איוב 16

1 ויען איוב ויאמר

Ningĩ Ayubu agĩcookia atĩrĩ:

2 שמעתי כאלה רבות מנחמי עמל כלכם

“Nĩnjiguĩte maũndũ maingĩ ta macio; inyuothe mũrĩ ahoorerania a kũnyamarania!

3 הקץ לדברי-רוח או מה-ימריצך כי תענה

Mĩario ĩyo yanyu mĩingĩ ya mũhũhũtĩko-rĩ, ndĩrĩĩthira? Nĩ kĩĩ kĩramũthĩĩnia, gĩgatũma mũtinde mũgĩkararania?

4 גם אנכי-- ככם אדברה לו יש נפשכם תחת נפשי-- אחבירה עליכם במלים ואניעה עליכם במו ראשי

O na niĩ no njarie ta inyuĩ, korwo nĩ inyuĩ mũrĩ harĩa ndĩ; niĩ no njarie mĩario mĩega ya kũmũciirithia na ndĩmũinainĩrie mũtwe.

5 אאמצכם במו-פי וניד שפתי יחשך

No rĩrĩ, kanua gakwa no kamũũmĩrĩrie; ũhoorerania uumĩte mĩromo-inĩ yakwa no ũmũhoorerie.

6 אם-אדברה לא-יחשך כאבי ואחדלה מה-מני יהלך

“No o na ndaaria-rĩ, ruo rwakwa rũtirathira; o na ndegirĩrĩria kwaria-rĩ, rũtiranjeherera.

7 אך-עתה הלאני השמות כל-עדתי

Ti-itherũ, Wee Ngai nĩũũnogeetie; nĩũharaganĩtie nyũmba yakwa yothe.

8 ותקמטני לעד היה ויקם בי כחשי בפני יענה

Wee nĩũnjoheete, naguo ũndũ ũcio ũgatuĩka ũira; ũhĩnju ũyũ ndĩ naguo nĩwambararĩte ũkaanyumbũra ũrĩa ndariĩ.

9 אפו טרף וישטמני--חרק עלי בשניו צרי ילטש עיניו לי

Ngai nĩandooretie na akandembũranga nĩ ũrĩa arakarĩte, akaahagaranĩria magego; ũcio thũ yakwa nĩangũũrĩire maitho.

10 פערו עלי בפיהם--בחרפה הכו לחיי יחד עלי יתמלאון

Andũ nĩmathamĩtie tũnua twao maathekerere; mangũthaga rũthĩa makĩĩnyũrũragia, na makanyiitana hamwe manjũkĩrĩre.

11 יסגירני אל אל עויל ועל-ידי רשעים ירטני

Mũrungu nĩandekereirie kũrĩ andũ arĩa ooru, na akanjikia mĩtego-inĩ ya arĩa aaganu.

12 שלו הייתי ויפרפרני-- ואחז בערפי ויפצפצני ויקימני לו למטרה

Niĩ ndaikarĩte wega, nowe agĩĩthethera; aanyiitire mũmero, akĩĩhehenja. We anduĩte cabaa wake wa kũrathagwo;

13 יסבו עלי רביו-- יפלח כליותי ולא יחמל ישפך לארץ מררתי

aikia a mĩguĩ ake nĩmandigiicĩirie. Aratheeca higo ciakwa atarĩ na tha, na agaita maaĩ makwa ma nyongo thĩ.

14 יפרצני פרץ על-פני-פרץ ירץ עלי כגבור

Aatharĩkagĩra maita maingĩ maingĩ; anguthũkagĩra ta njamba ya ita.

15 שק תפרתי עלי גלדי ועללתי בעפר קרני

“Ndumĩire gĩkonde gĩakwa kĩa mwĩrĩ nguo ya ikũnia, na ngahitha thiithi wakwa rũkũngũ-inĩ.

16 פני חמרמרה (חמרמרו) מני-בכי ועל עפעפי צלמות

Ũthiũ wakwa nĩũtunĩhĩte nĩkũrĩra, nduma nene ĩgakĩhumbĩra maitho makwa;

17 על לא-חמס בכפי ותפלתי זכה

no rĩrĩ, moko makwa matirĩ ũndũ wa ũhinya mekĩte namo mahooya makwa nĩ matheru.

18 ארץ אל-תכסי דמי ואל-יהי מקום לזעקתי

“Wee thĩ-rĩ, ndũkahumbĩre thakame yakwa; kĩrĩro gĩakwa kĩroaga gũkaahuurũkio!

19 גם-עתה הנה-בשמים עדי ושהדי במרמים

O na rĩu-rĩ, mũira wakwa arĩ igũrũ; ũcio mũnjiirĩrĩri arĩ o igũrũ.

20 מליצי רעי אל-אלוה דלפה עיני

Mũũthaithanĩrĩri nĩ mũrata wakwa rĩrĩa maitho makwa maraita maithori harĩ Ngai;

21 ויוכח לגבר עם-אלוה ובן-אדם לרעהו

nĩathaithanagĩrĩra mũndũ kũrĩ Ngai, o ta ũrĩa mũndũ athaithanagĩrĩra mũratawe.

22 כי-שנות מספר יאתיו וארח לא-אשוב אהלך

“No mĩaka mĩnini ĩgũthira, thiĩ rũgendo rũrĩa mũndũ athiiaga na ndacooke.