיק וידעי אך-זרו ממני

Inyadayona kaniak dagiti kakabsatko; dagiti am-ammok ket immadayo ti riknada kaniak.

14 חדלו קרובי ומידעי שכחוני

Pinanawandakon dagiti kakabagiak; nalipatandakon dagiti nasinged a gagayyemko.

15 גרי ביתי ואמהתי לזר תחשבני נכרי הייתי בעיניהם

Imbilangdak a kas ganggannaet dagiti naminsan a nagtalinaed a kas sangaili iti pagtaengak ken imbilangdak a kas ganggannaet dagiti babbai nga adipenko; ganggannaetak iti imatangda.

16 לעבדי קראתי ולא יענה במו-פי אתחנן-לו

Immawagak iti adipenko, ngem saannak a sinungbatan uray no inayabak isuna babaen iti ngiwatko.

17 רוחי זרה לאשתי וחנתי לבני בטני

Makarurod ti sang-awko iti asawak; kagura dagiti kakabsatko a lallaki ken babbai ti pakaasik.

18 גם-עוילים מאסו בי אקומה וידברו-בי

Uray dagiti ub-ubbing ket lalaisendak; no tumakderak nga agsao, agsaoda a maibusor kaniak.

19 תעבוני כל-מתי סודי וזה-אהבתי נהפכו-בי

Kaguradak dagiti amin a nasinged a gagayyemko; timmallikod a maibusor kaniak dagiti ay-ayatek.

20 בעורי ובבשרי דבקה עצמי ואתמלטה בעור שני

Dimketen dagiti tulangko iti kudilko ken iti lasagko; makalasatak laeng babaen kadagiti kudil ti ngipenko.

21 חנני חנני אתם רעי כי יד-אלוה נגעה בי

Maasikayo kaniak, maasikayo kaniak, gagayyemko, gapu ta sinagidnak ti ima ti Dios.

22 למה תרדפני כמו-אל ומבשרי לא תשבעו

Apay nga idaddadanesdak a kasla dakayo ti Dios? Apay a saankayo a mapnek a mangib-ibus iti lasagko?

23 מי-יתן אפו ויכתבון מלי מי-יתן בספר ויחקו

O, a maisurat koman ita dagiti sasaok! O, a mailanad koma dagitoy iti maysa a libro!

24 בעט-ברזל ועפרת-- לעד בצור יחצבון

O, a babaen iti landok a paet ken iti buli ket maikitikit dagitoy iti bato iti agnanayon!

25 ואני ידעתי גאלי חי ואחרון על-עפר יקום

Ngem maipapan kaniak, ammok a sibibiag ti Mannubbotko, ket agtakderto isuna iti daga iti kamaudiananna;

26 ואחר עורי נקפו-זאת ומבשרי אחזה אלוה

kalpasan a ti kudilko, dayta ket, daytoy a bagi, ket madadael, ket iti lasagko ket makitakto ti Dios.

27 אשר אני אחזה-לי--ועיני ראו ולא-זר כלו כליתי בחקי

Makitakto isuna, siak a mismo ket makitakto isuna iti abayko; makitanto dagiti matak isuna, ken saan a kas maysa a ganggannaet. Napnoanak iti karirikna kas panpanunotek dayta a tiempo.

28 כי תאמרו מה-נרדף-לו ושרש דבר נמצא-בי

No ibagayo, 'Kasanotayo a parigaten isuna! Adda kenkuana ti ramut dagiti pakariribukanna,'

29 גורו לכם מפני-חרב--כי-חמה עונות חרב למען תדעון שדין (שדון)

ket agbutengkayo koma iti kampilan, gapu ta iyeg ti pungtot ti dusa ti kampilan, tapno maammoanyo nga adda iti pannakaukom.”