איוב 12

1 ויען איוב ויאמר

Anage higeno Jopu'a amanage huno Sofarina kenona hunte'ne,

2 אמנם כי אתם-עם ועמכם תמות חכמה

Tamagrama antahi'zana tamagrake maka zana antahita keta hu'nazankino frisageno'a, knare antahi'zamo'a fanane hugahie huta nehaze.

3 גם-לי לבב כמוכם--לא-נפל אנכי מכם ואת-מי-אין כמו-אלה

Hianagi nagra'enena kagrama hanaza hu'na ama' antahi'zane vahe mani'noe. Iza kagri negi vahera mani'neno, kagrama hanana nanekea nontahie?

4 שחק לרעהו אהיה--קרא לאלוה ויענהו שחוק צדיק תמים

Nagra fatgo vahe mani'nena Anumzamofontega nunamuna nehugeno nunamuni'a antahinenamia vahe mani'noanagi ronenimota hunanteta nagiza neraze.

5 לפיד בוז לעשתות שאנן-- נכון למועדי רגל

Hagi knare'ma hu'zama nemaniza, knazampima mani'naza vahera huhaviza huzmante'za, kiza nere'za tanafa'ma haza vahera zamaretufenetraze.

6 ישליו אהלים לשדדים ובטחות למרגיזי אל-- לאשר הביא אלוה בידו

Hianagi kumzafa vahe'ene Anumzamofoma amage'ma nontaza vahe'mo'za fru hu'za nemani'za, zamagra'a hanavegu antahizageno anumzazmi asenezmanteanagi Anumzamofo Hihamu hanavefi nemanize.

7 ואולם--שאל-נא בהמות ותרך ועוף השמים ויגד-לך

Hianagi afi zagagafa zmantahigege'za rempi hunegaminagenka, anami kankamumpima hare'za vanoma nehaza namaramina zmantahigege'za kasamiho.

8 או שיח לארץ ותרך ויספרו לך דגי הים

Huge mopamofo antahigegeno rempi hunegamina, atregeno hagerimpi nozamemo'za kasmiho.

9 מי לא-ידע בכל-אלה כי יד-יהוה עשתה זאת

Na'ankure nagritegama maka hazenkezama neiana, Anumzamo atregeno neie hu'za ana zagaramimo'za ke'za antahi'za hu'naze.

10 אשר בידו נפש כל-חי ורוח כל-בשר-איש

Na'ankure mika zagagafamofo asimura Anumzamofo azampi megeno, mika vahe'mofo asimu'mo'enena Agri azampinke me'ne.

11 הלא-אזן מלין תבחן וחך אכל יטעם-לו

Hagi ne'zama neneno'ma haga'ama antahiaza huta tagra'a tagesafinti kea nentahita, kea refko huta nentahune.

12 בישישים חכמה וארך ימים תבונה

Ranra vahepi knare antahi'zana megeno, antahi ama'ma hu' antahi'zana ozafanafafi me'ne.

13 עמו חכמה וגבורה לו עצה ותבונה

Hianagi knare antahi'zane hihamunena Anumzamofompi me'negeno Agripinke knare antahi'zane, antahi ama'mahu antahi'zanena me'ne.

14 הן יהרוס ולא יבנה יסגר על-איש ולא יפתח

Anumzamo'ma eri haviza hu'nesia zana mago vahe'mo'a eri so'e hugara osu'ne. Hagi Agrama kinama huntesia vahera mago'mo'a kinafintira katufetregara osu'ne.

15 הן יעצר במים ויבשו וישלחם ויהפכו ארץ

Anumzamo'ma ko'ma neriazama azerinigeno'a, mopamo'a hagage koka megahie. Hagi Agrama tima azerinenireti'ma atresanigeno'a ti hageno mopa refitegahie.

16 עמו עז ותושיה לו שגג ומשגה

Hagi hihamune knare antahi'zanena Agripi me'neankino, vahe'ma revatgama nehia vahe'ene, anama rezmavatgama nehaza vahe'mo'zanena Agri hanavefi mani'naze.

17 מוליך יועצים שולל ושפטים יהולל

Hagi knare antahi'zama vahe'ma nezmiza vahera knare antahi'zazmia erihana nehuno, keagama refkoma nehaza vahera, zamazeri neginagi vahe kna nehie.

18 מוסר מלכים פתח ויאסר אזור במתניהם

Hagi Agra kini vahe'mokizmia kini kukena'zmia hateno zamafafafi rugagi zmantege'za, kazokzo eri'za vahe kna nehaze.

19 מוליך כהנים שולל ואתנים יסלף

Hagi Agra pristi vahera kukenazmia hatege'za amne vahekna nehazageno, za'za knama kvama mani'za e'naza kva vahe'tmina knare antahizazamia eri netrege'za amne vahekna nehaze.

20 מסיר שפה לנאמנים וטעם זקנים יקח

Hagi vahe'mo'zama antahinezmizage'za knare antahi'zama nezmiza vahe'mokizmi zamagira Agra ru hamunenkino, ranra vahe'mokizmi knare antahi'zana erinetre.

21 שופך בוז על-נדיבים ומזיח אפיקים רפה

Hagi Agra ugagota kva vahetmina zamazeri zamagaze nehuno, hankave vahe'mokizmi ha'zana zamazampintira eri hanarenetre.

22 מגלה עמקות מני-חשך ויצא לאור צלמות

Hagi Agra hanimpima framaki'nea zana eri ama nehuno, hanintirima hu'nea zana remsa higeno rumsa huvaganere.

23 משגיא לגוים ויאבדם שטח לגוים וינחם

Hagi Agra vahetamina zamazeri ra hige'za kumara ante'za rama'a vahe fore hutazageno, ete zamahe fanane nehie. Hagi Agra vahera zamazeri ra hige'za, rama'a fore hutazageno, ete zamazeri osira nehie.

24 מסיר--לב ראשי עם-הארץ ויתעם בתהו לא-דרך

Hanki Agra kini vahe'mokizmi antahintahia zamazeri savri hige'za, kana omne ka'ma kokampina neginagi hu'za hazagre'za vano nehaze.

25 ימששו-חשך ולא-אור ויתעם כשכור

Hagi ana'ma hige'za hanimpi eri'eri hu'za vano nehaze. Ana nehu'za aka tima nenea vahe'mo'zama nehazaza hu'za traka truku hu'za vano nehaze.