איוב 15
| ויען אליפז התימני ויאמר | 1 |
Hagi anante Tema kumateti ne' Elifasi'a amanage huno Jopuna kenona hunte'ne,
| החכם יענה דעת-רוח וימלא קדים בטנו | 2 |
Knare antahi'zane vahe'mo'a e'inara huno agafa'a omne kea ohantagege, zage hanati kazigati amuhonentake zaho'mo eno eme vazi zoreankna huno agi'arina osiresine.
| הוכח בדבר לא-יסכון ומלים לא-יועיל בם | 3 |
Hagi knare antahi'zane vahe'mo'a nena'a omne kea huno ke hara regahifi?
| אף-אתה תפר יראה ותגרע שיחה לפני-אל | 4 |
Hianagi kagra Anumzamofona korora huntenka, agesga hunka Agri agorga nomanine.
| כי יאלף עונך פיך ותבחר לשון ערומים | 5 |
Hagi kumika'amo hugasmigenka nanekea nehane. Kagra knare nanekema hunka vahe'ma azeri savri'ma hu'arera knare hu'nane.
| ירשיעך פיך ולא-אני ושפתיך יענו-בך | 6 |
Nagra huhaviza hunogantoanki, kagri kagi'mo huhaviza hunegante. Kagri kagefu'namo maka havizanka'a huama hunegante.
| הראישון אדם תולד ולפני גבעות חוללת | 7 |
Kagra kagesama antahi'nana, vahera fore osu'nege'na nagra esera fore hu'noe hunka nehampi? Hifi kagrama kagesama antahinana, agonaramina fore osu'nege'na nagra fore hutogeno, henka fore hu'ne hunka nehano?
| הבסוד אלוה תשמע ותגרע אליך חכמה | 8 |
Anumzamo'ma Agra'a keagama retroma hifina kagra mani'nampi? Hagi kagrake'za knare antahi'zana erinampi?
| מה-ידעת ולא נדע תבין ולא-עמנו הוא | 9 |
Hagi tagrama antahita ketama osu'nona zana, na'a tagaterenka nentahinka, tagrama antahini'ma osu'nona zana, na'a tagaterenka kagra antahinira hu'nane?
| גם-שב גם-ישיש בנו-- כביר מאביך ימים | 10 |
Hagi tagri kazigama mani'naza ranra vahe'ma, efeke zamazoka'ma reana vahe'mo'za kagri negafana agatere'za za'zakna mani'naze.
| המעט ממך תנחומות אל ודבר לאט עמך | 11 |
Hagi knafima mani'nankeno Anumzamo'ma kazeri so'ema hiazamo'a, osi huno knarera huogantefi? Hagi akoheno'ma fru kema hugamia kemo'a, knarera huoganteo?
| מה-יקחך לבך ומה-ירזמון עיניך | 12 |
Na'amo higeno antahintahi kamo'a afe'arera nevigeno, kavumo'a ke so'ea nosie?
| כי-תשיב אל-אל רוחך והצאת מפיך מלין | 13 |
E'ina'ma nehigenka Anumzamofona krimpa ahenentenka, keonke keretira azeri havizana nehane?
| מה-אנוש כי-יזכה וכי-יצדק ילוד אשה | 14 |
Hagi ama mopafina magore huno agru vahera omani'neankino, ama mopafina fatgo vahera omanitfa hu'ne.
| הן בקדשו לא יאמין ושמים לא-זכו בעיניו | 15 |
Hagi ko, Anumzamo'a ankero vahetmina antahi nozmie. Hagi monafi vahe'mo'enena Anumzamofo avurera agrua osu'naze.
| אף כי-נתעב ונאלח איש-שתה כמים עולה | 16 |
Hagi mopafi vahe'mota agru osuta kumike vahe mani'nonankita, kefo avu'ava'ma hu'zankura tinku'ma ave'nesigeno'ma hiaza huno tusi taga'nete.
| אחוך שמע-לי וזה-חזיתי ואספרה | 17 |
Hagi Jopuga nagra kaveri hugahuanki, kama antahio. Nagrama ke'na anthi'nama hu'noa zamofona huama hu'na kasamigahue.
| אשר-חכמים יגידו ולא כחדו מאבותם | 18 |
Knare antahi'zane vahe'mo'zama zamafahe'mofompinti'ma eri'naza antahintahia eri fraoki, eri ama' hazage'na nagra antahi'noe.
| להם לבדם נתנה הארץ ולא-עבר זר בתוכם | 19 |
Hagi e'inahu antahi'zama eri'naza vahera zamagra mopa agafa vahe mani'naze. Hagi zamagra emani vahera omani'naze.
| כל-ימי רשע הוא מתחולל ומספר שנים נצפנו לעריץ | 20 |
Hagi kefo avu'ava zama nehia vahe'mo'a, mika zupa atazampi manino nevie.
| קול-פחדים באזניו בשלום שודד יבואנו | 21 |
Ana nehuno azeri agogofe'zamofo agasasankea antahi vava nehuno, musema huno mani knafinena ha' vahekura korora hu vava nehie.
| לא-יאמין שוב מני-חשך וצפו (וצפוי) הוא אלי-חרב | 22 |
Hagi agrama amentintima hiana, fegi'ma atirami'na hanizampima vanuana, bainati kazinteti nahe frigahaze huno korora nehie.
| נדד הוא ללחם איה ידע כי-נכון בידו יום-חשך | 23 |
Hagi agra bretigura hakeno vano nehuno, igati bretia erigahueha huno agesa nentahie. Hanizamo'ma retrotra'ma huno'ma tava'oma'are'ma me'neana, ko antahino keno hu'ne.
| יבעתהו צר ומצוקה תתקפהו כמלך עתיד לכידור | 24 |
Atazamo'ene hazenke zamo'ene azeri koro higeno, hate vunaku trotra nehia kini ne'mo nehiaza huno antahintahi hakare nehie.
| כי-נטה אל-אל ידו ואל-שדי יתגבר | 25 |
Na'ankure azana anakino mopa nemasagino, Hanavenentake Anumzamofona huhaviza hunte'ne.
| ירוץ אליו בצואר בעבי גבי מגניו | 26 |
Hagi agra hanko azampina eri'neno Anumzamofona hara huntenaku agareno vu'ne.
| כי-כסה פניו בחלבו ויעש פימה עלי-כסל | 27 |
Hanki afovamo'a avugosa eri anonevazigeno afafafina afovamo'a avite'neanagi,
| וישכון ערים נכחדות--בתים לא-ישבו למו אשר התעתדו לגלים | 28 |
agra haviza hu'nea kumapi nemanino, vahe omani zute noma pasru hu'zama hu'nea nompi manigahie.
| לא-יעשר ולא-יקום חילו ולא-יטה לארץ מנלם | 29 |
Hanki fenozamine zago zmimo'enena zazatera omne fanane huge, keonke zama eri nafa'ama hu'zantmimo'a ruzahera huno mopa atumparera vuno enora osugahie.
| לא-יסור מני-חשך--ינקתו תיבש שלהבת ויסור ברוח פיו | 30 |
Hanki agra hanizampintira atreno ofregahie. Hagi zagemofo amuhomo ne'zana te hagege nehanigeno, Anumzamo'ma asimu'ma antesia zaho'mo, ahe fanane hugahie.
| אל-יאמן בשו נתעה כי-שוא תהיה תמורתו | 31 |
Hanki negi vahe'mo'zama nehazaza hu'za nena'a omne fenozantera zamentintia osiho. Na'ankure e'inahu vahe'mo'a agra agu'agesa'ama omne zampintira mago mizana e'origahie.
| בלא-יומו תמלא וכפתו לא רעננה | 32 |
Hanki e'inahu vahera kasefa vahe mani'neza ame hu'za frisageno, zagasefage ani'nane zafamo'ma hariri hiaza hu'za fanene hugahaze.
| יחמס כגפן בסרו וישלך כזית נצתו | 33 |
Hanki agra nena osu'negeno tagi'za tro hu'naza waini tinkna nehuno, olivi zafa amosaremo raga'a fore osu'negeno ame huno tagiramiankna hugahie.
| כי-עדת חנף גלמוד ואש אכלה אהלי-שחד | 34 |
Hanki Anumzamofo kema antahino amage'ma onte vahe'mo'a mofavrea kase nontesigeno, havigema huno knare osu kankmunteti'ma zagoma erino feno vahe'ma mani'nesia vahe'mofo seli nomo'a teveregahie.
| הרה עמל וילד און ובטנם תכין מרמה | 35 |
Na'ankure ana vahe'mo'a hazenke zamofo amu'ene huno kefo avu'ava'za kasenente. E'ina huno arimpafintira havigema huno vahe'ma revatgama hu'za erifore nehie.
