איוב 13
| הן-כל ראתה עיני שמעה אזני ותבן לה | 1 |
“Wò ó, ojú mi ti rí gbogbo èyí rí, etí mí sì gbọ́, ó sì ti yé mi.
| כדעתכם ידעתי גם-אני לא-נפל אנכי מכם | 2 |
Ohun tí ẹ̀yin mọ̀, èmi mọ̀ pẹ̀lú, èmi kò kéré sí i yin.
| אולם--אני אל-שדי אדבר והוכח אל-אל אחפץ | 3 |
Nítòótọ́ èmi ó bá Olódùmarè sọ̀rọ̀, èmi sì ń fẹ́ bá Ọlọ́run sọ àsọyé.
| ואולם אתם טפלי-שקר רפאי אלל כלכם | 4 |
Ẹ̀yin fi irọ́ bá mi sọ̀rọ̀, oníṣègùn lásán ni gbogbo yín.
| מי-יתן החרש תחרישון ותהי לכם לחכמה | 5 |
Háà! ẹ̀yin kì bá kúkú dákẹ́! Èyí ni kì bá sì ṣe ọgbọ́n yín.
| שמעו-נא תוכחתי ורבות שפתי הקשיבו | 6 |
Ẹ gbọ́ àwíyé mi nísinsin yìí; ẹ sì fetísílẹ̀ sí àròyé ẹnu mi.
| הלאל תדברו עולה ולו תדברו רמיה | 7 |
Ẹ̀yin fẹ́ sọ ìsọkúsọ fún Ọlọ́run? Ki ẹ sì fi ẹ̀tàn sọ̀rọ̀ gbè é?
| הפניו תשאון אם-לאל תריבון | 8 |
Ẹ̀yin fẹ́ ṣe ojúsàájú rẹ̀? Ẹ̀yin fẹ́ gbèjà fún Ọlọ́run?
| הטוב כי-יחקר אתכם אם-כהתל באנוש תהתלו בו | 9 |
Ó ha dára to tí yóò hú àṣírí yín síta, tàbí kí ẹ̀yin tàn án bí ẹnìkan ti í tan ẹnìkejì?
| הוכח יוכיח אתכם-- אם-בסתר פנים תשאון | 10 |
Yóò máa bá yín wí nítòótọ́, bí ẹ̀yin bá ṣe ojúsàájú ènìyàn níkọ̀kọ̀.
| הלא שאתו תבעת אתכם ופחדו יפל עליכם | 11 |
Ìwà ọlá rẹ̀ kì yóò bà yín lẹ́rù bí? Ìpayà rẹ̀ kì yóò pá yín láyà?
| זכרניכם משלי-אפר לגבי-חמר גביכם | 12 |
Àwọn òwe yín dàbí eérú, bẹ́ẹ̀ ni àwọn odi ìlú yin dàbí amọ̀.
| החרישו ממני ואדברה-אני ויעבר עלי מה | 13 |
“Ẹ pa ẹnu yín mọ́ kúrò lára mi, kí èmi kí ó lè sọ̀rọ̀, ki ohun tí ń bọ̀ wá í bá mi, le è máa bọ̀.
| על-מה אשא בשרי בשני ונפשי אשים בכפי | 14 |
Ǹjẹ́ nítorí kí ni èmi ṣe ń fi eyín mi bu ẹran-ara mi jẹ, tí mo sì gbé ẹ̀mí mi lé ara mi lọ́wọ́?
| הן יקטלני לא (לו) איחל אך-דרכי אל-פניו אוכיח | 15 |
Bí ó tilẹ̀ pa mí, síbẹ̀ èmi ó máa gbẹ́kẹ̀lé e, èmi ó máa tẹnumọ́ ọ̀nà mi níwájú rẹ̀.
| גם-הוא-לי לישועה כי-לא לפניו חנף יבוא | 16 |
Èyí ni yóò sì ṣe ìgbàlà mi, àgàbàgebè kì yóò wá síwájú rẹ̀.
| שמעו שמוע מלתי ואחותי באזניכם | 17 |
Ẹ gbọ́ ọ̀rọ̀ ẹnu mi ní ìfarabalẹ̀, jẹ́ kí ọ̀rọ̀ mí dún ni etí yín.
| הנה-נא ערכתי משפט ידעתי כי-אני אצדק | 18 |
Wò ó nísinsin yìí, èmi ti mura ọ̀ràn mi sílẹ̀; èmi mọ̀ pé a ó dá mi láre.
| מי-הוא יריב עמדי כי-עתה אחריש ואגוע | 19 |
Ta ni òun ti yóò bá mi ṣàròyé? Ǹjẹ́ nísinsin yìí, èmi fẹ́ pa ẹnu mi mọ́, èmi ó sì jọ̀wọ́ ẹ̀mí mi lọ́wọ́.
| אך-שתים אל-תעש עמדי אז מפניך לא אסתר | 20 |
“Ṣùgbọ́n, má ṣe ṣe ohun méjì yìí sí mi, nígbà náà ni èmi kì yóò sì fi ara mi pamọ́ kúrò fún ọ.
| כפך מעלי הרחק ואמתך אל-תבעתני | 21 |
Fa ọwọ́ rẹ sẹ́yìn kúrò lára mi, má sì jẹ́ kí ẹ̀rù rẹ kí ó pá mi láyà.
| וקרא ואנכי אענה או-אדבר והשיבני | 22 |
Nígbà náà ni kí ìwọ kí ó pè, èmi o sì dáhùn, tàbí jẹ́ kí ń máa sọ̀rọ̀, ki ìwọ kí ó sì dá mi lóhùn.
| כמה לי עונות וחטאות-- פשעי וחטאתי הדיעני | 23 |
Mélòó ní àìṣedéédéé àti ẹ̀ṣẹ̀ mi? Mú mi mọ̀ ìrékọjá àti ẹ̀ṣẹ̀ mi.
| למה-פניך תסתיר ותחשבני לאויב לך | 24 |
Nítorí kí ni ìwọ ṣe pa ojú rẹ mọ́, tí o sì yàn mí ní ọ̀tá rẹ?
| העלה נדף תערוץ ואת-קש יבש תרדף | 25 |
Ìwọ ó fa ewé ti afẹ́fẹ́ ń fẹ́ síyìn-ín sọ́hùn-ún ya bi? Ìwọ a sì máa lépa ìyàngbò?
| כי-תכתב עלי מררות ותורישני עונות נעורי | 26 |
Nítorí pé ìwọ kọ̀wé ohun kíkorò sí mi, o sì mú mi jogún àìṣedéédéé èwe mi.
| ותשם בסד רגלי-- ותשמור כל-ארחתי על-שרשי רגלי תתחקה | 27 |
Ìwọ kàn àbà mọ́ mi lẹ́sẹ̀ pẹ̀lú, ìwọ sì ń wò ipa ọ̀nà ìrìn mi ní àwòfín; nípa fífi ìlà yí gígísẹ̀ mi ká.
| והוא כרקב יבלה כבגד אכלו עש | 28 |
“Bẹ́ẹ̀ ni ènìyàn ń ṣègbé bí ohun ìdíbàjẹ́, bi aṣọ tí kòkòrò jẹ.
